1 Juan 2:12

Ñanderuete Ñe’ẽ Porã 2015

Che ahaíma peẽme che ra’ykuéra ha rajykuérape, oñeperdonámagui pene angaipakuéra Hesu Crísto rupi.

Referencias Cruzadas

Salmokuéra 106:8

Nde katu, ore Ruete, reguenohẽva’ekue ichupekuéra ijejopy vaígui, Nde rehayhúgui ichupekuéra rehechauka nde pu’aka.

Salmokuéra 25:11

Nde réra rehehápe, Nde, che Ruete, eperdona che rembiapo vai, heta ramo jepe.

Jeremías 14:7

Ore rembiapo ivaiete ha roñemoĩ ramo jepe nderehe, ore rojerure asy, Nde, ore Ruete nde réra rayhupápe orepytyvõ jevýna, ore voi ropia nde rapégui, ne renondépe roñemoangaipa haguére.

Lúcas 24:47

Ha oñemyasãiva’erãha ko’ã mba’e opaite yvyariguakuéra retãme oñepyrũvo Jerusalénpe: Opavave oñembyasy hag̃ua ojapo vai haguére ha Hesu Crísto rembiapo porã (sacrifício) rupínte oĩha perdon.

Lúcas 5:20

Ha Hesu ohechávo ojerovia porãha hikuái he’i pe ijapávape: Nde kuimba’e, ne angaipa oñeperdonáma.

Apostolkuéra 10:43

Opaite proféta oñe’ẽ hese ha he’i Ha’émante ikatuha oipe’a tetãyguakuéra tembiapo vaígui (angaipágui) ojeroviaite ramo Hesu Crísto rehe.

Apostolkuéra 13:38

Che ryvykuéra peẽ peikuaa porã hag̃ua oñemoherakuã avei Hesu Crísto evangélio peẽme oñeperdona hag̃ua pene rembiapo vai Hesu Crísto rupi. Moises rembiapoukapy rupi avave ndaikatúi ohupity pe salvacion,

Apostolkuéra 4:12

Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.

1 Corintoyguakuérape 6:11

Koichaguaréva oiko pende apytépe, ko’ág̃a katu oñemopotĩma Hesu Crísto réra rupi, ha Ñanderuete Pytu Porãite pu’aka rupi oñemopotĩ porãma.

Efesoyguakuérape 1:7

Hesu Crísto ruguy ñandesalva ha Ha’e operdona avei ñane rembiapo vai, ipy’aporã ituichaitégui.

Efesoyguakuérape 4:32

Tapendepy’a porã uvei oñondive, peñopytyvõ, pejoporiahuvereko, peñoperdona, Ñanderuete peneperdona háicha avei Hesu Crísto ruguy rupive.

Colosayguakuérape 1:14

Ipype ningo Ha’e ñandesalva ha ñanemopotĩ ñane rembiapo vaígui.

1 Juan 1:4

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

1 Juan 1:9

Ñamombe’úrõ ñane rembiapo vaikue Ñanderuetépe, Ha’e ipy’aporã ha heko porãgui operdona ñane rembiapo vaikue ha ñanemopotĩ opaichagua mba’e heko pegua’ỹvagui.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:21

Ndahaíri peẽme peikuaa’ỹrõguáicha pe añetegua, peikuaa porã uvei, ha peikuaa porã avei mba’eveichagua japu nosẽiha pe añeteguágui.

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.