Matéo 6:2 - Tûpâ Ñandeyára 1913

² Upévareje pejo ramo pemeêvo tûpâmbae, ani pembopúuca turu penerenondepe oyapo jaicha umi jovámocoîva tûpâo rupi ja tapé rupi oñembueté potávo umi caraí cuera rupi. Añeté Che jae peême catuetei umichagua ojupitymanejá jecocue repy.

Ñandejára Ñe’ẽ

² Upévare, peipytyvõ ramo oikotevẽvape ani pemoherakuã opa rupi, ojapoháicha umi hova mokõiva umi tupaoha rupi, térã umi okaháre. Ha'e kuéra péicha ojapo oñeñe'ẽ porã haguã hese kuéra. Añetehápe ha'e peẽme, chupe kuéra niko oñemyengoviapáma oñemyengovia vaerã.

Ñandeyara Ñe'ẽ

² Upéva rehe reipytyvõ ramo umi oikotevẽvape, ani remoherakuã opavavépe, ojapo háicha umi hova mokõiva sinagógape ha calle rupi. Upéva ojapo oñeñe'ẽ porã haguã hese kuéra. Che katu añetehápe ha'e peẽme upéichape oñembyekoviamaha ichupe kuéra.

Ñandejara Ñe’ẽ ✟

² Upévare, peipytyvõ ramo oikotevẽvape ani pemoherakuã opa rupi, ojapoháicha umi hova mokõiva umi tupaoha rupi, térã umi okaháre. Ha'e kuéra péicha ojapo oñeñe'ẽ porã haguã hese kuéra. Añetehápe ha'e peẽme, chupe kuéra niko oñemyengoviapáma oñemyengovia vaerã.

Ñanderuete Ñe’ẽ Porã 2015

² Reme’ẽ jave pirapire imboriahúvape ani rembopuka turu, ne renondépe umi tova mokõi (fariseokuéra) ojapo háicha Ñanderuete rogakuérape ha táva cálle rupi, oñembotuicha hag̃uánte. Añetehápe Che ha’e peẽme ha’ekuéra ohupitýma hembiapo porã repy.

Matéo 6:2 Referencias Cruzadas

Matéo 15:7

Peê pende rovámocoî! Añeté pe ymaguive voi jei vaecue pendejegui pe Isaias,

Matéo 16:3

ja pyjarevé peê peye: Anga ára vaíne, icoê ramo ára pŷtâ tatá rendŷicha iñypytû nungá. Peê pejechacuaa pôrâva pe ára rová gui, ja mbaépa jeise jechapyrâ coa ybyarigua coangagua ndicatui pejechacuaa.

Matéo 22:18

Ja Jesús ojechacuaa voí iñañangué, ja jei ichupecuera: ¿Maerápa Che pya raâ Cheve, peê pende rovámocoîva?

Matéo 23:5

Ja umi jembiapo voí yepe oyapopá oyejecha potávonte umi caraí gui. Jaecuera ombopŷvé umi isŷva rejegua, ja ombopucúvé iyao yeguajá.

Matéo 23:6

Oipyjy umi tenda oyeguapŷjá tenondévégua umi caruguasujápe, ja upeicha avei umi oyeguapŷjá tenondévégua umi tûpâope.

Matéo 24:51

ja oikytîne mbytépe ichupe ja omojendáne ichupe umi jovamocoîva oijápe pe oico jaguâme pe tasê ja táîñeê.

Matéo 5:18

Che jae peême catuetei ocañŷmba jaguâ co yvága ja co yby, ocañŷ mboyvé peteî jaŷî terâ peteî jaí pe Moises ñeênguegui oyeyapopáŷreje jecópe opa oiva pype.

Matéo 6:16

Upeicha avei peico ramo caruŷreje arete guasujápe, ani tei peico pende rovasŷeté umi jovamocoîvaicha. Umiva omoambue jová cuera oyejechauca jaguâ rejejápe caraí cuerape ombuetéva ramo pe areté caruŷreje. Añeté Che jae peême umiva ojupitymajá pe jecocue repy.

