1 Juan 2:3

Ñanderuete Ñe’ẽ Porã 2015

Ha péicha rupi ñande jaikuaa añetehápe ichupe, jajapórõ hembipota.

Referencias Cruzadas

Salmokuéra 119:32

Ne rembiapoukapy rape rehe aguatase, Nde chemoarandu porã che py’apýpe.

Salmokuéra 119:6

Natĩmo’ãi, añeha’ãmba ramo ajapo hag̃ua ne rembiapoukapy.

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Lúcas 6:46

Mba’érehe piko peẽ chembohéra che Jára, che Jára, ha ndapejapói umi mba’e Che ha’éva guive.

Juan 14:15

Peẽ cherayhu ramo, pejapóta avei che rembipota.

Juan 15:10

Pejapo ramo che rembipota peiméta che mborayhúpe, Che voi ajapo che Ruete rembipota ha aĩ imborayhúpe.

Juan 15:14

Peẽ ningo che rayhupára, pejapórõ che rembipota.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

hebreoyguakuerape 5:9

Ijehasa asy rupi Ha’e ohupityva’ekue pe teko oĩ porãmbáva, ha upévare Ha’e oiko avei pe salvacion Jára ramo opavave iñe’ẽrendúvape g̃uarã.

1 Juan 2:13

Che ahaíma peẽ tuvakuérape peikuaágui Hesu Crístope ha pejapógui hembipota, oikomava’ekue ñepyrũ guive. Che ahaíma peẽ, kuimba’ekuérape (40 áño rupi), peẽ pembopoguy haguére añáme (Satanáme).

1 Juan 3:14

Ñande ningo jaikuaa, jahasáma hague ñemanógui tekoveteépe, jahayhúgui ñane hermanokuérape. Upe ohayhu’ỹva katu oiko gueteri ñemanóme.

1 Juan 3:19

Upéichamante jaikuaa ñande jaikoha ita’ýra térã itajýra añeteguáva ramo ha upéichamante Ha’e ombopy’aguapýta ñande py’apyñe’ẽ (conciéncia).

1 Juan 3:6

Opaite umi opytáva ipype ndojapói mba’eve ivaíva, umi tembiapo vai apoha katu ndohechái ni ndoikuaái ichupe.

1 Juan 4:13

Upéichamante jaikuaa ñaĩha ipype ha Ha’e ñandepype, Ha’e ome’ẽ haguére ñandéve Ipytu Porãite.

1 Juan 4:7

Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

1 Juan 5:19

Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

1 Juan 5:2

Péicha ningo jaikuaa jahayhuha Ñanderuete ra’ykuéra ha itajyrakuérape: Jahayhu ramo Ñanderuetépe ha jajapo ramo hembiapoukapykuéra.

1 Juan 5:3

Kóva ningo Ñanderuete mborayhu, jajapo ramo hembiapoukapykuéra; ha hembiapoukapykuéra ndaipohýiri jajapo hag̃ua.

Apocalípsis 12:17

Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 14:12

Upévare umi ojeroviáva Hesu Crístore oha’ãrõva’erã paciéncia reheve, iñe’ẽrenduva’erã ha ojapova’erã Ñanderuete rembiapoukapy.

Apocalípsis 22:14

Ovy’aite umi ojohéiva ijao, ha ojapóva hembiapoukapykuéra (1 Juan 3,23), ha’ekuérante ho’úta pe yvyra’a oporomoingovévagui, ha’ekuérante oikéta pe tavaguasu rokẽ rupi.