Matéo 23:15 - Tûpâ Ñandeyára 1913

¹⁵ Angai peêcuera pene arandúva ja peê fariseo peêsénteva, pende rová mocoîva! Peê pemboyerepáva pe ŷguasu ja co yby peñejaâvo pemoingo pendeyupeichagua ramo peteî ybypóra añópente, ja anga peyapyjŷma ramo ichupe, peê pemo añaretâ raŷvé yoa yoa ichupe pendejegui voi.

Ñandejára Ñe’ẽ

¹⁵ Pejererekóke peẽ Moisés rembiapoukapy mbo'eha ha peẽ fariséo kuéra rova mokõi! Peẽ pehóva opa rupi ko yvy ári, ha pehasa yguasu mboypýri ave, peteĩnte jepe pembojerovia haguã Tupãre, judío kuéraicha. Upéva pejapo haguére, ha'e kuéra oho jo'a-jo'a vaerã aña retãme.

Ñandeyara Ñe'ẽ

¹⁵ ‘¡Angái peẽ mbo'ehára ha fariseo kuéra rova mokõi! Pehóva opa rupi ko yvy ári ha mar jerekuévo pemoinge haguã pe máva akãme pene religión, ha upéva pejapóma ramo katu pejapo ichugui Aña retã ra'y mokõi jevyve pende hegui.

Ñandejara Ñe’ẽ ✟

¹⁵ Pejererekóke peẽ Moisés rembiapoukapy mbo'eha ha peẽ fariséo kuéra rova mokõi! Peẽ pehóva opa rupi ko yvy ári, ha pehasa yguasu mboypýri ave, peteĩnte jepe pembojerovia haguã Tupãre, judío kuéraicha. Upéva pejapo haguére, ha'e kuéra oho jo'a-jo'a vaerã aña retãme.

Ñanderuete Ñe’ẽ Porã 2015

¹⁵ Angái, peẽ kuatia haihára ha peẽ fariseokuéra rova mokõi, peguata ha pejeréva yguasu ha yvy ape rehe pehekávo peteĩ pene remimbo’erã, ha pejohúma ramo, pejapo ichugui aña retã ra’y, ipy’a hatãvéva mokõi jevyve pendehegui.

Matéo 23:15 Referencias Cruzadas

Matéo 23:13

Angai peêva, peê pene arandúva ja fariseo peêsénteva, pende rová mocoîva! Peê pemboty pe yvaga rokê umi ybypóra rová reje. Peê voínte nda peikei, ja umi ambuecue cuera umi oikesévape yepe peê na pemoinguéséi.

Matéo 3:7

Upei catu ojecha ramo iyatyjá umi fariséo ja saducéoretá pe omongaraíjape jina, jae jei ichupecuera: Mbói rejegua peê! ¿Oiméneparaé penemboe vaecue peñeguajê jaguâ reje pe oyeyepŷ jaguâ áragui?

Matéo 5:22

Che catu jae peême oime ramo ipochy taby reíva tykeŷrape yepe, iya vaerâjá ichupe ombojecoviá jecópe. Ja oime ramo jeiva tybŷrape: Tecové jecoŷva rejegua nde, iya vaerâjá ichupe ombojecoviá jecópe mbururicha oñomongueta guasujápe, ja oime ramo jeiva Nde bŷro iya vaerâjá ichupe ombojecoviá pe tata añaretâmeguápe.

Matéo 5:29

Upeicharamo co nde resá nde acatuápegua oñembotieŷucá ramo ndeve, enojênte, ja emombo ndeyejegui: ipôrâvé jávareje ndeve ocañŷ ndejegui peteî nde rete pejenguemi, aniterei oyeitypá co nde rete añaretâme.

Juan 8:44

Peêcuera catu pende rú pe mbaepochy raŷcuera. Ja peê peyapose pe jiâva pende rú pe. Iñypyrúmbŷ guive oporoyuca vaecue voi jae, ja osê meme vaecue pe ñeê jecoitepegua gui nda iyái gui ipype pe jecoitepegua. Iyapú ramo jae, oñeê oyejegui vointe oguecoite gui voí. Iyapú voí jae ja yapú rú jae.

Apostolkuéra 13:10

ja jei ichupe: Nde nde reco yapuete, ja nde reco porombotabŷjá, aña raŷ nde, reñemoîva opambae ipôrâva reje, ¿na nde repoíripa remocarêvo Ñandeyára rapé icareŷva?

Apostolkuéra 13:43

Ja oyeói rire umi iyaty vaecue upepe, jeta umi Judio cuera ja umi pytagua iñemboecatúva ojo Pablo ja Bernabe rapycueri ja jaecuera omongueta ichupecuera ja omomandua ichupecuera opyta jâtâ jaguâ tapia oyeroviávo Tûpâ Ñandeyára pyapôrâ reje.

Apostolkuéra 14:19

Upeguirire sapya ou upepe Judio cuera Antioquia ja Iconio gui ja omoâcâyere pe tetâmegua ja umíva oyapi itápe Pablope ja ôguenojê ichupe pe tetâgui ocape oimoâjápe omanómajá.

Apostolkuéra 14:2

Upei catu umi Judio ogueroviase ŷ va omopuâ ombo pyávaí umi pytaguape umi jeŷícuera coty coty.

Apostolkuéra 17:13

Upegui oicuaama ramo umi Judio Tesalonicaŷgua oñemo jerâcuâ jague Ñandeyára Ñeê Pablo yuru rupi Bereape avei, umiva catu ojo upepe avei, ja omomyi ja omboaybu pe tetâŷguape.

Apostolkuéra 2:10

oime ñandéva Phrygiapegua, ja ñandéva Pamphiliapegua, ja ñandéva Egyptopegua, ja oime ñandéva umi tenda oiva amongotŷóvé Cirenegui pe Africa retâmegua, ja oime ñandéva yayú vaecue sapyaminte Romagui, ja oime ñandéva Judiocuera, ja umi oñembo judio ramôva,

Apostolkuéra 6:5

Ja opavave oguerojory pe jeiva ja oiporavó Estebanpe peteî carai oyeroviaiteva Ñandeyára reje, ja Espiritu Santo rejeguaiteva, ja Felipepe ja Procorope ja Nicanorpe ja Timonpe ja Parmenaspe, ja Nicolaspe, Antiokiaŷgua oñembo judio vaecue,

Galaciayguakuérape 4:17

Oime voi pende yapichŷva peême ja na ipôrârâi yepe. Upea rangue umiva pene mombose ocápe, peêcuera peyapichy jaguâ ichupecuera.

Galaciayguakuérape 6:12

Oime ramo oyejechaucaséva co ybypóra reco rejegua ramo, umiva pene mocôtevê peñemongaraí jaguâ Judio reco rupi. Oyaponte upeicha, anichene jaguâ ojasa asy Cristo curusu rejejápe.

Efesoyguakuérape 2:3

Umichagua apytepe opavave ñande avei yaico vaecue yma, ñambuayevo ñande rete mbae yerure, ja yayapovo ñande rete ja ñande pyapy rembipota, ja ñande ñandeyejegui voi iñyrômbyrâ-ŷ-rejegua umi ambuecueicha.