1 Juan 5:13

Ñanderuete Ñe’ẽ Porã 2015

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.

Referencias Cruzadas

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 2:23

Hesu Crísto oĩ ramo Jerusalénpe pe páscua aretépe, heta ojeroviáva hesete voi, ohechávo umi techaukaha Hesu ojapóva.

Juan 20:31

Ko’ã mba’e katu ojehai peguerovia hag̃ua Hesu ha’eha pe Crísto, Ñanderuete Ra’y, ha pejerovia hese oñeme’ẽ hag̃ua peẽme pe tekovete.

Juan 21:24

Pe temimbo’e Hesu ohayhúvape ningo, ohai ko kuatia ñe’ẽ kóva, ha’e voi ningo peteĩ techahare porãva, ha ñande jaikuaa iñe’ẽnguéra hi’añete ha hekoitepeha.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Apostolkuéra 3:16

Ha ore rojeroviaroína ko Hesu Crísto rehe, Ha’e ningo omonguera ko ikarẽvape, peẽ peikuaáva pende resa renondépe, ndaoréi.

Apostolkuéra 4:12

Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.

2 Corintoyguakuérape 5:1

Jaikuaa porã ningo ñande róga yvy arigua (tete) ndahi’areiha, oñembyai rire, Ñanderuete voi ome’ẽva’erã ñandéve peteĩ tete pyahu hekohápe, ojejapo’ỹva kuimba’e po rupi.

Galaciayguakuérape 4:6

Peẽ peikómagui ita’ýra ha itajýra ramo, Ñanderuete ombou Ita’ýra Pytu Porãite pende py’apýpe osapukáiva: Abba, he’iséva ore Ruete, (Romayguakuérape 8,15).

1 Pédro 5:12

Silváno rupi, ñane hermáno hekoite peguáva, chéverõ g̃uarã, ahaiuka ko kuatiañe’ẽ mbykymi pomokyre’ỹ hag̃ua ha pepyta hatã hag̃ua Ñanderuete mborayhu añeteguáva ha ipu’aka poguýpe.

1 Juan 1:4

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:21

Ndahaíri peẽme peikuaa’ỹrõguáicha pe añetegua, peikuaa porã uvei, ha peikuaa porã avei mba’eveichagua japu nosẽiha pe añeteguágui.

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

1 Juan 2:26

Ko’ã mba’e che ahai peẽme, peikuaa hag̃ua mba’éichapa umi penembotavyséva oikohína.

1 Juan 3:23

Ha hembiapoukapy ningo kóva: Jajeroviava’erã Ita’ýra Hesu Crísto réra rehe ha jajohayhu, upéicha Ha’e voi he’iuka ñandéve.

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.

1 Juan 5:11

Ha Ñanderuete me’ẽmby ñandéve g̃uarã ningo kóva: Tekove tapia g̃uarãva, ha ko tekove tapia g̃uarãva oĩ Ita’yrapype.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.