1 Juan 2:15

Ñanderuete Ñe’ẽ Porã 2015

Anítei pehayhu ko múndo kóvape, ni ipype oĩva guive. Upe ohayhúva ko múndo kóvape, ndohayhúi Ñanderuetépe.

Referencias Cruzadas

Matéo 4:8

Ha pe aña ogueraha jevy Hesúpe peteĩ cérro ru’ã yvatépe, ha ohechauka ichupe opaite tetãguasu ha ipype oĩva mba’eporãita reheve, oĩva guive ko yvy apére,

Matéo 6:24

Avave ndaikatúi oservi mokõi járape; upéicharamo ndaija’emo’ãi peteĩva rehe, ha ohayhuvéta ambuépe, térã oñembojáta peteĩre ha oñemboykéta ambuégui. Ndaikatúi peẽ peiko Ñanderuete rembiguái ha avei pirapire rembiguái ramo.

Lúcas 16:13

Peteĩ tembiguái ndaikatúi omba’apo mokõi patrónpe g̃uarã, opoiva’erã ipatróngui, ohayhu hag̃ua ambuépe, ipatron pyahúpe, térãpa omoirũva’erã peteĩme omboyke hag̃ua ambuépe. Peẽ ndaikatúi peservi Ñanderuetépe ha pirapirépe avei.

Juan 15:19

Peẽ peiko rire gueteri yvyariguakuéra oiko háicha, ha’ekuéra penderayhuva’erãmo’ã. Peẽ katu ndapeikovéima yvyariguakuéra oiko háicha, Che poiporavógui uvei yvyariguakuéra apytégui, upévare ha’ekuéra ndaija’éi penderehe, peẽ ndaha’evéimagui iñirũnguéra.

Romayguakuérape 12:2

Ha anítei pende reko ojogua kuimba’e térã kuña ko’ag̃agua rekópe, upéva rãngue peheja pende reko oñemoambue hag̃ua ohóvo (Pytu Porãmbáva rupi) pende py’apy rembipotapype, peikuaa hag̃ua Ñanderuete rembipota iporãha, hekópe ha oporombohorýva.

Galaciayguakuérape 1:10

Amyasãi piko pe evangélio añemoĩ porãségui yvyariguakuéra ndive térãpa cheñe’ẽrenduségui Ñanderuetépe. Che añemoĩ porãse rire yvyariguakuéra ndive che ndaikoveiva’erãmo’ã Hesu Crísto rembijokuái ramo.

Efesoyguakuérape 2:2

peikova’ekue pene rembipota vai poguýpe, ojeiko háicha ko ára atyguasúpe ha pejapova’ekue ko múndo jára rembipota vai, ha’e ningo pe pytu vai (Satana) omba’apovahína avei opavave oñemoĩvape guive Ñanderuete rehe.

1 Timotéope 6:10

Pe pirapire rayhuetereígui heñói heta mba’evai, hapógui hi’a opaichagua tembiapo vai; ha oime ningo umi oipotaitereígui pirapire opiáma ijeroviágui, ha upéi ha’ekuéra voi oñembohasyete opaichagua mba’evaípe.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

1 Juan 3:17

Oime ramo peteĩ oiko porãva ha ohechárõ iñermáno ohasa asyha ha ombotýrõ ipy’apy ichugui, mba’éichapa upéicharõ Ñanderuete mborayhu opytakuaa ipype.

1 Juan 4:5

Ha’ekuéra ko múndo reheguáva ha upévare oñe’ẽ múndo reheguáva ramo, ha umi yvyariguakuéra ohendu ichupekuéra.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.