1 Juan 5:12

Ñanderuete Ñe’ẽ Porã 2015

Upévare upe oguerekóva Hesu Crísto ipy’apýpe oguereko tekove tapia g̃uarãva; ha pe ndoguerekóiva Ñanderuete Ra’ýpe, ndoguerekói avei pe tekove tapia g̃uarãva.

Referencias Cruzadas

Márcos 16:16

Ha upe ojeroviáva ha ojebautizaukáva ojesalváta ha upe ojerovia’ỹva cherehe oñehundiva’erã.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 3:15

opavave ojeroviáva guive hese ohupityva’erã pe tekove tapia g̃uarãva.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

hebreoyguakuerape 3:14

Ñande, Crísto reheguáva, jajejoko hatãkena ñande jerovia rehe ipaha peve, jarekóva iñepyrũha guive,

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.