1 Juan 5:11

Ñanderuete Ñe’ẽ Porã 2015

Ha Ñanderuete me’ẽmby ñandéve g̃uarã ningo kóva: Tekove tapia g̃uarãva, ha ko tekove tapia g̃uarãva oĩ Ita’yrapype.

Referencias Cruzadas

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Juan 1:19

Ko Juan ningo pe techahare he’imava’ekue pa’i ha Leviguakuérape, ouva’ekue hendápe Jerusaléngui, oporandu hag̃ua ichupe: Máva piko nde.

Juan 1:4

Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 12:50

Ha Che aikuaa porã umi ñe’ẽ Ha’e oikuaaukáva chéve ha’e pe tekove tapia g̃uarãva. Ha umi ñe’ẽ Che añe’ẽva, Ha’e he’iukapa chéve.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 19:35

Ha upe ohechava’ekue opaite ko’ã mba’e, opytáma techahare ramo, ha opaite mba’e ha’e he’íva guive hi’añete, peẽ pejerovia hag̃ua avei Hesu rehe.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 4:36

Upe omono’õva ningo ohupitýma hembiapokue repy ha omono’õ umi yva pe tekove tapia g̃uarãme, upe oñemitỹva ovy’a ha upe omono’õva avei.

Juan 4:4

Ha’ekuéra ohasava’erã Samária táva rupi.

Juan 5:21

Pe túva omoingove jevy háicha omanova’ekuépe, peichaite avei Ita’ýra, Ha’e omoingove avei Ha’e oipotávape guive.

Juan 5:26

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 6:47

Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Juan 6:68

Simon Pédro katu he’i ichupe: Ore Jára, máva rendápe piko rohóta. Ne ñe’ẽ ningo oporomoingovéva tapia g̃uarã,

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

1 Timotéope 1:16

Upévare Hesu Crísto chemyenyhẽ iporiahuverekógui, péva ijopói chéve g̃uarã, ojehechauka hag̃ua che rekove rupi, imborayhu tuicha oha’ãrõva opaite ojeroviátavape g̃uarã, ohupity hag̃ua avei Hesu Crísto rupi pe tekove opa’ỹva.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

1 Juan 5:7

Mbohapy ningo oĩ umi oikuaaukáva ko mba’e kóva:

3 Juan 1:12

Demétrio rehe opavave oñe’ẽ porã, ha ha’e omyasãi hekópe pe añetegua rape, ha opárupi roñe’ẽ porã avei hese ha nde reikuaa porã ore romombe’uha pe añetegua.

Júdas 1:21

Peñeñongatu Ñanderuete mborayhupype, peha’ãrõ Ñandejára Hesu Crísto ou jevy peve iporiahuvereko reheve peiko hag̃ua hendive tapia g̃uarã.

Apocalípsis 1:2

Ha Juan ningo oikuaaukava’ekue ko Ñanderuete ñe’ẽ (iglesiayguakuérape), ha’e omombe’u opaite mba’e Hesu Crísto ohechaukava’ekue ichupe.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.