1 Juan 5:20

Ñanderuete Ñe’ẽ Porã 2015

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Referencias Cruzadas

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Isaías 54:5

Nde apohare ningo ne ména, nde Ruete, oñembohérava yvága atykuéra Jára; ha Israel Jára Heko porãva ndejogua voi; oñehenoiva’erã ichupe ko yvy tuichakue Jaraiteha.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Jeremías 23:6

Hi’árape Juda ovy’áta ha Israel oikóta py’aguapýpe; ha oñembohérata ichupe ko téra kóva rupi: Ñanderuete, ñande justícia.

Matéo 13:11

Ha Hesu he’i ichupekuéra: Peẽme ikatúgui ojekuaauka pe yvága pegua reko ñemimby, ichupekuéra katu nahániri.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Lúcas 24:45

Upérõ Hesu oikuaauka hemimbo’ekuérape mba’épa he’ise umi ñe’ẽ oñe’ẽva hese Ñanderuete kuatiañe’ẽme,

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 10:30

Che ha che Ruete peteĩchánte voi.

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 15:4

Pepyta chepype, upérõ che apytáta avei pendepype. Pe parral rakã ndaikatúi hi’a ijehegui rei, oĩ’ỹ ramo pe parral máta rehe, upéicha avei peẽ ndaikatúi pejapo mba’eve iporãva napeiméirõ chepype.

Juan 17:14

Che ningo ame’ẽma ichupekuéra ne ñe’ẽ, hapichakuéra katu ndaija’éi hesekuéra, ndoikosevéigui ambue yvyariguakuéra oiko háicha, ha upévare ha’ekuéra ndacherayhúi avei chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 20:28

Tomas katu ombohovái: Che Ruete ha che Járaite.

Juan 8:42

Upérõ Hesu he’i ichupekuéra: Ñanderuete rire pende Jára, peẽ cherayhuva’erãmo’ã, Che ajúgui Ñanderuetégui, Ha’e chemboúgui, Che ndajúi chejehegui reínte.

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

Romayguakuérape 9:5

Abraham, Isaac ha Jacóbo ningo ijypykuéra voi, ha Hesu Crísto onacéma hetépe ko’ã tetãyguakuéra apytépe. Upévare toñembotuicha ha toñemomba’eguasu Ñandejárape ára atyguasukuéra rupi, amen (taupéicha).

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

2 Corintoyguakuérape 5:17

Upévare upe oikóva Hesu Cristopype oñemoingo pyahúma, oñemboheko ambuéma (nacimiénto pyahu), pe teko tuja opáma (pe teko tuja nomandavéima hekovépe). Peikuaa porãke, pe teko pyahu oñepyrũma hague.

Efesoyguakuérape 3:18

ikatu hag̃ua peikuaa porãve pehóvo opaite ambue Hesu Crísto reheguáva ndive, pe mborayhu pukukue, ipekue, ijyvatekue ha ipypukukue,

Filipoyguakuérape 3:9

ha ko’ág̃a natekotevẽvéi añeha’ãmba che ajapo hag̃ua umi tembiapo porã che yvyarigua pu’aka rupi ahupity hag̃ua pe tekove tapia g̃uarãva, oñeme’ẽva uvei chéve Hesu Crísto rembiapo porã rupi ha ajeroviágui hese.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

Títope 2:13

Ha ñaha’ãrõ hag̃ua Ñandejára ha Hesu Crísto ou jevy heko jajaipa reheve ñandesalva hag̃ua.

hebreoyguakuerape 1:8

Ita’ýra rehe katu he’i: Nde Jára guapyhaguasu oĩta ára atyguasu guive ára atyguasukuéra rupi, ha nde pu’aka rupi reisãmbyhy hekoitépe ne retãguasúpe.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 2:24

Umi mba’e pehenduva’ekue ñepyrũ guive topyta pendepype. Pendepype opytárõ pe ñepyrũ guive pehendumava’ekue, peẽ pepytáta avei Ta’ýra ha Tuvapype.

1 Juan 2:6

Upe he’íva ipype oĩha, oikova’erã Ha’e oiko haguéicha avei.

1 Juan 4:14

Ha ore rohecha ha roikuaaukaroína pe Túva ombou hague Ita’ýrape osalva hag̃ua tetãyguakuérape.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 4:2

Péicha peikuaáta ha’e ouha Ñanderuetégui: Opaite Pytu he’íva Hesu Crísto ou hague kuimba’etee ramo ko yvy apére, upéva ou Ñanderuetégui,

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:15

Ha jaikuaárõ, Ha’e ñanerendutaha oimeraẽ mba’e jajerurérõ, jaikuaa jarekomaha umi mba’e jajerureva’ekue ichupe.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:5

Máva piko upe ombopoguýva ko múndope, pe ogueroviáva Hesu Crísto Ñanderuete Ra’yha.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 19:11

Upéi che, Juan, ahecha pe yvága ojepe’a ha péina ou peteĩ kavaju morotĩ ha pe oguapýva hi’ári oñembohéra Hekopetegua (fiel) ha Añeteguáva, Ha’e ningo oporombojovake hekoitépe ha oñorãirõhína.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.