1 Juan 2:18

Ñanderuete Ñe’ẽ Porã 2015

Peẽ penaceramóvape ha’ese pe hóra paha og̃uahẽmaha, ha pehendu haguéicha pe crísto gua’u (pe anticrísto) opu’ãtaha; ha oúmagui heta crísto gua’u, ñande jaikuaáma pe hóra paha og̃uahẽmaha.

Referencias Cruzadas

Matéo 24:11

Opu’ãva’erã heta proféta gua’u, ha ha’ekuéra ombotavýta hetápe.

Matéo 24:24

Ouva’erã ningo heta Crísto gua’u, ha proféta gua’u ojapóva techaukaha ha tembiapo techapyrãva oporombotavy hag̃ua ha ikatu ramo umi ojeporavopyrévape jepe.

Matéo 24:5

Heta oĩ oútava gueteri che rérape ha he’ítava: Che ha’e pe Crísto ha ombotavýta hetápe.

Márcos 13:6

Heta oúta che rérape, ha he’íta: Che ha’e Hesu, ha ombotavýta heta tapichakuérape.

Juan 21:5

Upérõ Hesu he’i ichupekuéra: Che ra’ykuéra, peguenohẽ piko pirakuéra. Ombohovái hikuái: Mba’evete katu noroguenohẽi.

Romayguakuérape 13:11

Jaikuaágui péva, ha og̃uahẽtahágui pe ára Hesu Crísto ou jevy hag̃ua, pepáykena pekehágui ha pejohayhu avei, ñande salvacionrã ko’ág̃a hi’ag̃uiveháre ñande jajerovia ypy ramoguarégui Hesu Crísto rehe.

Romayguakuérape 13:12

Iko’ẽmbátama, ha pe ára og̃uahẽmbotáma, upévare tekotevẽ jaheja pe tembiapo vai ha jajapyhy pe ñorãirõ rembiporu tesape rendy reheguáva.

hebreoyguakuerape 1:2

Ha ko’ã ára pahápe katu oñe’ẽ ñandéve ita’ýra Hesu Crísto rupi. Ipópe ningo omoingo opaite mba’e, ha Ha’érupi ojejapo opaite mba’e ojehecháva ha ndojehecháiva guive, (Colosayguakuérape 1,16).

1 Pédro 1:20

Hesu Crístope ojeporavóma voi ojejapo mboyve ko múndo (univérso), ojehechauka hag̃ua ko’ã ára pahápe penderayhupápe.

1 Pédro 1:5

Ñanderuete ipu’aka rupi, oñangareko penderehe pejeroviaháre hese ha pehupity hag̃ua pe salvacion ojehechaukátava ára pahápe.

1 Pédro 4:7

Opaite mba’e, opapotaite upévare peñeñangarekóke peñembo’e hag̃ua hekoitépe.

2 Pédro 2:1

Oikova’ekue ningo avei proféta gua’u ñane retãyguakuéra apytépe, oĩta háicha avei mbo’ehára gua’u omoingétava ñemiháme pende apytépe tekombo’e japu, ombotovévo jepe Hesu Crístope ojoguava’ekue (huguy rupi) ichupekuéra, upévare ha’ekuéra voi ogueru pya’e ojupe g̃uarã iñehundirã.

2 Pédro 3:3

Kóva ra’ẽ peikuaava’erã: Umi ára pahápe katuete og̃uahẽva’erã umi oñembohorýva Ñanderuete ñe’ẽ rehe ha oikovahína ijyvyarigua rete rembipota vai poguýpe omyañáva ichupekuéra, ha he’iva’erã peẽme:

1 Juan 2:22

Mávapa pe ijapúva, ndaha’éirõ pe ombotovéva Hesúpe ha he’íva Ha’e ndaha’eiha pe Crísto. Upéva ningo pe crísto gua’u ombotove pe Túva ha Ita’ýrape.

1 Juan 4:1

Che rayhupára, anítei peguerovia opaite pytúpe, peha’ã raẽ upe pytúpa ou Ñanderuetégui (térã nahániri), heta proféta japu oñemyasãive ohóvo ko yvy apére.

1 Juan 4:3

ha upe pytu he’íva ndaupeichaiha, ndoúi Ñanderuetégui, upéva ningo crísto gua’uha, pe anticrísto pytu voi, pehendúma voi pe crísto gua’u outaha ha oiméma voi ko yvy apére.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.

Júdas 1:18

Umi ára pahávo ningo oikóta umi oñembohorýva ha oikóva ijyvyarigua rete rembipota vai poguýpe.