1 Juan 2:28

Ñanderuete Ñe’ẽ Porã 2015

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

Referencias Cruzadas

Isaías 25:9

Ha upe ára upévape oje’éta: Pema’ẽ porãke, kóa voi ningo ore Jára, roha’ãrõkuri Ha’e oreguenohẽ hag̃ua ore jehasa asyguasúgui, ore rojeroviágui hese. Javy’a ha japurahéi joa Ha’e ñanepytyvõ porã haguére.

Isaías 45:17

Ñanderuete katu oguenohẽta Israel ijejopy vaietégui ha araka’evéma noñemotĩmo’ãvéi avei.

Malaquías 3:2

Ha mávapa ikatúne oguereko pu’aka ijejuha árape, térã mávapa ikatúne oñembo’ykuaa gueteri Ha’e ojehechauka ramo. Ha’e ojogua pe tata oporomopotĩmbávape, térã umi omba’ejohéiva havõme.

Malaquías 4:5

Pema’ẽ porãke, Che amboúta peẽme pe proféta Elías, og̃uahẽ mboyve pende Ruete ára, pe araguasuete ningo oporomongyhyjeitereíta.

Matéo 16:27

Yvyarigua Ra’y ningo ouva’erã Itúva reko jajaipápe hi’angelkuéra ndive, ha upépe ohepyme’ẽta peteĩteĩvape hembiapokue repy.

Matéo 16:28

Añetehápe Che ha’e peẽme: Ko’ãva apytépe oĩ nomanomo’ãiva ohecha mboyve yvyarigua Ra’ýpe ou ramo ijyvága pegua retãguasu pu’aka reheve.

Márcos 8:38

Oimeraẽ yvyarigua ha angaipavóra otĩva cherehe ha che ñe’ẽ rehe, Ñanderuete Ra’y otĩva’erã avei hese, ouha árape Ñanderuete reko ojajaipáva reheve ha hi’angelkuéra heko potĩva ndive.

Lúcas 17:30

Upéichaite ojehu jevyva’erã avei yvyarigua Ra’y ojehechaukataha árape.

Romayguakuérape 9:33

Ñanderuete kuatiañe’ẽme he’i voi: Peikuaa porãke, Che amoĩma Siónpe peteĩ ita oñepysãngatahápe ha peteĩ ita guasu oporoitytahápe; ha upe ojeroviáva hese (Hesu Crísto rehe) noñehundimo’ãi, (Isaías 28,16; ha Isaías 8,14).

1 Corintoyguakuérape 1:7

Upévagui ojejohu avei pende apytépe opaichagua Pytu Porãmbáva me’ẽmby ojejohu háicha avei ambue iglesiakuérape, peha’ãrõ aja Hesu Crísto ou jevy peve.

1 Corintoyguakuérape 15:23

Peteĩteĩ hendag̃uáme: Hesu Crísto raẽ, upéi Hesu Crísto reheguáva, Ha’e ouha árape.

Efesoyguakuérape 3:12

Hesu Crísto rupi ñag̃uahẽ Ñanderuete rendápe jajeroviágui jeroviapópe hese.

Colosayguakuérape 3:4

Hesu Crísto ningo ñande rekove, ha Ha’e ouha ára pejupáta avei hendive Hesu Crísto rekojajaipa rendápe.

1 Tesalonicayguakuérape 2:19

Mávapa ore esperánza, térã mávapa orembovy’a, térã mávapa ore coróna Hesu Crísto ouha árape g̃uarã.

1 Tesalonicayguakuérape 3:13

Peẽ penembareteve hag̃ua pende py’apýpe, ha pende reko ta’ipotĩve hag̃ua pehóvo Ñandejára Ñanderuetépe g̃uarã ha Ñandejára Hesu Crísto oúrõ g̃uarã opaite heseguakuéra ndive, taupéicha (amén).

1 Tesalonicayguakuérape 5:23

Ñanderuete ningo pe py’aguapy Jára, Ha’e tapenemboheko porã pehóvo opaite mba’épe: Pende pytu porãme, pene ángape ha pende retépe, ha peñangareko pende rekove rehe, Hesu Crísto oúrõ g̃uarã, upévare anítei peñemongy’a.

1 Timotéope 6:14

Ejapo hekópe avei pe tembiapo oñeme’ẽmava’ekue ndéve, Ñandejára Hesu Crísto ojehechauka jevy peve,

2 Timotéope 4:8

Oñeñongatúma che renonderãme pe justícia jopói, Hesu Crísto, pe mbojovakehára heko peguáva, ome’ẽtava chéve, Ha’e ourõg̃uarã, ha ndachéve añói, ome’ẽva’erã katuete avei opaite umi oha’ãrõvape mborayhu reheve Ha’e ou jevyrõg̃uarã ára.

Títope 2:13

Ha ñaha’ãrõ hag̃ua Ñandejára ha Hesu Crísto ou jevy heko jajaipa reheve ñandesalva hag̃ua.

hebreoyguakuerape 9:28

péicha avei Hesu Crísto oñekuave’ẽma peteĩ jevýnte ogueraha hag̃ua heta angaipa; Ha’e ou jevývo ndoumo’ãvéima ogueraha hag̃ua kuimba’ekuéra ha kuñakuéra angaipa, ou jevyva’erã uvei ogueraha ha osalva hag̃ua umi oha’ãrõvape ichupe.

1 Pédro 1:7

Tojekuaa pende jerovia, ohasáva jepy’ara’ã rupi, iporãve órogui, oñehundikuaáva tatápe. Ha pembopoguy ramo pende jepy’ara’ã, peẽ pemomba’eguasu ha pemboete Ñanderuetépe Hesu Crísto ou jevy ramo g̃uarã.

1 Pédro 5:4

Ha Hesu Crísto ningo pe ovecha rerekuaguasu, ojehechaukaha árape oñeme’ẽta peẽme peteĩ akã jeguaka (coróna) heko jajaipa reheguáva oñembyai’ỹva máramo.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

1 Juan 3:21

Che rayhupára, ñande py’apyñe’ẽ ñanemoĩ porã ramo, ñande jareko esperánza Ha’érupi.

1 Juan 4:17

Péichamante pe mborayhu oĩmba hekópe ñande rekovépe, ha ndajakyhyjevéima, vy’apópe ñaha’ãrõ uvei pe ñembojovake ára paha; ñande reko oñemoambue haguére ha jaikógui Hesu Crísto rekóicha.

1 Juan 5:14

Ha pe ojeroviáva hese ha ojerure ramo peteĩ mba’e, Ha’e oipotáva avei, katuete Ha’e ohendúta imba’ejerure.

Apocalípsis 1:7

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.