1 Juan 3:16

Ñanderuete Ñe’ẽ Porã 2015

Ñande jahechakuaa porã Hesu Crísto mborayhu, Ha’e ome’ẽgui hekove ñanderehehápe, upévare ñande ñame’ẽva’erã avei ñande rekove ñane hermanokuéra rehehápe.

Referencias Cruzadas

Matéo 20:28

Yvyarigua Ra’y ndoúi haguéicha oporojokuái hag̃ua, ou uvei oiko hag̃ua tembiguái ramo ha ome’ẽ hag̃ua hekove heta rehehápe.

Juan 10:11

Che ningo pe ovecha rerekua añetéva. Pe terekua añeteguáva ome’ẽ hekoveteéva ijovecha rehehápe.

Juan 10:15

Che Ruete chekuaa háicha, Che aikuaa avei che Ruetépe. Che ame’ẽ che rekove che ovechakuéra rehe.

Juan 13:34

Peteĩ tembiapoukapy pyahu ame’ẽ peẽme: Pejohayhúke Che pohayhu háicha, péicha pejohayhu avei peẽ.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

Romayguakuérape 16:4

Ha’ekuéra ome’ẽse hekove cherehehápe, nacheañói agradece ichupekuéra, opaite tetã ambueygua iglesiakuéra avei,

Romayguakuérape 5:8

Ñanderuete katu ohechaukáma imborayhu ñandéve, Hesu Crísto omanóvo ñanderehehápe, ñande jaiko ramojepe angaipa (Aña) poguýpe.

2 Corintoyguakuérape 4:12

Upéicha ningo pe ñemano omba’apo orepype, ha pe tekove omba’apo pendepype.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

Efesoyguakuérape 5:25

Peẽ, menakuéra, pehayhúke pene rembirekópe Hesu Crísto ohayhu háicha ijiglésiape ha Ha’e voi oñeme’ẽ omano hag̃ua ijiglésia rehehápe.

Filipoyguakuérape 2:17

Oñekuave’ẽ ramojepe che rete ha amano ramojepe Hesu Crísto rembiapópe, avy’a ha arohory penendive (pejerovia porãháre).

Filipoyguakuérape 2:30

Hesu Crísto rembiapo rehehápe ningo ha’e haimete omano, nahakate’ỹi hekove rehe chepytyvõ porã hag̃ua pene rendaguépe.

1 Tesalonicayguakuérape 2:8

Ore pohayhúgui romyasãi Ñanderuete ñe’ẽ porãite pende apytépe ha hi’ári rome’ẽse ore rekove jepe peẽme.

Títope 2:13

Ha ñaha’ãrõ hag̃ua Ñandejára ha Hesu Crísto ou jevy heko jajaipa reheve ñandesalva hag̃ua.

1 Pédro 1:18

Peikuaa porãke Ñanderuete nañandejoguaiva’ekue mba’e opa rei jevyva’erã rupi, ku óro térã plátaicha, pendesalva hag̃ua pende reko vaígui, pende rukuéra ombohasamava’ekue peẽme.

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 2:6

Upe he’íva ipype oĩha, oikova’erã Ha’e oiko haguéicha avei.

1 Juan 2:9

Upe he’íva oĩha tesapépe ha ndaija’éiva iñermáno rehe, upéva oiko gueteri pytũmbýpe.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.