1 Juan 1:9

Ñanderuete Ñe’ẽ Porã 2015

Ñamombe’úrõ ñane rembiapo vaikue Ñanderuetépe, Ha’e ipy’aporã ha heko porãgui operdona ñane rembiapo vaikue ha ñanemopotĩ opaichagua mba’e heko pegua’ỹvagui.

Referencias Cruzadas

1 Réyes 8:30

Ehendumína ne rembiguái ha ne retã Israel ñembo’ekuéra oje’éva ko’a guive, ehendumi yvága reikoha guive, ehendumi haeperdonami ore angaipa, ore rembiapo vai.

1 Réyes 8:47

ha oñembyasyete ramo ojapo vai haguére ha oñembo’e ramo ndéve pe tetã ojereraha haguépe, ha he’i ramo hikuái: Roñemoangaipa, rojapo ivaíva, roiko iñañáva ramo,

Nehemías 1:6

Ejapysakamína ha ejesape’ami rehendumi hag̃ua ne rembiguái ñembo’e, ajapóva ne renondépe ára ha pyharekuépe, ne rembiguái Israel ra’ykuéra rehe; ha amombe’u porã ndéve Israel ra’ykuéra oñemoangaipaha, rojapova’ekue nde reipota’ỹva, upéicha che ha che ru rogaygua roñemohembiapo vaipa.

Salmokuéra 19:12

Mávapa ojavýrõ jepe ohechakuaa ojavy hague. Eperdona che jejavy okañýva chehegui.

Salmokuéra 32:5

Upémaramo amombe’u ndéve che rembiapo vai, ha nañomíri ndehegui che ñaña reko ha ha’e: Amombe’upáta che angaipakuéra Ñanderuetépe, ha Nde reperdona che rembiapo vaikuerakuégui, Selah

Éxodo 34:7

Ha’e oiporiahuvereko 1000 kuimba’e ñemoñare rekove pukukue peve ha operdona tapichakuéra rembiapo vai ndohejái ohavira’ỹre katu umi oñemoĩvape hese, Ha’e ohavira uvei tuvakuéra rembiapo vai ita’ýra ra’y jevy peve, mbohapy térã irundy iñemoñare (generaciónes) rekove peve.

Mga Kawikaan 28:13

Pe omokañýva hi’angaipa ndoiko porãi, ha upe oñemombe’úva ha oñemboykéva tembiapo vaígui ohupityva’erã perdon.

Isaías 45:21

Peñemboja pemombe’u ha peñemongeta oñondive mávapa omombe’u raẽ ko’ã mba’e ko’ãva oiko mboyve; Chénte, pende Ruete, poikuaaukapáma voi, che ykére ndaiporivéima ambue Jára; Che ykére ndaipóri ambue jára hekojojáva ha oporopytyvõkuaáva añetehápe.

Jeremías 3:13

Eñembyasy rejapo vai haguére, reñemoĩvo nde Ruete rehe, umi yvyraguasu guýpe remomba’eguasu ambue jarakuéra ndereikuaáivape ha nerehendúi che ñe’ẽ, he’i nde Ruete, nde Jára.

Jeremías 33:8

Amopotĩta hembiapo ky’a ojapova’ekuégui hikuái che renondépe; ha aperdonáta hembiapo vai, oñemoĩ haguére cherehe.

Lamentaciónes 3:23

Iporiahuvereko oñembopyahu ko’ẽ ko’ẽre, ituichaite ningo imborayhu.

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Ezequiel 37:23

Ha noñemongy’aveiva’erã ambue jára ñemomba’eguasu rupi ni hembiapo vai rupi ha Che amopotĩta ichupekuéra heko vaígui; ha oikóta hikuái che retã ramo, ha Che Ijaratee ramo.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 3:6

Ha ojebautizauka hikuái Jordan ysyrýpe ha pépe omombe’u hikuái iñangaipakuéra (hembiapo vaikuéra).

Márcos 1:5

Ha osẽmba Judaygua ha opaite Jerusalengua hendápe ojebautizauka hag̃ua ysyry Jordánpe, omombe’úvo hembiapo vaikuéra.

Lúcas 22:57

Pédro katu ombotove (onega) ha he’i: Nde tembiguái kuñáva, che ndaikuaái ichupe.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Apostolkuéra 19:18

Heta ojeroviáva ou omombe’u hembiapo vai (iñangaipakuéra).

Romayguakuérape 3:26

Ñanderuete oha’ãrõ pukuete ohechauka hag̃ua ijustícia ko ára atyguasu kóvape, ha ohechauka hag̃ua avei Ha’énte oikoha hekoitépe, ha operdonase opaite angaipavórape ojeroviaitéva guive Hesu Crísto rehe.

1 Corintoyguakuérape 1:9

Ñanderuete reko noñemoambuéi, Ha’e nopyrũi iñe’ẽ rehe araka’eve, Ha’e ningo penerenoiva’ekue peñembopy’apeteĩ hag̃ua ita’ýra, Ñandejára Hesu Crísto ndive.

1 Corintoyguakuérape 6:11

Koichaguaréva oiko pende apytépe, ko’ág̃a katu oñemopotĩma Hesu Crísto réra rupi, ha Ñanderuete Pytu Porãite pu’aka rupi oñemopotĩ porãma.

Efesoyguakuérape 5:26

Ha’e omboheko potĩ ijiglésiape. Ha’e omopotĩ ijiglésiape iñe’ẽrendu haguére Ñanderuete ñe’ẽ porãitépe.

Deuteronómio 7:9

Peikuaa porãke, Ñanderuete, ha’égui pende Jára oikóva hekoitépe, iñe’ẽ ome’ẽmava’ekue katuete ojapóta avei, Ha’e oiporiahuvereko umi ohayhúvape ichupe ha ojapóva hembiapoukapy, 1.000 ñemoñarenguéra (generaciónes) peve;

1 Timotéope 1:15

Hesu Crísto ñe’ẽ porãite hi’añete ha ija oimeraẽva ojapyhy hag̃ua. Hesu Crísto ou ko yvy apére osalva hag̃ua angaipavórape, ha ijapytépe che pe ituichaveva’ekue.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 10:23

Jaiko mbaretépe ñande jeroviápe ñamyi’ỹre, Ñanderuete katuete ojapopava’erã he’imava’ekue guive,

hebreoyguakuerape 11:11

Ojeroviágui Sára, ndaikatúiva imemby, ha ig̃uaig̃uieterei ramojepe, imbarete jevy imemby hag̃ua, ha Abraham oguerovia haguére Ñanderuete ojapotaha pe oprometeva’ekue ichupe.

hebreoyguakuerape 6:10

Ñanderuete ndojapói mba’eve hekope’ỹ, upévare Ha’e ndahesaráiri avei pene rembiapo porã ha pene mborayhúgui pehechaukava’ekue héra rehehápe, peipytyvõ ramoguare pene hermanokuérape, ha peipytyvõ gueteri pehóvo ichupekuéra.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.