1 Juan 2:14

Ñanderuete Ñe’ẽ Porã 2015

Che ahaíma peẽ, penaceramóvape (pende pytu porãme), peikuaágui Ñanderuetépe ha pejapógui hembipota. Che ahaíma peẽ, tuvakuérape, peẽ peikuaágui Ñanderuetépe, oikovahína ñepyrũ guive. Che ahaíma peẽme, karia’ykuéra, peẽ peñemombaretégui Ñanderuete ñe’ẽ rupi, ha upévare peẽ pembopoguy añáme.

Referencias Cruzadas

Salmokuéra 119:11

Che py’apýpe añongatupa ne ñe’ẽ, ani hag̃ua añemohembiapo vai ne renondépe.

Juan 15:7

Peime ramo chepype, ha Che ñe’ẽ oĩ ramo pendepype, opaite mba’e pejeruréva guive oñeme’ẽta peẽme.

Juan 5:38

Ha iñe’ẽ ndopytái pende py’apýpe, peẽ ndapejeroviáigui opaite umi Ha’e ombouva’ekue rehe peẽme.

Juan 8:31

Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

Juan 8:37

Che ningo aikuaa porã voi peẽ Abraham ñemoñareha, upeichavéramo jepe peẽ peñeha’ã chejuka hag̃ua, peẽ napemoingéigui che ñe’ẽnguéra pende py’apýpe.

Efesoyguakuérape 6:10

Peñemokyre’ỹke Ñanderuete pu’akaguasu rupi, peẽ penembarete hag̃ua.

Filipoyguakuérape 4:13

Opaite mba’e ikatu chéve g̃uarã, Ha’e chemombaretégui.

Colosayguakuérape 1:11

Tapeñemombarete opaite Ñanderuete reko jajái pu’akápe, peropu’akapa hag̃ua paciéncia ha vy’a reheve.

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

2 Timotéope 2:1

Nde katu, che ra’y, eñemombarete Hesu Crísto jeporiahuverekópe.

hebreoyguakuerape 8:10

Upévare Ñanderuete he’i: Pe ñembopy’apeteĩ ajapótava Israel retã ndive umi ára umíva rire péicha ningo: Che amoĩta che rembiapoukapy ipensamientokuérape ha ahaíta ipy’apýpe, ha Che apytáta Ijaratee ramo ha ha’ekuéra che retãtee ramo (Romayguakuérape 10, 4).

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

1 Juan 1:10

Ja’érõ nañanerembiapo vairiha, ñambojapu Ñanderuetépe, ha iñe’ẽ noĩri ñandepype.

1 Juan 2:13

Che ahaíma peẽ tuvakuérape peikuaágui Hesu Crístope ha pejapógui hembipota, oikomava’ekue ñepyrũ guive. Che ahaíma peẽ, kuimba’ekuérape (40 áño rupi), peẽ pembopoguy haguére añáme (Satanáme).

2 Juan 1:2

Ko añetegua kóva oĩ ñandepype, ha opytáta ñandepype tapia g̃uarã.

3 Juan 1:3

Che ningo avy’aite ahendúgui ñane hermanokuéra og̃uahẽramóva jurúgui mba’éichapa reguata porã pe añetegua rapére.

Apocalípsis 2:3

Nde rejerovia porã cherehe, rehasa asy ramojepe, ha heta remba’apova’ekue cherehehápe nekane’õ’ỹre.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.