1 Juan 2:27

Ñanderuete Ñe’ẽ Porã 2015

Ha pehupity haguéicha pe Pytu Porãmbáva ñemona Ñanderuetégui pepyta hatãkena ipype, ha napeikotevẽvéima avave penembo’e. Pe Pytu Porãmbáva voi ningo penembo’e opaite mba’e rehe ha hendive oĩ pe añetegua, ha Ha’e ndaijapúi; Ha’e penembo’e haguéicha pévape pepyta, peñemopeteĩvo Hesu Crísto ndive.

Referencias Cruzadas

Mga Kawikaan 28:5

Umi tekove ñaña ndoikuaái pe teko porã; ha umi ohekáva Ñanderuetépe katu hesakã ichupe opaite mba’e.

Levítico 7:35

Ko’ãva ningo Aaron ha ita’yrakuéra pehẽngue, pe kuave’ẽmby hendypyrévagui oñeme’ẽva’ekue pende Ruetépe g̃uarã; pende Ruete oiporavoha ára guive ichupekuéra oiko hag̃ua ipa’i ramo.

Números 7:43

Ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,

Matéo 13:11

Ha Hesu he’i ichupekuéra: Peẽme ikatúgui ojekuaauka pe yvága pegua reko ñemimby, ichupekuéra katu nahániri.

Juan 14:16

Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive.

Juan 14:17

Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 14:26

Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme.

Juan 16:13

Opáichavo og̃uahẽta katuete pe ára pe Pytu Añeteguáva oikuaaukáta peẽme pe añetegua ha penemboguatáta añetegua rape rehe, Ha’e noñe’ẽmo’ãi ijehegui rei, omombe’úta uvei opaite mba’e ohendútava guive ha oikuaaukáta peẽme avei umi mba’e ojehuva’erãva.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 6:45

Pe proféta Isaías he’i voi: Ñanderuete ohekombo’epáta ichupekuéra. Ha opavave ohendúva guive Ñanderuetépe ha oñehekombo’éva Ha’érupi, katuete oúta che rendápe, (Isaías 54,13).

1 Corintoyguakuérape 2:12

Noñeme’ẽiva’ekue ñandéve ko yvy arigua pytu, oñeme’ẽ uvei ñandéve pe Pytu Porãmbáva oúva Ñanderuetégui, jaikuaa hag̃ua pe jopói (regálo) Ha’e ome’ẽmava ñandéve.

1 Corintoyguakuérape 2:13

Ko’ã mba’e ko’ãva rehe nañañe’ẽi kuimba’e arandu rupi, ñañe’ẽ uvei Pytu Porãmbáva arandu rupi, ojekuaa hag̃ua umi mba’e Pytu Porã reheguáva ouha Pytu Porãmbáva rupi.

2 Corintoyguakuérape 1:21

Ñanderuete voi ningo oremombarete Hesu Crísto rupi ha oreporavo ko tembiapo kóvape g̃uarã Pytu Porãmbáva rupi.

Efesoyguakuérape 4:21

Oñemombe’u porã katu Ñanderuete evangélio ha ojehekombo’e porã avei Hesu Crísto añeteguáre.

Colosayguakuérape 2:6

Peẽ peñemomba’e haguéicha Ñandejára Hesu Crísto rehe, upeichaite peiko avei ipype.

1 Tesalonicayguakuérape 2:13

Ha upévare ore roagradeceroína avei Ñanderuetépe peẽ pemomba’e haguére iñe’ẽ pehenduva’ekuére ore juru rupi, ha peroviava’ekue ore ñe’ẽ ndaha’eiha yvyarigua ñe’ẽnguéicha, Ñanderuete ñe’ẽ añeteguáva ramo uvei, ha péva voi omba’apohína pende rekovépe.

1 Tesalonicayguakuérape 4:9

Pe mborayhu hermanokuéra rehe ningo natekotevẽi che ahai peẽme, Ñanderuete voi ningo penembohekóma pejohayhu hag̃ua.

1 Timotéope 2:7

Upevarã Ñanderuete chemoĩ amyasãi hag̃ua hemimondo ramo ko añetegua kóva; hi’añete pe che ha’éva, che ndachejapúi, che aiko hag̃ua Israel’ỹva mbo’ehára añeteguáva ramo, che ajeroviágui avei Hesu Crísto rehe.

1 Pédro 1:23

Peẽ ningo peikove jevy, ndaha’éi pende ru ha sy yvy arigua omanótava rembipota rupi, Ñanderuete rembipota rupi uvei penace jevy.

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

2 Juan 1:2

Ko añetegua kóva oĩ ñandepype, ha opytáta ñandepype tapia g̃uarã.