1 Juan 4:9

Ñanderuete Ñe’ẽ Porã 2015

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.

Referencias Cruzadas

Genesis 22:2

Ha he’i: Eraha ko’ág̃a nde ra’y, ha’eñomíva, Isaac, rehayhuetévape, ha tereho Moría yvýpe, ha upépe eikuave’ẽ ichupe chéve g̃uarã kuave’ẽmby ramo peteĩ cérro ári Che ha’etahápe ndéve.

Salmokuéra 2:7

Che amyasãita iñe’ẽ, Ñanderuete he’i voi chéve: Nde ningo che Ra’y, ha ko ára Che romoñemoña.

Márcos 12:6

Pe parralty jára ipahaitépe katu oguereko gueteri peteĩ ta’ýra ohayhuetéva, kóvape ombou ipahápe ichupekuéra he’ívo: Omomba’éta hikuái che ra’ýpe.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Juan 10:10

Umi mondaha ningo ou omonda ha oporohundi hag̃uánte, Che katu aju ame’ẽ hag̃ua pe tekove añeteguáva ha hemby hag̃ua gueteri.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Juan 6:29

Hesu ombohovái ichupekuéra ha he’i: Kóva ningo Ñanderuete rembipota: Peẽ pejerovia hag̃ua Ha’e ombouva’ekue rehe.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Juan 6:57

Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Juan 8:29

Ha pe chembouva’ekue oĩ chendive, ndacherejáiri che año, Che ningo ajapo tapia pe Ha’e oipotáva ha ombovy’áva ichupe.

Juan 8:42

Upérõ Hesu he’i ichupekuéra: Ñanderuete rire pende Jára, peẽ cherayhuva’erãmo’ã, Che ajúgui Ñanderuetégui, Ha’e chemboúgui, Che ndajúi chejehegui reínte.

Juan 9:3

Hesu katu he’i ichupekuéra: Kóva, ndaha’éi itúva ni isy angaipáre ha’e onace hague hesatũva. Péva ojehúnte ojehechauka hag̃ua ha’érupi Ñanderuete pu’aka, peteĩ milágro rupi.

Romayguakuérape 8:32

Ñanderuete nahakate’ỹiva’ekue ita’yratee rehe jepe, ome’ẽvo ichupe ñanderehehápe, mba’éicha piko nome’ẽmo’ãi avei hendive opaite ambue mba’e (ñaikotevẽteéva).

hebreoyguakuerape 1:5

Mba’eichagua yvága rembiguáipepa oje’eraka’e: Nde ningo che ra’y, ko árape Che romoñemoña. Ha avei: Che Itúvata ha ha’e chera’ýta.

1 Juan 3:16

Ñande jahechakuaa porã Hesu Crísto mborayhu, Ha’e ome’ẽgui hekove ñanderehehápe, upévare ñande ñame’ẽva’erã avei ñande rekove ñane hermanokuéra rehehápe.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 5:11

Ha Ñanderuete me’ẽmby ñandéve g̃uarã ningo kóva: Tekove tapia g̃uarãva, ha ko tekove tapia g̃uarãva oĩ Ita’yrapype.

1 Juan 5:13

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.