Matéo 5:16 - Tûpâ Ñandeyára 1913

¹⁶ Upeicha avei tojesâcâ co pende reco endŷ umi ybypóra renondepe, icatu jaguâ ojecha pene rembiapó pôrâ, ja icatu jaguâ upeagui ombueté pende Ru yvape oivape.

Ñandejára Ñe’ẽ

¹⁶ Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.

Ñandeyara Ñe'ẽ

¹⁶ Upéicha avei tapehesape peẽ yvypóra renondépe, ohecha haguã pe pene rembiapo porãngue, ha tomomba'eguasu pende Rúpe oĩva yvágape.

Ñandejara Ñe’ẽ ✟

¹⁶ Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.

Ñanderuete Ñe’ẽ Porã 2015

¹⁶ Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

Matéo 5:16 Referencias Cruzadas

Matéo 23:5

Ja umi jembiapo voí yepe oyapopá oyejecha potávonte umi caraí gui. Jaecuera ombopŷvé umi isŷva rejegua, ja ombopucúvé iyao yeguajá.

Matéo 23:9

Upeicha avei ani pembojéra avavepe pende ru ramo co ybyari. Peteî añó oime pende Ru, pe oiméva yvape.

Matéo 5:45

icatu jaguâ peñemoingo pende Ru yvape oiva raŷ cuera jaetéva ramo. Upeva voi omosêva cuarajy umi ivaíva ja umi ipôrâva arive, ja omonguŷ umi jecópe oicova reje ja umi jecoŷme oicova reje avei.

Matéo 6:16

Upeicha avei peico ramo caruŷreje arete guasujápe, ani tei peico pende rovasŷeté umi jovamocoîvaicha. Umiva omoambue jová cuera oyejechauca jaguâ rejejápe caraí cuerape ombuetéva ramo pe areté caruŷreje. Añeté Che jae peême umiva ojupitymajá pe jecocue repy.

Matéo 6:9

Upeicharamo, peñemboé vaerâ coicha: Ore Rú reiméva yvape, Toñembueté Nde réra.

Matéo 9:8

Upei catu umi ambue cuera iyatŷva upepe ojecha ramo upéva, okyjŷyé oñemondŷi, ja ombueté Tûpâ Ñandeyárape ombopuacá jague reje cóicha umi cuimbaepe.

Lúcas 11:2

Ja Jae jei: Peñemboe ramo peye vaerâ cóicha: Ore Rú, toñembueté Nde réra, toñemoingo Nde reco yvapegua rejegua,

Juan 15:8

Coicha voi oñembo tuvicha vaerâ Che Ru, peêcuera jeta ramo pendeá, ja peico ramo Che remimboe cuera ramo.

Apostolkuéra 9:36

Uperamo oico vaecue Joppepe peteî cuña carai Cristo remimboecuera rejeguava jérava Tabita, (Dorcas yaemo ñane ñeême). Upeva imbaepôrâiteva ja jeta tûpâmbae omeêva meme.

1 Corintoyguakuérape 14:25

ja pe ipyapype oguero kîrîrîva oyejechacuaane ja upeicha jae oñesûne ovapŷvo ombuetévo Tûpâ Ñandeyárape ja omojêrâcuâne Tûpâ Ñandeyára añetéjápe oijá pende apytepe.

2 Corintoyguakuérape 9:13

Ja peêcuera pejechauca pype peyapo jague jecópe co tembiapo pe, pemombeu guasúucá Tûpâ Ñandeyárape peêcuera peneñeêrendú jague reje, ja peicuaáucá jague reje peyeroviájá co Cristo Evangelio reje, ja pende pyapôrâite jague reje, peê pembyaty pype oñondive ichupecuera guârâ ja opava peguarâ.

Galaciayguakuérape 1:24

Ja jaecuera ombuete Tûpâ Ñandeyárape che rejejápe.

Efesoyguakuérape 2:10

Tûpâ Ñandeyára rembiapo cuénte voi ñande, ja iñemoñaré Cristo Jesus rejeguaramo ñane rembiapo pôrârâ, ñanembosacoi jague voi ñande recorâ ñande yaico jaguâ.

Efesoyguakuérape 5:8

Yma peêcuera voi pytûnguypeguare, coanga peyejesapéma Ñandeyára rejeguama ramo. Peicona, upeicharamo, umi ojesapéva rejegua ramo:

1 Tesalonicayguakuérape 2:12

peico vaerâjá jecoitepe iya jaicha umi Tûpâ Ñandeyára rejeguávape, upe pene renoîjaré peême iyŷpŷpeguarâ pe teco marangatu imbuetepyrâ yvagapeguápe.