Matéo 6:3

Nde catu rejo ramo remeêvo tûpâmbae, ani oicuaa ndepo asú pe oyapova ndepo acatua,

Matéo 6:5

Upeicha avei peñemboé ramo, ani peico umi jovamocoîcha. Umia obyá umi tûpâope ja umi tape racuá iyatŷjá rupi oñemboévo oñemboŷjápe, oyejechauca potávo umi caraí cuerape. Che jae peême catuetei umichagua ojupitymanejá jecocue repy.

Matéo 7:5

Nde rovámocoî catu co nde! Enojê raê pe ybyrá nde resápe oiva, ja upemaramo rejecha pôrâne renojê jaguâ pe capiimi nde ryby resá pe oiva.

Márcos 12:39

ja oipyjyséva umi tenda guapŷ jaguâ ipôrâvéva tûpâope, ja umi tenda ipôrâveva caruguasu jápe;

Márcos 7:6

Ja Jae jei ichupecuera: No ñeê reíri vaecue pendereje pe Isaias, peêcuera pende rovámocoî, oñeê ramo guare yma guivé voí oyeé jaicha voí pe Santa Escriturape: Co tetâmegua iyurúpénte Che mbuete, ipya voí imombyry Chejegui.

Lúcas 11:41

Upeicharamo yepe, pemeê ramo tûpâmbaerâ pe pendepype oiva, ipôtímba vaerâ opambae peême.

Lúcas 11:43

Angai peê fariseo peê peguapyséva umi tenda ipôrâvévape tûpâope, ja peipotava opavavé pene momaitéi umi tapé rupi.

Lúcas 12:33

Peñemû pene mbaeteé reje ja pemeê tûpâmbaerâ. Peyapo pende yupe guârâ mbaerepy ryrúrâ oyeyaró ŷ vaerâ ituyá gui, pene racateŷjárâ ñongatupyrâ yvágape opaŷvaera, upe mondajára ôguajê ŷ jaguâme terâ umi tiguaâ omongui ŷ jaguâme.

Lúcas 12:56

Peê pende rovamocoîva! Peê pejechacuaa pôrâ co yby rová ja pe ára rová rejegua, ¿ja mbaéichapa nda pejechacuaai co coangagua rejegua mbae?

Lúcas 13:15

Upei catu jei ichupe Ñandeyára: Nde rovámocôi! ¿Nda peyoráipa pende buey ja pene mburica iñapytî jágui icarujágui upe sabado areté árape yepe perajá jaguâ pemboŷú jaguâ ichupecuera?

Lúcas 20:46

Peñeñangarecóna umi iñarandúva gui, umi oicoséva ao pucu rejeve ja oipotava oñemomaitei umi tapé rupi ja oipotáva umi yeguapŷjá ipôrâvéva tûpâope ja umi tenda ipôrâvéva umi caru guasujápe,

Lúcas 6:24

Angai peê mbaererecojá cuera! Coanga voínte peê perecoma pene angapyjy jaguâ.

Lúcas 6:42

¿Mbaeichapa iyáne ndeve ere nde rybŷpe: Che ryby, tanojêmi pe capiimi nde resape oiva, rejecha ŷ pypé pe ybyrá guasu nderesápe voí oiva? Nde rovamocoî! Enojê raê pe ybyrá guasu nde resápe oiva, ja upeguirire rejecha pôrâne renojê jaguâ pe capiimi nde ryby resape oiva.

Juan 13:29

Oime voí oimoâ vaecue oñongatújá gui Judás pe mbae repy ryru Jesús jei jague ichupe: Eyoguante pe ñaicôtevê vaerâ co arete ramo guârâ terâ omeê jaguâ tûpâmbae umi mboriajúvape cuera.

Juan 5:41

Che ndaipotai umi ybypóra Che mbotuvicha jaguâ,

Juan 5:44

¿Mbaéichapa icatune perovia peê peñembo aguará ramo oñondive pejeca rendague pe ñembueté jaguâ pe Tûpâ Ñandeyára año mante pende rerojory jaguâ?

Juan 7:18

Upe oñeêva oyejegui voínte oñemo mbaeguasunte jina oyupe, upe oñejaâva ombotuvicha pe imboujarépe, upéva catu iyojeipyre jaetéva ja ndipori pype mbae jecopeguaŷva.

