1 Juan 2:29

Ñanderuete Ñe’ẽ Porã 2015

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

Referencias Cruzadas

Jeremías 13:23

Pe Etiopiaygua piko ikatúne omboje’o ipire hũngue, ha pe jaguarete ipire para. Ha upéicha avei, ikatúnepa peẽ pejapo mba’eporã, pejepokuaavapeína mba’evai apópente.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Juan 1:13

Kóva nonacéi yvyarigua ruguy rupi, ni yvyarigua ro’o rupi, ni kuimba’e rembipota rupi, Ñanderuete rembipota rupínte uvei onace.

Juan 7:18

Upe oporombo’éva iñakãgui reínte, oheka oñembotuicha hag̃ua; pe ombotuicháva pe ombouva’ekuépe ichupe, hendive oĩ pe añetegua, ha ipype ndaipóri japu ni ñembotavy.

Apostolkuéra 10:35

Opaichagua tetãygua okyhyjéva guive ichugui ha oñemohembiapo porãva oguerohory ichupe.

Apostolkuéra 22:14

Ha he’ive chéve: Ñanderuete ndeporavo reikuaa hag̃ua hembipota, ha rehecha hag̃ua pe Heko porãvape, ha rehendu hag̃ua iñe’ẽ ijuruteégui.

Apostolkuéra 3:14

Peẽ katu pemboyke pe Heko Porãvape ha Heko peguávape, ha pejerure Hesu rendaguépe ojepoi hag̃ua peẽme Barrabas, peteĩ jukaháragui,

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

hebreoyguakuerape 7:2

Ha Abraham ome’ẽ Melquisedécpe pe diézmo opaite mba’e ogueruva’ekuégui. Melquisedec réra he’isékuri justícia ruvicha, ha upéi he’ise py’aguapy ruvicha.

hebreoyguakuerape 7:26

Peichagua pa’iguasu ñaikotevẽ. Hesu Crísto ningo, heko porã, ipy’aporã, oñemomombyry angaipavóra rembiapo vaígui ha upévare oñemboyvateve ichupe yvagakuéragui.

Tiágo 1:18

Hembipota ha iñe’ẽ añetegua rupi Ha’e ñanemoingove jaiko hag̃ua hi’a tenondegua ramo iñemoñarenguéra apytépe.

1 Pédro 1:23

Peẽ ningo peikove jevy, ndaha’éi pende ru ha sy yvy arigua omanótava rembipota rupi, Ñanderuete rembipota rupi uvei penace jevy.

1 Pédro 1:3

Toñemomba’eguasu Ñandejára Ñanderuete ha Hesu Crísto Rúpe iporiahuvereko rupi omoingove jevyva’ekue Hesu Crístope omanomava’ekue apytégui, péva ñanepytyvõ porã ñande ñaha’ãrõ hag̃ua avei Ha’e ñanemoingove jevy peve,

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

2 Pédro 1:4

Péva rupi oñeme’ẽ ñandéve umi promésa iporãitéva ha ituichaitéva, peẽ pepoi hag̃ua yvyarigua rete rembipota vaígui, ombyaíva yvy ariguakuéra rekove, ha peñemomba’e hag̃ua Hesu Crísto reko porã rehe.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 3:5

Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

1 Juan 3:7

Che ra’ykuéra ha che rajykuéra, anítei avave penembotavy; pe ojapóva heko peguáva, heko potĩma Hesu Crístoicha.

1 Juan 4:7

Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:4

Opaite Ñanderuete ra’y ha itajýra añeteguáva ombopoguy ko múndope ijerovia heko pegua rupi.

3 Juan 1:11

Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.