1 Juan 4:14

Ñanderuete Ñe’ẽ Porã 2015

Ha ore rohecha ha roikuaaukaroína pe Túva ombou hague Ita’ýrape osalva hag̃ua tetãyguakuérape.

Referencias Cruzadas

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 10:36

Pe Ñanderuete oiporavóma ha omboumava’ekuépe ko yvy ape ári piko peẽ pejéta ichupe: Nde reñe’ẽvai, ere haguére: Che ningo Ñanderuete Ra’y.

Juan 12:47

Ha upe ohendúva che ñe’ẽ ha ndojapói ramo, Che nambojovakemo’ãi ichupe, Che ndajúigui ambojovake hag̃ua, asalva hag̃ua uvei tetãyguakuérape.

Juan 3:11

Añetehápe, añetehápe, che ha’e ndéve: Umi mba’e roikuaáva roñe’ẽ ha umi mba’e rohecháva roikuaauka peẽme, opaichavérõ peẽ ndapeipotái ore ñe’ẽ.

Juan 3:32

Umi mba’e Ha’e ohecha ha ohendúmava Ha’e oikuaauka, upéicha ramojepe ndogueroviáiri hikuái iñe’ẽ.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Juan 4:42

ha upévare he’i hikuái pe kuñáme: Ko’ág̃a ndaha’evéima ne ñe’ẽ rehe rojeroviáva ore voi katu, rohendu haguére ichupe, ha roikuaáma kóva ha’eha tetãyguakuéra Salvador, pe Crísto añeteguáva.

Juan 5:39

Peẽ peitypeka (peipyguara, peheka) Ñanderuete kuatiañe’ẽre, hi’ag̃ui peẽme pejohutaha ipype pe tekove tapia g̃uarãva, ha añetehápe Ñanderuete kuatiañe’ẽ che rechahare voi.

Apostolkuéra 18:5

Sílas ha Timotéo og̃uahẽvo Macedóniagui ojohu Páblope omyasãiva kyre’ỹme Ñanderuete ñe’ẽ, oikuaaukávo Judayguakuérape Hesu ha’eha pe Crísto.

1 Pédro 5:12

Silváno rupi, ñane hermáno hekoite peguáva, chéverõ g̃uarã, ahaiuka ko kuatiañe’ẽ mbykymi pomokyre’ỹ hag̃ua ha pepyta hatã hag̃ua Ñanderuete mborayhu añeteguáva ha ipu’aka poguýpe.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

1 Juan 5:9

Ñande jaguerovia ramo yvyarigua rechahare ñe’ẽ, jagueroviaveva’erã Ñanderuete ñe’ẽ, iñe’ẽ ituichaitereive oimeraẽ yvyarigua ñe’ẽgui ha Ha’e he’imava’ekue Hesu Crísto Ita’yrateeha.