Matéo 5:3 - Tûpâ Ñandeyára 1913

³ Jeco marangatu vaerâ umi mboriaju ipya pôrâva, jendaguâ voi vaerâ pe tetâ yvapegua.

Ñandejára Ñe’ẽ

³ “Ovy'a vaerã umi ohecha kuaáva imboriahuha ipy'apýpe, chupe kuéra guarã hína ñesãmbyhy yvágagui oúva.

Ñandeyara Ñe'ẽ

³ --Ovy'a vaerã umi ohechakuaáva iporiahuha ijespíritupe, imba'e kuéra rehe pe yvága pegua reino.

Ñandejara Ñe’ẽ ✟

³ “Ovy'a vaerã umi ohecha kuaáva imboriahuha ipy'apýpe, chupe kuéra guarã hína ñesãmbyhy yvágagui oúva.

Ñanderuete Ñe’ẽ Porã 2015

³ Ipy’a rory umi oikuaáva imboriahuha ipytu porãme, imba’e ningo Ñanderuete retãguasu.

Matéo 5:3 Referencias Cruzadas

Matéo 11:25

Uperamo Jesús jei iñemboejápe: Che rombuete Ndeve, Che Ru, pe yvaga ja co yby Yára, remoâ járeje âmbae umi iñarandúva gui, ja umi ojechacuaava gui, ja reicuaauca járeje jecope umi mitâmime.

Matéo 11:6

Jeco marangatu voi vaerâ oimerâeva oñembo pya vaí ŷ va Cheve.

Matéo 13:16

Ipoaite pende resá ojechá jáva reje ja pende apysá ojendu jáva reje.

Matéo 19:14

Upei catu Jesús jei: Pejeyante umi mitâ cuera toú Che rendape, ja ani peyoco ichupecuera. Pe tetâ marangatu yvapegua rejegua umi mitâichagua retâ voí.

Matéo 24:46

Jeco marangatú vaerâ ja ipoaité pe tembiguai oyuju ramo iyára oyapo ramo upeicha iyú pe.

Matéo 25:34

Upei catu pe mburuvicha guasu jeine umi iyacatua coty oîvape: Peyúna peê, Che Ru rejegua marangatúva! Peyapyjŷ mbaeyárarâ co tetâ yvapegua oñembosacoí voí vaecue peêmeguârâ oyeyapó ypy guive co yby.

Matéo 3:2

ja jei: Peñembyasŷna peê, jiâguimajáreje oico jaguâ pe teco marangatu yvapeguarejegua.

Matéo 8:11

Che jae peême jeta jaguâ ou cuarajy resê guivó ja cuarajy reike guivó oguapy vaerâ Abraam ja Isaac ja Jacob ndive pe tetâ yvapeguape.

Márcos 10:14

Upei catu Jesús ojecha pype upea, ipochy ja jei ichupecuera: Tové pejeyante toú Che rendape umi mitâmi: anikena peyoco ichupecuera. Coaichagua voí umi Tûpâ Ñandeyára reco marangatu rejegua.

Lúcas 11:28

Ja Jae jei: Jiâ co Cheve ipoaitevé vaerâ umi ojendúva Tûpâ Ñandeyára Ñeê ja ombuayéva ichupe jecope.

Lúcas 18:14

Che jae peême co cuimbae ojo jague jogape oñemo pôtímbáma ja upe ambue ajanirí. Oime ramo voi oñembo tuvichava oyupe, upéva oñemo mîchîne, ja oime ramo oñemo mîchîva oyupe, upéva oñembo tuvichane.

Lúcas 22:29

Che moingo jagueicha Cheve Che Ru mburuvicha guasu ramo, Che avei pomoingo peême pene rendâguá,

Lúcas 22:30

pe pecaru jaguâme ja peŷú jaguâme Che carujápe pe Che reco mburuvicha guasujá peguape yvagape, ja peguapy jaguâ peê mburuvicha guasu jápe perecovo pende po guype umi doce Israel reŷi cuéravape juvicha guasu cuera ramo.

Lúcas 4:18

Oime Ñandeyára Espiritu oico Che reje, Jae Che mongaraí amojerâcuâ jaguâ mbae ipôrâva ipyajúva umi mboriajupe, Che mbou avei amoangapyjŷ jaguâ umi ipyambyasŷvape, ja aicuaauca jaguâ umi oñeñapytîmbŷrépe oyepoí jaguâ, ja amomaê jaguâ umi ojechaŷvape, ajeŷa reíucá jaguâ umi oyeyopŷvape,

Juan 20:29

Ja Jesús jei ichupe: ¿Che rechámajá rejépa nde rerovia? Imarangatu vaerâ umi ojecha ŷ vaecue ja upeicharamo yepe, oguerovia vaecue yepe.

Tiágo 1:10

Ja pe carai guasu mbae rerecojá, ta jory oñemboporiajujá reje. Umiva voi yboty capii apytepeicha ocuine jendágui.

Tiágo 1:12

Jeco ory vaerâ pe cuimbae ogueropuacava oñepyaatôijápe: osêma ramo ipuaca ojupitŷne pe ipuacavéva âcâ ajoyá pe tecove iyapyra-ŷ-va rejeguava Ñandeyára oicuameê vaecue opa umi jaŷjujárape.

Tiágo 2:5

Peyapysaca, che reŷicuera pojayjuva, na añeteipa oiporavó jague Tûpâ Ñandeyára umi oyererecovape mboriaju ramo co ybyari mbaererecojárarâ yeroviajápe, ja mbaeyárarâ pe tenda imarangatuva yvapegua rejeve Jae oicuameê vaecue umi jaŷjujárape.

Apocalípsis 19:9

Ja Jae jei cheve: Emoî cuatiápe: Jeco oryete vaerâ umi oñejenôi vaecue pe caruguasu pe Ovecha Raŷ mendaja peguârâpe. Ja jei avei cheve: Cova añetetegua Tûpâ Ñandeyára Ñeê.

Apocalípsis 22:14

Che pe Iñypyrujára ja Che pe Imombajára. Jeco oryete vaerâ umi iyao oyojei potî vaecue iya jaguâ ichupecuera oguajêvo oijápe pe ybyra râcâ omoingovéva, ja oikévo okêrupi upe tetâme.

Apocalípsis 3:17

Nde voi ere: Che mbaererecojá ja añemombae rereco ja ñaicôtevê mbaeve reje, ja upeicha nde reicuaai ndipórijá ipoa-ŷ-va ndeicha, nde reicuaai reyeporiajuvereco rendajá, ja nde poriajujá, ja na nde resapysóijá, ja nde opívojá.