Matéo 4:23 - Tûpâ Ñandeyára 1913

²³ Uperire Jesús oyerepá oicovo Galilea reje omboe jiconi tûpâópe cuera, ja oñemoñeê pe Evangelio pe jêrâcuâ pôrâ oútajá pe mburuvicha guasu yvapegua reco marangatu, ja omojesaîmba opaichagua mbaasŷgui, ja mbae vaígui umi ybypórape.

Ñandejára Ñe’ẽ

²³ Jesús oiko yvy Galiléa rupi, ha oporombo'e umi judío kuéra tupao rupi. Ha'e omoherakuã marandu porã oñe'ẽva Tupã sãmbyhýre. Hetápe avei omonguera opaichagua mba'asy ha mba'e vaígui.

Ñandeyara Ñe'ẽ

²³ Jesús oho Galilea jerekuévo ha oporombo'e umi Israelita sinagoga kuéra rupi, omoherakuã pe evangelio Tupã Ñandejára reino rehegua, ha oporomonguera opaichagua mba'asy ha mba'e vaígui.

Ñandejara Ñe’ẽ ✟

²³ Jesús oiko yvy Galiléa rupi, ha oporombo'e umi judío kuéra tupao rupi. Ha'e omoherakuã marandu porã oñe'ẽva Tupã sãmbyhýre. Hetápe avei omonguera opaichagua mba'asy ha mba'e vaígui.

Ñanderuete Ñe’ẽ Porã 2015

²³ Ha Hesu oguata Galiléa departaménto tuichakue rupi, ombo’e hag̃ua Ñanderuete rogakuérape, omyasãi Ñanderuete evangélio (marandu porã) ha omonguera opaichagua hasývape ojeguerúva guive hendápe.

Matéo 4:23 Referencias Cruzadas

Matéo 11:5

ojecha yebyjá umi ojechaŷ vaecue, oguata pôrâ yebyjá umi icarê vaecue, oñemopotîmbajá umi leproso iyaívaí gui, ja ojendu yebyjá umi iyapŷsa ŷ vaecue, ja oicové yebyjá umi omano vaecue, ja umi mboriaju cuera oñemo angapyjyucájá pe Evangelio roñemoñeêjá mbae pyajú porâiteva gui rupi.

Matéo 12:9

Ja ojo upegui ja ou itûpâope cuera.

Matéo 13:19

Oime ramo ojendúvaecue Ñandeyára ñeê yvapegua reco rejegua oicuaa pôrâ ŷ reje jecópe, ou voi pe mbaepochŷ ja ôguenojê reí pe oñeñotŷ vaecue ipyápe. Peva catu pe jaŷî oñemuasaî reí vaecue pe tapé yképeguareicha.

Matéo 13:54

Ja ou rire oguetâme omboé oicovo itûpâope cuera ja ojecharâmô jaecuera ja jei. ¿Mamóguípa iya co caraípe iñarandú jaguâ ja ipuacáité jaguâ cóicha?

Matéo 14:14

Upei catu Jae ogueyŷma ramo ybype ojecha jetáma eterei iyatŷ jague ja oiporiajuvereco ichupecuera, ja omojesâi umi oiva ipaûmecuera jasyvape.

Matéo 24:14

Ja co Evangelio pe yvapegua ruvicha guasu reco marangatu rejegua oñemo jêrâcuâ vaerâ opa co yby yere reje oyecuaaucá jaguâ opa ybypóra opa tetâmeguape, ja upémaramo oicone pe ipajá.

Matéo 3:2

ja jei: Peñembyasŷna peê, jiâguimajáreje oico jaguâ pe teco marangatu yvapeguarejegua.

Matéo 9:35

Upeicha Jesús oyerepá umi tetâ reje ja ocára rupi avei oporomboévo itûpâope cuera, ja oñemoñeêvo co Evangelio pe yvapegua ruvicha guasu recogua gui, ja omojesâimbávo opaichagua mbaasy gui, ja opaichagua mbae ivaiva gui.

Márcos 1:14

Upeguirire oñemoî rire Juan pe ybyracuá rógape, ou Jesús Galileape oñemoñeêvo pe Evangelio pe Tûpâ Ñandeyára ñeê ipyajúva gui, ja jei:

Márcos 1:21

Ja upegui ou ôguajê Capernaumme ja pe sabado areté árape Jae oiké pe tûpâope ja oporo mboe.

Márcos 1:39

Ja Jae oñemonñeê oicovo itûpâope cuera Galileape oparupi, ja oity mbaepochy cuerape.

Márcos 3:10

Jetape voi Jae omojesâi racae, ja upeareje iyatŷpá Jesé opáva umi jasŷva opoco jaguâ Jese.

Márcos 6:2

Ja pe sabado areté árape Jae oñypyrú omboe pe tûpâope. Ja jeta umi ojendu vaecue Ichupe ojecharâmô ja jei: ¿Mamoguípa oguereco co Carai âmbae? ¿Mbaéichaguápa co mbaecuaa oñemeêva Ichupe ja mbaépa co mbaeguasu oyeyapóva ipórupi?

Márcos 6:6

Ja Jae ojecharâmô ndogueroviai járeje jaecuera. Upegui ojo umi ambue tetâi rupi oporo mboe oicovo,

Lúcas 10:9

Ja pemonguerá umi jasyva cuerape ipype oimeva ja peye ichupecuera: Oñemoânguíma pendejegui co Tûpâ Ñandeyára reco marangatú yvapegua rejegua.