Apostolkuéra 10:2

upéva carai iñemboecatúva ja ombuetéva Ñandeyárape opa jogapegua rejeve avei, ja omeêva jeta tûpâmbae umi mboriajúpe upepegua ja oñemboéva Ñandeyárape tapia.

Apostolkuéra 10:31

ja jae jei: Nde Cornelio oñejenduma ne ñemboe ja ne tûpâmbae oñemomanduá Ñandeyára ypype, upéva reje, yeco,

Apostolkuéra 10:4

Ja jae omaê guau jesé, ja oñemondŷi ja jei: ¿Mbaépa, che carai? Ja jae jei ichupe: Oime ne ñemboe ja netûpâmbae oyupima Ñandeyara ypype oñemo manduáucá jaguâ ndereje.

Apostolkuéra 11:29

Upévareje umi Cristo remimboe cuera opavavé oguerecojaichante, oñejaâ oguerajáucá mbaerepy oipytyvô jaguâ jeŷícuera oiva Judeape.

Apostolkuéra 24:17

Upeicha che are racae aicovo ocape jeta roy, ja sapya ayu yeby ameêvo tûpâmbae che retâmeguape, ja aicuameêvo mbae tûpâope,

Apostolkuéra 9:36

Uperamo oico vaecue Joppepe peteî cuña carai Cristo remimboecuera rejeguava jérava Tabita, (Dorcas yaemo ñane ñeême). Upeva imbaepôrâiteva ja jeta tûpâmbae omeêva meme.

Romayguakuérape 12:8

ja oime ramo iyájape omo angapyjy jaguâ ambuecuepe, toico jecope pe imboangapyjyjápe, ja oime ramo omeêva tûpâmbae, tomeê jacateŷŷme, ja oime ramo oicova mburuvicha ramo, toiconte jecópe imbokyreŷjápe, ja oime ramo oiporo poriajuverecova toiconte torypape oporo pytyvôvo.

1 Corintoyguakuérape 13:3

Ja amboyao ramo yepe che mbae rerecojáva amongaru jaguâ umi mboriaju cuerape ja ameê ramo yepe cherete ayejapy jaguâ, opaichavévonte nda poro jayjui ramo, mbaeve yepe cheveguârâ.

Galaciayguakuérape 2:10

Jaecuera oyerure añónte oreve ore mandua jaguâ umi iporiajuva reje ja upeva voínte pe che kyreŷ meme ayapo jaguâ.

Efesoyguakuérape 4:28

Upe omonda vaecue, anive omonda, upea rangue, tombaapo toyejeca iporupi ipôrâ vaerâme, oguereco jaguâ omeê vaerâ pe ojasa asyva tecôtêvêguipe.

1 Tesalonicayguakuérape 2:6

-- ja ndo royejecai roñembo tuvicháucá jaguâ cuimbae rupi, pendejegui yepe, terâ ambuecue gui, icatu rire yepe roñembopojyi Cristo rembiyocuai Apostol-já-reje.

1 Timotéope 6:18

ta imbaepôrâ, ta jembiapo pôrâ jeta meme, ta oporo ñomboyaóva, ta oporo ñombaéva,

Filemónpe 1:7

Che pya rory voi ja che pya guapy eterei nde che raŷjú rupi ja oñembopya guapŷjá reje umi imarangatúva nde rupi, che ryby.

hebreoyguakuerape 13:16

Ani pende resarai penembaepôrâ jaguâ, ja peñombae jaguâ oñondive: coichagua icuameêmbyre cova oguerojory vaerâ Tûpâ Ñandeyára.

1 Pédro 4:11

Oime ramo oñemoñeêva, toico Tûpâ Ñandeyára Ñeê gui oicuaáucávaicha. Oime ramo oipytyvôva umi ambuecuepe, toico pe ipuacacue Tûpâ Ñandeyára omombaraetéjá gui icatu jaguâ Tûpâ Ñandeyára oñembuete opambaepe Jesu Cristo rupi. Toñembuete Jae ja toñembotuvicha tapia guârâ. Amen.