Matéo 26:10 - Tûpâ Ñandeyára 1913

¹⁰ Ja Jesús ojechacuaama ramo jeija jina upeicha, jei ichupecuera: ¿Maerâpa pemuanguecói co cuña me? Jae oyapo tembiapo ipôrâvarâ Cheve.

Ñandejára Ñe’ẽ

¹⁰ Jesús ohendu upéva ha he'i chupe kuéra: —Maerã piko péicha peñe'ẽ ko kuñáre? Mba'e iporãva niko ko ojapóva che rehe.

Ñandeyara Ñe'ẽ

¹⁰ Jesús ohendu upéva ha he'i ichupe kuéra: --¿Mba'érehe piko pemyangekói peína ko kuñáme? Ko ojapóva che rehe niko iporã.

Ñandejara Ñe’ẽ ✟

¹⁰ Jesús ohendu upéva ha he'i chupe kuéra: —Maerã piko péicha peñe'ẽ ko kuñáre? Mba'e iporãva niko ko ojapóva che rehe.

Ñanderuete Ñe’ẽ Porã 2015

¹⁰ Ha Hesu oñandukuaágui péva, he’i ichupekuéra: Mba’érehepa pemyangekõi ko kuñáme, ha’e ningo mba’eporã ojapohína cherehe.

Matéo 26:10 Referencias Cruzadas

Matéo 26:11

Umi mboriaju cuerape oime pereco tapia voí penendive. Cheve nda Che rerecoi tapia.

Matéo 26:9

Peva catu icatu vaerâ moa ñañemû jepy etá reje ja oñemeê vaerâ moa jepycue umi mboriajú cuerape.

Márcos 14:6

Upei catu Jesus jei: Tové! Pejeyante ichupe! ¿Maerâpa pemuanguecoi ichupe? Tembiapo pôrâ oyapo Cheve.

Lúcas 8:49

Uperamo oñeê pype gueteri Jae, oime ou peteî pe tûpâo ruvicha rogapeguáva jeivo ichupe: Oime omanóma nde rayŷ! Anive, upeicha ramo, reyocuai co carai poromboejárape.

2 Corintoyguakuérape 9:8

Tûpâ Ñandeyára ipuaca voí ombojeta jaguâ peême opaichagua ipôrâva, icatu jaguâ, pereco pype opambae tapia pene ryvâtâ jaguâicha, pene kyreŷ jaguâ opa tembiapo pôrâme, oyee jaicha Santa Escriturape:

Galaciayguakuérape 1:7

Ndaei oimejá ambue, oimente peteîva penemuanguecoiva ja omoambueséva Cristo Evangelio.

Galaciayguakuérape 5:12

Mbaeichatamo oñemboípá rae umi pene muanguecoijaré.

Galaciayguakuérape 6:17

Coaguirire avave ani che muanguecói: che areco che retépe voi Ñandeyára Jesus porapŷ cuéreicha.

Efesoyguakuérape 2:10

Tûpâ Ñandeyára rembiapo cuénte voi ñande, ja iñemoñaré Cristo Jesus rejeguaramo ñane rembiapo pôrârâ, ñanembosacoi jague voi ñande recorâ ñande yaico jaguâ.

Colosayguakuérape 1:10

peico jaguâ jecope iya jaicha Ñandeyára rejeguape, pembojory jaguâ jecopete Ichupe opa tembiapó pôrâme, peñe mombae pôrâ, ja pecacuaa jaguâ peicuaa pôrâ meve jecope Tûpâ Ñandeyárape.

2 Tesalonicayguakuérape 2:17

ta pene mbopyaguapy ja ta pene moingo pôrâ opa tembiapo ja ñeê pôrâme.

1 Timotéope 3:1

Cova ñeê jaeteva yayerovia jaguâ: oime ramo oñemoingóucáséva obispo, Iglesia rejegua rerecua ramo, tembiapo pôrâite upéva oicoséjápe jae.

1 Timotéope 5:10

ja jerâcuâ pôrâ jembiapo pôrâvajá ja omongacuaa pôrâ jague imemby cuera ja oporombojupájá, ja oyojei vaecue jague ipy umi imarangatuvape, ja oipytyvô vaecue jague umi oyeyopŷvape ja oico jague jecope opa tembiapo ipôrâvape.

2 Timotéope 2:21

Upeicharamo oime ramo iyojeipyre oyererecova umi mbae vaígui, upéva oicone pe tembiporu iporupyrâicha iyegua pôrâ jaguâme, oñembo jecomarangatúmava, ja jendamava iyára peguârâ, ja oñembosacoímava opa tembiapo pôrârâ.

Títope 1:16

Oyeyapo Tûpâ Ñandeyárape oicuaáva ramo, ja jembiapocue rupi omomârâ Ichupe, tecové imboyeguarúpyrâ voí ja ñeêrendú-ŷ-va, ja opaichagua tembiapo pôrâ gui imombopyrâ.

Títope 2:14

Upe oñemeê vaecue oyupe voi ñanderejejápe ñande repŷ jaguâ opa mbae pochy gui, ja omopôtí jaguâ Jesegua vaerâ imbaetee râ jacateŷ vaerâ tembiapo porâ reje.

Títope 3:1

Emomanduá umi ambuecuepe oyeyoco jaguâ umi carai guasupe oicova mburuvicha ramo, ja oyapo jaguâ jecópe umi mburuvicha ñeê oi jaguâ voi oyapo jaguâicha tembiapo ipôrâva,

Títope 3:14

Ja ñande rejegua cuera toicuaa avei oñembo jeco pôrâ pôrâve meme jaguâ opaichagua tembiapo oyejecájápe, oguereco jaguâ jemicôtevêrâ, anichene jaguâ rejejápe jaecuera umi jeco reivaicha.

Títope 3:8

Co ñeê ipôrâ yarovia jaguâ, ja che aipota nde remomandua meme catuetei coambae reje umi oyeroviavape Tûpâ Ñandeyára reje oñejaâite jaguâ oico tapécuaájá ramo opa tembiapo pôrârâme. Coambae ipôrâ voi ja ojupityuca mbae pôrâ umi cuimbaepe.

hebreoyguakuerape 13:21

pe oñemoingo vaecue Ovecha Rerecua jaeteva ramo pe juguy pe teco ipyajúva iyapyra-ŷ-va rejegua rupi, Upeva ta penembosacoi peême opambae ipôrârâ, icatu jaguâ pembuaye jecoitepe jembipota ñane atôivo ñandeve yayererojorŷ jaguâ iyŷpype Jesu Cristo rupi. Toñembuete Jae tapiaguârâ. Amen.

1 Pédro 2:12

Peicove teco pôtíme iyojeipyreicha umi Gentile pytagua tabŷ apytepe icatu jaguâ penemoî vai rei ramo yepe peême mbae vaí apojaré vaicha ramo, omaña pype pene rembiapo pôrângue reje upeicha omombeu guasu Tûpâ Ñandeyárape upe oyejechacuaa jaguâ árape.