1 Timotéope 2:10

toñemyatyrônte tembiapo porâme iya jaicha umi cuña oyecuaáucáséva pe Tûpâ Ñandeyára ombuetévajá.

1 Timotéope 5:10

ja jerâcuâ pôrâ jembiapo pôrâvajá ja omongacuaa pôrâ jague imemby cuera ja oporombojupájá, ja oyojei vaecue jague ipy umi imarangatuvape, ja oipytyvô vaecue jague umi oyeyopŷvape ja oico jague jecope opa tembiapo ipôrâvape.

1 Timotéope 5:25

Upeicha avei oime peteîva jembiapo ipôrâ oyecuaava voi ja oime ramo oyecuaa ŷ va ndicatui oñemi jaguâ tapia guârâ.

1 Timotéope 6:18

ta imbaepôrâ, ta jembiapo pôrâ jeta meme, ta oporo ñomboyaóva, ta oporo ñombaéva,

Títope 2:14

Upe oñemeê vaecue oyupe voi ñanderejejápe ñande repŷ jaguâ opa mbae pochy gui, ja omopôtí jaguâ Jesegua vaerâ imbaetee râ jacateŷ vaerâ tembiapo porâ reje.

Títope 2:7

Ja nde catuetei, eñembojecopôrâ rejechaucá jaguâ jecope tembiapo porârâ, anichene jaguâ oime neporomboepe mbaeve pichyguŷ guivo, nde rovasy rejevente,

Títope 3:14

Ja ñande rejegua cuera toicuaa avei oñembo jeco pôrâ pôrâve meme jaguâ opaichagua tembiapo oyejecájápe, oguereco jaguâ jemicôtevêrâ, anichene jaguâ rejejápe jaecuera umi jeco reivaicha.

Títope 3:4

Upegui oyejechacuaáucáma ramo Tûpâ Ñandeyára ñanembo jecomarangatu jára imbae pôrâja, ja oporojaŷjújá cuimbae cuerape,

hebreoyguakuerape 10:24

Ja ñañomandua oyueje ñañoatôi jaguâ yayojaŷju jaguâ, ja ñañombo jecopôrâ jaguâ.

1 Pédro 2:12

Peicove teco pôtíme iyojeipyreicha umi Gentile pytagua tabŷ apytepe icatu jaguâ penemoî vai rei ramo yepe peême mbae vaí apojaré vaicha ramo, omaña pype pene rembiapo pôrângue reje upeicha omombeu guasu Tûpâ Ñandeyárape upe oyejechacuaa jaguâ árape.

1 Pédro 2:9

Peêcuera voi ñemoñaré yeporavópyré, peê pai cuera mburuvicha guasu rejeguava, peê tetâ marangatu rejeguava, peê cuera imbaéteétérâ, peêcuera pemojerâcuâ jaguâ iyetéetévéjá upe penerenoîjaré pytûnguŷjá gui co ojesapé poraitejápe.

1 Pédro 3:1

Peêcuera cuña pemendáva, upeicha avei, peyeyoco peneménateépe, icatu jaguâ oime ramo yepe jaecuerava oguerovia-ŷ-va Ñandeyára Ñeê oñemboyere jembireco cuera reco pôrâ rupi oyee-ŷ-reje ichupe cuera mbaeve upe Ñeê guivo,

1 Pédro 3:16

Ta pende pyapy pôrânte, ja iyojeipyre, peñemoi vaí rei ramo guârâ icatu jaguâ umi penemombóiva jicuai oñemotî jaguâ pende reco pôrângue Cristo rejegua jáguigua rupi.

1 Pédro 4:11

Oime ramo oñemoñeêva, toico Tûpâ Ñandeyára Ñeê gui oicuaáucávaicha. Oime ramo oipytyvôva umi ambuecuepe, toico pe ipuacacue Tûpâ Ñandeyára omombaraetéjá gui icatu jaguâ Tûpâ Ñandeyára oñembuete opambaepe Jesu Cristo rupi. Toñembuete Jae ja toñembotuvicha tapia guârâ. Amen.

1 Pédro 4:14

Pende reco orŷeté vaerâ, peyeyao ramo Cristo rera rejejápe. Upeicharamo pe Tûpâ Ñandeyára Espiritu omombuetéjára opyta pendereje.