1 Juan 2:25

Ñanderuete Ñe’ẽ Porã 2015

Kóva ningo pe Ha’e oprometeva’ekue ñandéve: Pe tekove opa’ỹva.

Referencias Cruzadas

Daniel 12:2

Ha heta umi omanómava yvy guýpe oñemombáyta, peteĩ atýra tekovépe g̃uarã ha ambue atýra ñemotĩ ha py’a tarova tapia g̃uarã.

Lúcas 18:30

oñeme’ẽ jevyveva’erã ichupe mba’eporãve ko ára atyguasúpe, ha pe ambue ára atyguasúpe gueteri pe tekove tapia g̃uarãva.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 12:50

Ha Che aikuaa porã umi ñe’ẽ Ha’e oikuaaukáva chéve ha’e pe tekove tapia g̃uarãva. Ha umi ñe’ẽ Che añe’ẽva, Ha’e he’iukapa chéve.

Juan 3:15

opavave ojeroviáva guive hese ohupityva’erã pe tekove tapia g̃uarãva.

Juan 5:39

Peẽ peitypeka (peipyguara, peheka) Ñanderuete kuatiañe’ẽre, hi’ag̃ui peẽme pejohutaha ipype pe tekove tapia g̃uarãva, ha añetehápe Ñanderuete kuatiañe’ẽ che rechahare voi.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 6:47

Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Juan 6:54

Pe ho’úva che ro’o ha omboy’úva che ruguy oguerekóma tekove tapia g̃uarãva; ha Che amoingove jevýta ichupe pe ára pahápe.

Juan 6:68

Simon Pédro katu he’i ichupe: Ore Jára, máva rendápe piko rohóta. Ne ñe’ẽ ningo oporomoingovéva tapia g̃uarã,

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

Galaciayguakuérape 6:8

Upe oñotỹva ijyvyarigua rete (reko) rembipota vaípe g̃uarã, ijyvy arigua rete rembipota vaígui omono’õva’erã ñembyai; upe oñotỹva Pytu Porãmbávape g̃uarã, Pytu Porãmbávagui omono’õva’erã tekove tapia g̃uarãva.

1 Timotéope 1:16

Upévare Hesu Crísto chemyenyhẽ iporiahuverekógui, péva ijopói chéve g̃uarã, ojehechauka hag̃ua che rekove rupi, imborayhu tuicha oha’ãrõva opaite ojeroviátavape g̃uarã, ohupity hag̃ua avei Hesu Crísto rupi pe tekove opa’ỹva.

1 Timotéope 6:12

Eñorãirõ pe jerovia ñorãirõ porãme, eñemomba’e pe tekove tapia g̃uarãvare, upevarã Ñanderuete voi nerenoiva’ekue, ha reme’ẽmava’ekue avei peteĩ testimónio porã nde jerovia rekovégui heta hermanokuéra renondépe.

1 Timotéope 6:19

péicha omono’õta heta tembiapo porã ha ojapyhýta pe tekove añeteguáva.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

Títope 3:7

ñanemopotĩ ha ñanemoĩ porã hag̃ua Ñanderuete ndive imborayhu rupi ha jahupity hag̃ua pe tekove tapia g̃uarã ñaha’ãrõva.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Júdas 1:21

Peñeñongatu Ñanderuete mborayhupype, peha’ãrõ Ñandejára Hesu Crísto ou jevy peve iporiahuvereko reheve peiko hag̃ua hendive tapia g̃uarã.