1 Juan 4:15

Ñanderuete Ñe’ẽ Porã 2015

Oimeraẽ he’íva Hesu Crísto Ñanderuete Ra’yha, ipype opyta Ñanderuete, ha ha’e opyta Ñanderuetepype avei.

Referencias Cruzadas

Matéo 10:32

Upévare oimeraẽ ohechaukáva chekuaaha yvyariguakuéra apytépe, Che avei aikuaaukáta ichupe che Ru yvága pegua renondépe.

Lúcas 12:8

Che ningo ha’e peẽme oimeraẽva otĩ’ỹva omombe’u hag̃ua che réra tetãyguakuéra renondépe, pe yvy arigua Ra’y notĩmo’ãi avei omombe’u hag̃ua héra Ñanderuete angelkuéra renondépe.

Juan 6:56

Pe ho’úva che ro’o ha omboy’úva che ruguy, opyta chepype ha Che ipype.

Apostolkuéra 8:37

Ha Felípe he’i ichupe: Nde rejerovia ramo nde py’aite guive, ikatu. Upérõ ha’e ombohovái ha he’i: Arovia Hesu Crísto Ñanderuete Ra’yha.

Romayguakuérape 10:9

Nde remombe’u ramo nde juru rupi Hesu Crísto nde Jaraha, ha nde rejerovia ramo nde py’aite guive Hesu Crísto rehe, ha Ñanderuete omoingove jevy hague ichupe omanova’ekue apytégui, upéicharamo rejesalváta.

Filipoyguakuérape 2:11

Ha opaite juru he’iva’erã Hesu Crísto ha’eha Ñandejára ha upéicha omomba’eguasu hikuái Ñanderuetépe, pe Túva Añeteguávape.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 2:24

Umi mba’e pehenduva’ekue ñepyrũ guive topyta pendepype. Pendepype opytárõ pe ñepyrũ guive pehendumava’ekue, peẽ pepytáta avei Ta’ýra ha Tuvapype.

1 Juan 3:23

Ha hembiapoukapy ningo kóva: Jajeroviava’erã Ita’ýra Hesu Crísto réra rehe ha jajohayhu, upéicha Ha’e voi he’iuka ñandéve.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.

1 Juan 4:2

Péicha peikuaáta ha’e ouha Ñanderuetégui: Opaite Pytu he’íva Hesu Crísto ou hague kuimba’etee ramo ko yvy apére, upéva ou Ñanderuetégui,

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:5

Máva piko upe ombopoguýva ko múndope, pe ogueroviáva Hesu Crísto Ñanderuete Ra’yha.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.