1 Juan 5:19

Ñanderuete Ñe’ẽ Porã 2015

Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

Referencias Cruzadas

Lúcas 4:6

Ha Satana he’i Hesúpe: Opaite ko’ã tetã ko’ãva, ipu’aka ha opaite imba’e porã reheve amoĩmbáta opaite ko’ã mba’e nde poguýpe, che poguýpe oñemoĩmava’ekue, ha che ame’ẽta ame’ẽsévape.

Juan 12:31

Ko’ág̃a oñembojovakéta ko múndope ha oñemosẽta avei okápe Satana, ko múndo ruvichápe.

Juan 14:30

Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe.

Juan 16:11

Ha ohechaukáta oñembojovakemaha ko múndo ruvicha, Satanáme.

Juan 17:15

Ndajeruréi Nde reipe’a hag̃ua ichupekuéra ko yvy árigui, ajerure uvei Nde reñangareko hag̃ua hesekuéra mba’evaígui (Añagui).

Romayguakuérape 8:16

Pe Pytu Porãmbáva oikuaauka ñande pytu porãme ñande ha’eha Ñanderuete ra’y ha itajyraha.

2 Corintoyguakuérape 1:12

Ore rovy’a roiko haguére hekópe ha py’a porãme ko yvy apére ha pende apytépe avei, ndoroikói py’apyñe’ẽ vaípe ni tova mokõime.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

2 Corintoyguakuérape 5:1

Jaikuaa porã ningo ñande róga yvy arigua (tete) ndahi’areiha, oñembyai rire, Ñanderuete voi ome’ẽva’erã ñandéve peteĩ tete pyahu hekohápe, ojejapo’ỹva kuimba’e po rupi.

Galaciayguakuérape 1:4

Hesu Crísto oñeme’ẽva’ekue ojupe ñane rembiapo vai rehehápe, ñandepe’a hag̃ua ko ára atyguasu vaígui, Ñanderuete rembipota porã rupi.

Efesoyguakuérape 2:2

peikova’ekue pene rembipota vai poguýpe, ojeiko háicha ko ára atyguasúpe ha pejapova’ekue ko múndo jára rembipota vai, ha’e ningo pe pytu vai (Satana) omba’apovahína avei opavave oñemoĩvape guive Ñanderuete rehe.

2 Timotéope 1:12

Ko’ã mba’e rehe voi che ahasa asy’aína. Natĩri katu, aikuaa porãgui mávarehepa che ajerovia ha che aikuaa porã avei Hesu Crísto pu’aka rupi ahupitytaha pe tekove tapia g̃uarãva Ha’e ou jevýrõ g̃uarã ára.

Títope 3:3

Ñande voi yma ñandevyrova’ekue, nañaneñe’ẽrendúimi, ñande japiava’ekue avei tape porãgui jaiko hag̃ua opaichagua mba’evai rembiguáirõ, jaiko aña rekópe, envídiape, py’arópe, ha upévare ambuekuéra oiko ñanderehe ija’e’ỹva ramo.

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

1 Juan 3:14

Ñande ningo jaikuaa, jahasáma hague ñemanógui tekoveteépe, jahayhúgui ñane hermanokuérape. Upe ohayhu’ỹva katu oiko gueteri ñemanóme.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.

1 Juan 5:13

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.

1 Juan 5:15

Ha jaikuaárõ, Ha’e ñanerendutaha oimeraẽ mba’e jajerurérõ, jaikuaa jarekomaha umi mba’e jajerureva’ekue ichupe.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 20:3

Ha oity ichupe pe yvykua pypukuetépe ha omboty porã iséllo reheve anive hag̃ua ombotavy tetãnguérape ohasapa peve 1.000 áño, ha uperire ojepoi jevyva’erã ichugui mbovy ára.