1 Juan 4:20

Ñanderuete Ñe’ẽ Porã 2015

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

Referencias Cruzadas

Juan 13:35

Upéicharamo opavave oikuaava’erã peẽ che remimbo’eha, pejohayhúrõ.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,

1 Juan 1:6

Ja’érõ ñañembopy’apeteĩha hendive ha jaiko pytũmbýpe (angaipápe) ñandejapu, ha ndaja’éi pe añetegua.

1 Juan 1:8

Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

1 Juan 2:11

Ha upe iñermáno rehe ija’e’ỹva, oikohína gueteri pytũmbýpe, ha oguata pytũmbýpe ha ndoikuaái mamópa oho, pe pytũ omohesatũgui ichupe.

1 Juan 2:4

Oime ramo he’íva che aikuaa ichupe, ha ndojapói hembipota, ijapu ha ipype ndaipóri pe añetegua.

1 Juan 2:9

Upe he’íva oĩha tesapépe ha ndaija’éiva iñermáno rehe, upéva oiko gueteri pytũmbýpe.

1 Juan 3:17

Oime ramo peteĩ oiko porãva ha ohechárõ iñermáno ohasa asyha ha ombotýrõ ipy’apy ichugui, mba’éichapa upéicharõ Ñanderuete mborayhu opytakuaa ipype.

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.