1 Juan 3:20

Ñanderuete Ñe’ẽ Porã 2015

Ñande py’apyñe’ẽ ñanemoĩ vaisérõ Ñanderuete renondépe, imborayhu ituichave ñande py’apyñe’ẽgui, Ha’e oikuaapágui voi ñande py’apýpe oĩva guive.

Referencias Cruzadas

Job 27:6

Ajejoko che reko potĩ rehe, ha ndapoimo’ãi ichugui aikove aja pukukue; che py’apyñe’ẽ ndachesu’úi (ndacheacusái, ndachekarãiri).

Job 33:12

Eikuaa porãke, ko’ã mba’épe nereñe’ẽi hekoitépe, che ha’e ndéve Ñanderuete ituichaveha yvyariguakuéragui.

Salmokuéra 90:8

Nde remyasãi ore rembiapo vai ne renondépe ha rojepy’amongetáva guive Nde remoĩ nde resa renondépe.

Jeremías 17:10

Che, pende Ruete, aikuaa porã opaite pensamiénto oĩva guive oimeraẽva pitikiri’ĩ ha ipy’apýpe, ha amyengoviáta peteĩteĩme hembiapokue ojerure háicha.

Jeremías 23:24

Oĩnepa okañykuaáva itakua pypukuetépe ahecha’ỹ hag̃ua ichupe. Che namyenyhẽi piko yvagakuéra ha pe yvy, he’i Yvága Atykuéra Jára.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Juan 8:9

Ohendu rire hikuái Hesu ñe’ẽ, osẽ joa peteĩteĩ, oñepyrũvo pe itujavévagui; ipahápe Hesu opyta ha’eño pe kuña ndive, opytava’ekue oñemoñembo’y haguépe.

Apostolkuéra 5:33

Ha’ekuéra ohendúvo umi mba’e, ipochyeterei ha ojukase ichupekuéra.

Romayguakuérape 8:34

Máva piko ikatu ocondena ichupekuéra. Hesu Crísto piko, Ha’e voi ningo omanova’ekue hendaguepekuéra, ha oikove jevy avei, ha oguapyhína avei Ñanderuete akatúape, ha ojerurevahína avei ñanderehe.

1 Corintoyguakuérape 4:4

Ndaikuaái ramojepe mba’eve ivaíva ajapoha’aína, che ndaikatúi ha’e chepotĩha, Ñanderuete voi chembojovakéta hekoitépe.

Títope 3:11

Eikuaa porãke, ha’e heko vai ha oñemohembiapo vaiha; ha noñembyasýigui ojapo vai haguére, ha’e voi oñecondenáma (heko vai rupi).

hebreoyguakuerape 4:13

Ndaipóri yvyarigua Ñanderuete ohecha’ỹva, oimeraẽva uvei ijopívo ha ojehechaukava’erã hesa renondépe, Ha’e ombojovakeha árape.

hebreoyguakuerape 6:13

Ñanderuete ome’ẽ ramoguare iñe’ẽ Abrahámpe, ome’ẽ iñe’ẽ ijehe, ndaipórigui tuichavéva ichugui.

1 Juan 3:19

Upéichamante jaikuaa ñande jaikoha ita’ýra térã itajýra añeteguáva ramo ha upéichamante Ha’e ombopy’aguapýta ñande py’apyñe’ẽ (conciéncia).

1 Juan 3:21

Che rayhupára, ñande py’apyñe’ẽ ñanemoĩ porã ramo, ñande jareko esperánza Ha’érupi.

1 Juan 4:4

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.