1 Juan 3:23

Ñanderuete Ñe’ẽ Porã 2015

Ha hembiapoukapy ningo kóva: Jajeroviava’erã Ita’ýra Hesu Crísto réra rehe ha jajohayhu, upéicha Ha’e voi he’iuka ñandéve.

Referencias Cruzadas

Salmokuéra 2:12

Pemomba’eguasúke Ita’ýrape, ani hag̃ua pemanomba tapére sapy’aitépe ipochy rupi. Ovy’aite ningo opaite umi ojeroviáva Ñanderuete rehe.

Matéo 22:39

Ha pe mokõiha pegua ningo koichaguaiténte avei: Rehayhuva’erã nde rapichápe, nde rejehayhu haichaite.

Márcos 9:7

Ha ou peteĩ arai omo’ãva ichupekuéra, ha osẽ ñe’ẽpu pe araígui he’íva: Kóva ningo che Ra’y ahayhúva, pehendúke ichupe.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 13:34

Peteĩ tembiapoukapy pyahu ame’ẽ peẽme: Pejohayhúke Che pohayhu háicha, péicha pejohayhu avei peẽ.

Juan 14:1

Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe.

Juan 15:12

Kóva ningo che rembipota: Tapejohayhu, Che pohayhu háicha.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 2:23

Hesu Crísto oĩ ramo Jerusalénpe pe páscua aretépe, heta ojeroviáva hesete voi, ohechávo umi techaukaha Hesu ojapóva.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 6:29

Hesu ombohovái ichupekuéra ha he’i: Kóva ningo Ñanderuete rembipota: Peẽ pejerovia hag̃ua Ha’e ombouva’ekue rehe.

Apostolkuéra 16:31

Ha’ekuéra he’i ichupe: Ejerovia Ñandejára Hesu Crísto rehe, ha nde ha nde rogayguakuéra ojesalvava’erã.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

1 Tesalonicayguakuérape 4:9

Pe mborayhu hermanokuéra rehe ningo natekotevẽi che ahai peẽme, Ñanderuete voi ningo penembohekóma pejohayhu hag̃ua.

1 Timotéope 1:15

Hesu Crísto ñe’ẽ porãite hi’añete ha ija oimeraẽva ojapyhy hag̃ua. Hesu Crísto ou ko yvy apére osalva hag̃ua angaipavórape, ha ijapytépe che pe ituichaveva’ekue.

1 Pédro 1:22

Peẽ pemopotĩ rire pene ánga peneñe’ẽrendu hag̃ua Ñanderuete ñe’ẽ añeteguápe ha pejohayhu hag̃ua tapia hermáno mborayhu añetegua ha tova mokõi’ỹ reheve.

1 Pédro 4:8

Opaite mba’e ári toĩ pende apytépe pe mborayhu añeteguáva. Pe mborayhu añetegua omo’ã tembiapo vaikueita jepe, (Tiágo 5,20).

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.

1 Juan 3:11

Upévare pehendu ñepyrũ guive ko ñe’ẽ he’íva: Jajohayhuva’erã.

1 Juan 4:15

Oimeraẽ he’íva Hesu Crísto Ñanderuete Ra’yha, ipype opyta Ñanderuete, ha ha’e opyta Ñanderuetepype avei.

1 Juan 4:21

Ha ko tembiapoukapy kóva jaguereko voi ichugui: Pe ohayhúva Ñanderuetépe ohayhuva’erã avei iñermánope.

1 Juan 5:13

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.