1 Juan 5:16

Ñanderuete Ñe’ẽ Porã 2015

Oime ramo peteĩ ohecháva iñermáno oñemohembiapo vai, peteĩ tembiapo vai ndaha’éiva omano hag̃uáicha, tojerure hese ha Ñanderuete ome’ẽta ichupe pe tekove. Oĩ ningo tembiapo vaiete omano hag̃ua, upévare che ha’e ani hag̃ua ojejerurétei.

Referencias Cruzadas

Genesis 20:17

Upémaramo Abraham oñembo’e Ñanderuetépe; ha Ñanderuete omonguera Abimelec ha hembirekópe, ha hembiguái kuñakuérape, imemby joaite hag̃ua.

Genesis 20:7

Ha ko’ág̃a emondo jevy pe kuñakaraípe iména rendápe; ha’e ningo peteĩ proféta, ha’e oñembo’éta nderehe ha nde reikovéta. Ha neremondovéi ramo ichupe, eikuaa porãke, nde remanova’erãha, ha umi nde reheguáva avei.

Salmokuéra 106:23

Upévagui Ñanderuete ohundipase ichupekuéra, ndaipóri rire Moises, hembiporavopyréva ojerure asýgui hesekuéra, oñehundipava’erãmo’ã, iñembo’e porã rupi katu Ñanderuete opoi hembipotágui.

Éxodo 34:9

he’ívo: Che Jára, ajohu ramo py’aporã nde resa renondépe, terehomína orendive Nde ha’égui ore Jára; umi tetãygua ningo iñakã porã’ỹva voi; eperdona ore reko vai ha ore angaipa, orerereko ne mba’eteéva ramo.

Jeremías 11:14

Ha nde Jeremías, ani reñembo’e ko’ã tetãygua rehe, ani rejahe’o ha ani remba’ejerure hesekuéra; Che nahendumo’ãi ojepy’apyha árape omba’ejerure asy ramojepe hikuái chéve.

Jeremías 14:11

Ñanderuete he’i chéve: Ani remba’ejerurétei mba’eporã ko tetã kóva renondépe.

Jeremías 7:16

Ha nde, Jeremías, anítei reñembo’e ko tetã kóva rehe, ha aníke nerasẽtei hese, ha aníke remba’ejerurétei chéve hesekuéra, Che norohendumo’ãi.

Ezequiel 22:30

Ha aheka ijapytepekuéra peteĩ kuimba’e omopu’ãkuaáva pe tápia ha omboty jevýva ikuára ani hag̃ua Che ambyai ko tetãme, ha ndajohúi avavépe.

Números 12:13

Upéramo Moises omba’ejerure Ñanderuetépe ha he’i: Ajerure asy ndéve, che Jára, emonguerána ichupe ko’ág̃a.

Números 15:30

Ha pe tapicha ojapóva oimeraẽ mba’evai oipotágui, taha’e Israelgua térã tetã ambueyguáva, upéva oñemoĩma pende Ruete rehe ha pe tapicha pévape ojejukava’erã hetãyguakuéra apytégui.

Lúcas 12:10

Ha oimeraẽva oñe’ẽvaíva yvyarigua Ra’y rehe, oñeperdonava’erã, upe oñe’evaíva ha oñemoĩva pe Pytu Porãmbáva rehe katu noñeperdonaiva’erã araka’eve.

Juan 17:9

Che ajerure’aína ndéve hesekuéra, ndajeruréi ambuekuéra rehe, umi reme’ẽva rehénte chéve, ha’ekuéra ningo ne mba’e voi.

2 Timotéope 4:14

Alejándro, pe omba’apóva hiérro rehe, ojapo heta mba’evai cherehe, Ñanderuete omyengoviáta ichupe pe ojapo vaiva’ekue cherehe.

1 Juan 5:17

Opaichagua tembiapo oñemoĩva Ñanderuete ha hembiapoukapy rehe ningo tembiapo vai (angaipa), ijapytépe katu oĩ umi tembiapo vai ndogueraháiva ñemanóme.

1 Samuel 12:19

Upémaramo opaite tetãyguakuéra he’i Samuélpe: Ejerure Ñanderuetépe ne rembiguaikuéra rehe, ani hag̃ua romanomba, péina opaite ore angaipa ári rombojo’ave ko mba’evaiete, rojerurévo ore retã ruvicharã rehe.

1 Samuel 2:25

Tetãygua ojapo vai ramo hapicha rehe Ñanderuetépe oikóta imbojovakehára ramo, ombojovake hag̃ua hembiapokue; ha peteĩ tetãygua katu oñemoangaipa ramo Ñanderuete rehe, mávapa omba’ejerurekuaa hese. Ha’ekuéra katu nohenduséi itúva ñe’ẽ, Ñanderuete voi péicha ojapo omano hag̃ua hikuái.