1 Juan 4:17

Ñanderuete Ñe’ẽ Porã 2015

Péichamante pe mborayhu oĩmba hekópe ñande rekovépe, ha ndajakyhyjevéima, vy’apópe ñaha’ãrõ uvei pe ñembojovake ára paha; ñande reko oñemoambue haguére ha jaikógui Hesu Crísto rekóicha.

Referencias Cruzadas

Matéo 10:15

Añetehápe Che ha’e peẽme upe ñembojovakeha árape ivevuivéta pe jehavira Sodóma ha Gomórra retãme g̃uarã, umi táva umívape g̃uarãgui.

Matéo 10:25

Iporãma pe temimbo’e oiko imbo’eháraicha ha pe tembiguái ijáraicha; ha oñehenói ramo pe óga járape Beelzebu, (pytu vai) ko’yteve hogayguakuérape.

Matéo 11:22

Upévare Che ha’e peẽme pe mbojovakeha árape, pe jehavira peẽme g̃uarã ipohyivéta Tíro ha Sidon peguágui.

Matéo 11:24

Upévare Che ha’e peẽme, Sodóma retã jehavirarã ivevuivéta upe penderupitýtavagui.

Matéo 12:36

Ha Che ha’e peẽme opaichagua ñe’ẽ rei yvyariguakuéra he’íva guive, Ñanderuete ohepyme’ẽva’erã ichupe upe ñembojovakeha árape.

Juan 15:20

Penemandu’ákena pe ñe’ẽ Che ha’emava’ekue rehe peẽme: Pe tembiguái ningo namba’eguasuvéi ijáragui. Ha’ekuéra chepersegui ramo, katuete pendeperseguiva’erã avei. Ha oĩ umi ojapóva che ñe’ẽ, katuete oĩta avei umi ojapótava pene ñe’ẽ.

Juan 17:22

Ha Che ambohasa hag̃ua ichupekuéra pe teko jajaipáva Nde reme’ẽmava’ekue chéve, oiko porã hag̃ua oñondive, Ñande jaiko porã háicha oñondive.

Romayguakuérape 8:29

Ñanderuete oipota umi Ha’e oikuaámava ymaguare guive, ojoguava’erãha ita’ýra Hesu Crísto ra’ãngápe (heko porãme), Hesu Crísto ningo oiko hermáno peteĩha ramoiñermanokuéra apytépe.

hebreoyguakuerape 9:27

Kuimba’ekuéra ha kuñakuéra omanova’erã háicha peteĩ jevýnte, ha uperire oikóta pe ñembojovakeguasu,

Tiágo 2:13

Umi oporoporiahuvereko’ỹva oñembojovakéta avei jeporiahuvereko’ỹre; upévare upe oporoporiahuverekóva natekotevẽi okyhyje pe ñembojovake áragui, (1 Pédro 4,8).

Tiágo 2:22

Rehechápa ijerovia omba’apo porã hague hembiapo porã rupi, ha hembiapo porã rupi ijerovia okakuaa porãve ohóvo og̃uahẽ meve hu’ãme.

2 Pédro 2:9

Ñanderuete oguenohẽkuaa umi hese ojeroviávape ijepy’ara’ãgui, umi tekove vaípe katu Ha’e oñongatu pe ñembojovakeha árape g̃uarã,

2 Pédro 3:7

Ko’ag̃agua yvagakuéra ha yvy oñeñongatu Ñanderuete ñe’ẽ rupi tatápe g̃uarã.

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

1 Juan 2:5

Upe ojapóva iñe’ẽ katu, ipype oĩ pe añetegua ha Ñanderuete mborayhu oisãmbyhy ichupe. Upéicha ramo jaikuaa ñaĩha Hesu Cristopype.

1 Juan 2:6

Upe he’íva ipype oĩha, oikova’erã Ha’e oiko haguéicha avei.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 3:3

Ha opaite oguerekóva ko esperánza kóva ipype, toñemboheko porã, Ha’e heko porã háicha avei.

1 Juan 3:7

Che ra’ykuéra ha che rajykuéra, anítei avave penembotavy; pe ojapóva heko peguáva, heko potĩma Hesu Crístoicha.

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.