1 Juan 2:24

Ñanderuete Ñe’ẽ Porã 2015

Umi mba’e pehenduva’ekue ñepyrũ guive topyta pendepype. Pendepype opytárõ pe ñepyrũ guive pehendumava’ekue, peẽ pepytáta avei Ta’ýra ha Tuvapype.

Referencias Cruzadas

Salmokuéra 119:11

Che py’apýpe añongatupa ne ñe’ẽ, ani hag̃ua añemohembiapo vai ne renondépe.

Mga Kawikaan 23:23

Ejogua pe añetegua, ha ani revende jevýtei ha upéicha avei pe arandu, pe tekombo’e ha pe akãguapy porã.

Lúcas 1:2

Umi mba’e rechahare ha apostolkuéra ombohasa oréve ohechava’ekue guive.

Lúcas 9:44

Pejapysaka porãke ko ñe’ẽ kóva rehe: Pe yvyarigua Ra’y ningo oñeme’ẽta tetãyguakuéra pópe.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

Juan 15:7

Peime ramo chepype, ha Che ñe’ẽ oĩ ramo pendepype, opaite mba’e pejeruréva guive oñeme’ẽta peẽme.

Juan 6:56

Pe ho’úva che ro’o ha omboy’úva che ruguy, opyta chepype ha Che ipype.

Juan 8:25

He’i hikuái ichupe: Máva piko Nde. Hesu ombohovái ichupekuéra: Ñepyrũ guive ningo Che amombe’úma peẽme.

Filipoyguakuérape 4:15

Peẽ Filipoygua peikuaa voi ningo Ñanderuete ñe’ẽ og̃uahẽ guive pene rendápe ha che aha rire Macedóniape, ndaiporiha ambue iglésia chepytyvõva peẽ añómante, ha peẽmente che amombe’u porã mboy pirapirépa peẽ peme’ẽmava’ekue chéve ha mboýpa che aiporúma, (agasta).

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

hebreoyguakuerape 2:1

Upévare jajapysaka porãva’erã umi mba’e ñahenduva’ekue rehe ani hag̃ua japia tape porãgui.

hebreoyguakuerape 3:14

Ñande, Crísto reheguáva, jajejoko hatãkena ñande jerovia rehe ipaha peve, jarekóva iñepyrũha guive,

1 Juan 1:3

Upévare, umi mba’e ore rohecha ha rohenduva’ekue romombe’u peẽme, peẽ peñembopy’apeteĩ hag̃ua orendive, ha ñaĩ hag̃ua Ñanderuete ha ita’ýra Hesu Crísto ndive.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

1 Juan 4:13

Upéichamante jaikuaa ñaĩha ipype ha Ha’e ñandepype, Ha’e ome’ẽ haguére ñandéve Ipytu Porãite.

1 Juan 4:15

Oimeraẽ he’íva Hesu Crísto Ñanderuete Ra’yha, ipype opyta Ñanderuete, ha ha’e opyta Ñanderuetepype avei.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

2 Juan 1:2

Ko añetegua kóva oĩ ñandepype, ha opytáta ñandepype tapia g̃uarã.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.

3 Juan 1:3

Che ningo avy’aite ahendúgui ñane hermanokuéra og̃uahẽramóva jurúgui mba’éichapa reguata porã pe añetegua rapére.

Apocalípsis 3:11

Péinako Che aju pya’ete, upévare eñangareko porãke pe reguerekóva rehe, ani hag̃ua avave oipe’a ndehegui ne akã jeguaka.

Apocalípsis 3:3

Nemandu’ákena pe mba’e rehupityva’ekue ha rehenduva’ekue rehe, upévare eñembyasyete ha ejevy Ñanderuete rendápe, nderepaýri ramo ajúta ne rendápe mondaháicha ha ndereikuaamo’ãi araka’etépa ajúta ne rendápe.