1 Juan 3:2

Ñanderuete Ñe’ẽ Porã 2015

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

Referencias Cruzadas

Job 19:26

ha oñembyaipa rire che pire che ro’o reheve ahecháta che Járape.

Salmokuéra 16:11

Rehechaukáta chéve pe tekove rape, nde ypýpe oĩ vy’a añetetéva, ha péva ndopamo’ãi araka’eve.

Salmokuéra 17:15

Che katu avy’a ahecha guive nde rova, ha apáy vove ama’ẽ nde reko heko pegua rehe, chemohyg̃uatãva ha chembopy’aguapýva.

Salmokuéra 31:19

Tuichaite ningo ne mborayhu reguerekóva umi ndehegui okyhyjévape g̃uarã, ha rehechaukáva umi nderehe ojeroviávape opavave renondépe.

Isaías 56:5

umíape Che ame’ẽta hendag̃ua che rógape, che korapy ryepýpe, ha ame’ẽta avei ichupekuéra peteĩ téra iporãvéva ta’ýra ha tajyrakuéragui; ame’ẽta ichupekuéra peteĩ téra opaite árape g̃uarã, ha araka’eve ndojepe’amo’ãvéi.

Malaquías 3:2

Ha mávapa ikatúne oguereko pu’aka ijejuha árape, térã mávapa ikatúne oñembo’ykuaa gueteri Ha’e ojehechauka ramo. Ha’e ojogua pe tata oporomopotĩmbávape, térã umi omba’ejohéiva havõme.

Matéo 5:8

Ipy’a rory umi ipy’apy potĩ joheipyréva, ha’ekuéra ohechava’erã Ñanderuetépe.

Lúcas 17:30

Upéichaite ojehu jevyva’erã avei yvyarigua Ra’y ojehechaukataha árape.

Lúcas 20:36

Ha’ekuéra ndaikatuvéimagui, omano oikóta angelkuéraicha, ha opytáta Ñanderuete ra’y ha rajy ramo, ha’ekuéra ningo pe jeikove jevy ra’y ha rajykuéra.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 11:52

ha ndaha’éi Israelguakuéra rehénte, ombyaty hag̃ua avei Ñanderuete ra’y ha rajykuéra oikóva guive ko yvy apére opaite tetãnguéra apytégui.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Romayguakuérape 8:16

Pe Pytu Porãmbáva oikuaauka ñande pytu porãme ñande ha’eha Ñanderuete ra’y ha itajyraha.

Romayguakuérape 8:18

Chéverõ g̃uarã umi jehasa asy ko’ag̃agua jahasavañaína, ndaha’éi mba’eve, ñambojoja ramo pe teko jajaipáva rehe ojehechaukava’erã ñande rekoverãme.

Romayguakuérape 8:19

Opaite Ñanderuete rembiapokue oha’ãrõ asyhína Ñanderuete ra’y ha itajyrakuéra reko jajaipa ojehechaukava’erãha ára.

Romayguakuérape 8:29

Ñanderuete oipota umi Ha’e oikuaámava ymaguare guive, ojoguava’erãha ita’ýra Hesu Crísto ra’ãngápe (heko porãme), Hesu Crísto ningo oiko hermáno peteĩha ramoiñermanokuéra apytépe.

1 Corintoyguakuérape 13:12

Ko’ág̃a ningo ndajahecha porãmbái jahechávaicha espéjo rupi, uperire katu ñama’ẽ ojováre; ko’ág̃a ningo ndaikuaapái Ñanderuetépe, uperire katu che aikuaapáta ichupe, Ha’e chekuaa háicha ko’ág̃a.

1 Corintoyguakuérape 15:49

Jaiko háicha pe yvy peguáva ra’ãnga reheve, upéicha avei jaikóta pe yvága pegua ra’ãnga reheve.

1 Corintoyguakuérape 2:9

Ojehu ningo ojehai haguéicha Ñanderuete kuatiañe’ẽme: Kuimba’e ha kuña resa ndohechaiva’ekue, ijapysa nohenduiva’ekue ha ipy’apýpe naheñoiriva’ekue, Ñanderuete ombosako’íma umi ichupe ohayhúvape g̃uarã, (Isaías 64,4).

2 Corintoyguakuérape 3:18

Upéicharamo opavave ñande, ahoja’ỹre ñama’ẽ Hesu Crísto reko jajaipa rehe espéjope ramoguáicha ha ñañemoambueve jahávo Hesu Crísto reko ojajaipávape, péva katu Ñanderuete rembiapo.

2 Corintoyguakuérape 4:17

Umi mba’e ore rohasavaroína ivevúi, rohasa asy ramojepe, roikuaágui uperire roguerekotaha hetave teko mimbipa ha vy’a añeteguáva.

Galaciayguakuérape 3:26

Opavave peẽ ningo Ñanderuete ra’y ha itajýra pejerovia guive Hesu Crísto rehe.

Galaciayguakuérape 4:6

Peẽ peikómagui ita’ýra ha itajýra ramo, Ñanderuete ombou Ita’ýra Pytu Porãite pende py’apýpe osapukáiva: Abba, he’iséva ore Ruete, (Romayguakuérape 8,15).

Filipoyguakuérape 3:21

Ha’e voi ningo omoambuéta ñande rete poriahu ojogua hag̃ua hete ojajaipávape, ha ipu’akaguasu rupi ombopoguypáta umi oñemoĩvape hese, opytapa hag̃ua ipoguýpe opaite mba’e ojejapomava’ekue guive.

Colosayguakuérape 3:4

Hesu Crísto ningo ñande rekove, ha Ha’e ouha ára pejupáta avei hendive Hesu Crísto rekojajaipa rendápe.

hebreoyguakuerape 9:28

péicha avei Hesu Crísto oñekuave’ẽma peteĩ jevýnte ogueraha hag̃ua heta angaipa; Ha’e ou jevývo ndoumo’ãvéima ogueraha hag̃ua kuimba’ekuéra ha kuñakuéra angaipa, ou jevyva’erã uvei ogueraha ha osalva hag̃ua umi oha’ãrõvape ichupe.

2 Pédro 1:4

Péva rupi oñeme’ẽ ñandéve umi promésa iporãitéva ha ituichaitéva, peẽ pepoi hag̃ua yvyarigua rete rembipota vaígui, ombyaíva yvy ariguakuéra rekove, ha peñemomba’e hag̃ua Hesu Crísto reko porã rehe.

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 3:21

Che rayhupára, ñande py’apyñe’ẽ ñanemoĩ porã ramo, ñande jareko esperánza Ha’érupi.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

Apocalípsis 2:28

Che ahupitypa haguéicha ko pu’aka kóva che Rúgui, upéicha Che ame’ẽ jevýta ichupekuéra ha hi’ári ame’ẽta ichupekuéra pe jasytata ko’ẽju megua.

Apocalípsis 22:4

Ha’ekuéra ohecháta hova, ha héra oĩta isyvakuéra rehe.