Lúcas 13:10

Ja Jae omboe jina peteî tûpâópe peteî sabado arete árape,

Lúcas 16:16

Upe teco Moises ñeêngue rejegua ja umi oñemoñeêjara ñeêngue rejegua oico ou peve pe Juan, ja upe guive oime oñemo jêrâcuâ ojovo co teco marangatu Tûpâ Ñandeyára rejegua ja opavavé oñomyaña jicuai oike jaguâ ipype.

Lúcas 20:1

Peteî árape omboe pype jina Jae tûpâo pe tetâmeguape ja omojerâcuâ pype Evangelio, sapya ou jiari umi pai ruvicha ja umi iñaranduva ja umi ituyáva,

Lúcas 4:14

Upei catu Jesús oyeby ombopuaca pype Ichupe pe Espiritu Santo Galilea peve ja oñemo jêrâcuâ Ichugui oparupi iyerecuevo.

Lúcas 5:17

Ja peteî árape Jae oporomboe jina ja oi upepe oguapy jicuai umi fariseo ja umi escriva iñarandu reíva ou vaecue opa umi tetâ Galilea ja Judea pegua gui, ja Jerusalem gui avei. Ja pe Ñandeyára puacacué oi Jendive omojesâi jaguâ ichupecuera.

Lúcas 6:17

Ja Jae ogueyŷ jendivecuera ja opyta peteî ñu pôtíme, ja oico upepe avei jemimboecuera atŷra ja jeta umi ybypóra ou vaecue opa Judea gui ja Jerusalem gui, ja Tiro ja Sidon retâ pe ŷguasu coty guivo, ou vaecue ojendu jaguâ Ichupe ja oñemo jesâiucá jaguâ imbaasy gui cuera.

Lúcas 6:6

Uperire oime sabado ára ambuepe avei Jae oiké pe tûpâope ja oporomboe ja oi upepe peteî cuimbae ipo iyacatuapegua iyŷpíva.

Lúcas 7:21

Upepe voí Jae omojesâi jina jetávape mbaasŷ vaí gui ja mbaasŷ tuyá gui ja mbaepochŷ gui ja jeta ojechaŷvape ombo jesapysó yeby.

Lúcas 7:22

Upemaramo Jae jei ichupecuera: Tapejó, ja pemombeunte Juanpe opambae pejecha ja pejendu vaecue gui, umi ojecha ŷ vaecue ojecha yebyjá, umi iyapá vaecue cuera oguata yebyjá, umi iyaipá vaecue leproso oñemopôtímbájá, umi iyapysa ŷ vaecue ojendu yebyjá, ja umi omanó vaecue oicové yebyjá, ja umi mboriajúpe cuera roicuaaucajá pe Evangelio co jêrâcuâ ipôrâva ipyajúva.

Lúcas 8:1

Uperire Jae oguata oicovo umi tetâ rupi ja umi oga ocara rupigua rupi oñemoñeêvo ja omojerâcuâvo pe Evangelio pe mbae pôrâ ipyajúva pe teco marangatu Tûpâ Ñandeyára rejegua gui. Ja oico Jendive umi doce jemimboe cuera,

Lúcas 9:11

Upegui oicuaama ramo umi tapicha cuera, ojo Japycueri. Ja Jae oguerojorŷ ichupecuera ja omongueta ichupecuera pe teco marangatu Tûpâ Ñandeyára rejegua gui, ja upeicha avei omojesâi umi oicôtevê vaecue oñepôjânô.

Lúcas 9:60

Ja jei ichupe Jesús: Tové! Ejeyánte umi omanova rejegua toñotŷ umi omano vaecuepe. Nde catu terejo emojêrâcuâ oparupi co Tûpâ Ñandeyára reco marangatu yvapegua rejegua.

Juan 18:20

Ja Jesús jei ichupe: Na ñemijápei catu Che añeê vaecue umi ybypóra cuerape. Tapia voi Che aporomboe vaecue tûpâope ja tûpâo guasúpe, oñembyaty jaguepe voí opa umi Judio cuera, ja mbaevete nañeêvái ñemijápe.

Juan 6:59

Opa umimbae Jae jei vaecue tûpâope omboe jaguepe Capernaumme.

Juan 7:1

Upeguirire Jesús oico acoty pecoty Galilea rupi: ndoicosevei voí Judeape, oico jague reje japycueri umi Judio oyucápotavó Ichupe.

Apostolkuéra 10:38

Tûpâ Ñandeyára omoingo jague Ichupe Cristorâ Espiritu Santo pype ja ombopuacá jague Ichupe ja Jae oyapo jague oicovo tembiapo ipôrâva ja omojesâimba jague umi oyeyopŷ asŷ vaecuepe mbaepochy rupi, Tûpâ Ñandeyára voi oico jague reje Jendive.

Apostolkuéra 18:4

Ja opa sabado árape jae oñemongueta pe tûpâope ja ogueroviáucá umi Judio ja umi Griego cuerape.

Apostolkuéra 20:25

Ja coanga voi che aicuaa máramo pejechave ŷ jaguâ che rová peê añemoñeê jague Tûpâ Ñandeyára pyápôrâ gui.

Apostolkuéra 28:31

ja jae omojerâcuâ oicovo Tûpâ Ñandeyára reco marangatu yvapegua rejegua gui ja oporomboe mbae pôrâ Jesu Cristoguigua okyjŷyé ŷ reje avavegui ja oyoco ŷ reje ichupe avave.

Romayguakuérape 10:15

¿Ja mbaeichapa oñemoñeêne oñembou ŷ rire? Oyee voi vaecue Santa Escriturape. Ipôrâite ipy cuera umi omojerâcuâva ouvo mbae ipyaju ipôrâva.