1 Juan 2:13

Ñanderuete Ñe’ẽ Porã 2015

Che ahaíma peẽ tuvakuérape peikuaágui Hesu Crístope ha pejapógui hembipota, oikomava’ekue ñepyrũ guive. Che ahaíma peẽ, kuimba’ekuérape (40 áño rupi), peẽ pembopoguy haguére añáme (Satanáme).

Referencias Cruzadas

Salmokuéra 148:12

umi karia’y ha kuñataĩ, umi itujáva ha ig̃uaig̃uiva imitãkuéra ndive,

Salmokuéra 90:2

Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.

Salmokuéra 91:14

Ñanderuete voi ningo he’i: Ha’e ojejoko hatãgui cherehe, Che aguenohẽta ichupe ijejopy vaígui, ha Che añangarekóta hese ha’e oikuaágui che réra.

Mga Kawikaan 20:29

Karia’ykuéra mimbi ningo imbaretekue, ha umi itujáva mimbi hi’áva morotĩ (iñarandu).

Joel 2:28

Ha ã mba’e rire añohẽta che Pytu Porãmbáva mayma kuimba’e ha kunñakuéra ári ha pende ra’y ha pende rajykuéra oprofetizáta; pende karai ancianokuéra ohecháta ike pegua, ha pene mitãrusukuéra ohecháta techapaykuéra (vision).

Zacarías 9:17

Ituichaiterei ningo Ñanderuete poriahuvereko ha heko jajaipa. Pe trígo omombaretéta karia’ykuérape ha pe parral rykue omoporãta kuñataĩkuérape.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 13:19

Oime ramo ohendúva pe yvága pegua tetãguasu rehegua ñe’ẽ ha nahesakãi ramo ichupe mba’épa he’ise, ou aña ha ogueraha pe oñeñotỹva’ekue ipy’apýpe. Pevahína pe mba’e ra’ỹi ho’áva tape ári.

Matéo 13:38

Pe kokue ningo hína ko múndo; pe mba’e ra’ỹi porã ningo hína Ñanderuete retãguasu ra’ykuéra; ha pe ñana vai katu aña ra’ykuéra.

Matéo 5:37

Peje uvei: Néi, néi, térã nahániri, nahániri; pejeve ramo péva árigui, péva ou añáguima.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 14:7

Peẽ chekuaa porã ramo, peikuaa porãta avei che Ruetépe, ha ko’ág̃a guive peikuaáma ichupe, ha pehecháma avei ichupe.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 8:19

Upémaramo he’i hikuái Hesúpe: Moõpa oime nde Ru. Hesu katu ombohovái ichupekuéra: Peẽ ningo ndachekuaái, ni ndapeikuaái che Ruetépe. Peẽ chekuaa rire peikuaava’erãmo’ã avei che Ruetépe.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

1 Timotéope 5:1

Anítei reñe’ẽ pohýi nde hermáno itujávape, eñemoñe’ẽ uvei ichupe nde ru ramoguáicha ha umi imitãvévape (ndehegui) nde ryvy ramoguáicha;

Títope 2:6

Ehekombo’e karia’ykuérape ojejokokuaa hag̃ua opaite mba’épe.

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:12

Che ahaíma peẽme che ra’ykuéra ha rajykuérape, oñeperdonámagui pene angaipakuéra Hesu Crísto rupi.

1 Juan 2:14

Che ahaíma peẽ, penaceramóvape (pende pytu porãme), peikuaágui Ñanderuetépe ha pejapógui hembipota. Che ahaíma peẽ, tuvakuérape, peẽ peikuaágui Ñanderuetépe, oikovahína ñepyrũ guive. Che ahaíma peẽme, karia’ykuéra, peẽ peñemombaretégui Ñanderuete ñe’ẽ rupi, ha upévare peẽ pembopoguy añáme.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.

1 Juan 4:4

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.