1 Juan 3:19

Ñanderuete Ñe’ẽ Porã 2015

Upéichamante jaikuaa ñande jaikoha ita’ýra térã itajýra añeteguáva ramo ha upéichamante Ha’e ombopy’aguapýta ñande py’apyñe’ẽ (conciéncia).

Referencias Cruzadas

Salmokuéra 119:56

Ko’ã mba’e ko’ãva ojehu che rekovépe ajapo haguére ne rembiapoukapy.

Isaías 32:17

Ha justíciagui heñóita tapia g̃uarã py’aguapy, angapyhy ha kyhyje’ỹ.

Juan 13:35

Upéicharamo opavave oikuaava’erã peẽ che remimbo’eha, pejohayhúrõ.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Romayguakuérape 4:21

Ha ogueroviaite ningo Ñanderuete ipu’akataha ojapopa peve, Ha’e opromete hagueichaite ichupe.

Romayguakuérape 8:38

Che katu aikuaa porã mba’evete ndaikatuiha ñandepe’a Hesu Crísto mborayhúgui, ni ñemano térã tekove, niangelkuéra térã demoniokuéra (añanguéra), ni yvy arigua térã ouva’erãva rehegua, ni Satana rembijokuái,

2 Timotéope 1:12

Ko’ã mba’e rehe voi che ahasa asy’aína. Natĩri katu, aikuaa porãgui mávarehepa che ajerovia ha che aikuaa porã avei Hesu Crísto pu’aka rupi ahupitytaha pe tekove tapia g̃uarãva Ha’e ou jevýrõ g̃uarã ára.

hebreoyguakuerape 10:22

Upévare ñañemboja Ñanderuete rendápe py’a porã ha jerovia mbaretépe, Ha’e omopotĩ hag̃ua ñane ñe’ã ñande py’apyñe’e vaígui ha ojohéi rire ñande rete y potĩetépe.

hebreoyguakuerape 11:13

Ko’ãva omanomba ohupity’ỹre opaite mba’e Ñanderuete oprometeva’ekue, opáichavo ijerovia rupi ohechava’ekue mombyry guive umi mba’e, ha jeroviapópe oñemomirĩ ha oiko mbohupa ha tetã ambueygua ramo ko yvy apére (Deuteronómio 34,1-8).

1 Juan 1:8

Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

1 Juan 2:21

Ndahaíri peẽme peikuaa’ỹrõguáicha pe añetegua, peikuaa porã uvei, ha peikuaa porã avei mba’eveichagua japu nosẽiha pe añeteguágui.

1 Juan 3:14

Ñande ningo jaikuaa, jahasáma hague ñemanógui tekoveteépe, jahayhúgui ñane hermanokuérape. Upe ohayhu’ỹva katu oiko gueteri ñemanóme.

1 Juan 3:20

Ñande py’apyñe’ẽ ñanemoĩ vaisérõ Ñanderuete renondépe, imborayhu ituichave ñande py’apyñe’ẽgui, Ha’e oikuaapágui voi ñande py’apýpe oĩva guive.

1 Juan 3:21

Che rayhupára, ñande py’apyñe’ẽ ñanemoĩ porã ramo, ñande jareko esperánza Ha’érupi.