Matéo 19:21 - Tûpâ Ñandeyára 1913

²¹ Ja Jesús jei ichupe: Reñembojeco marangatuitese ramo jecope, terejó, eñemû opa rerecova reje, ja emeê jepycué umi mboriaju cuerape. Upeicharamo, rerecone pe ne râcâteŷjarâ iñongatupyrâ yvagape, ja upegui eyo Che rapycuéri.

Ñandejára Ñe’ẽ

²¹ Jesús he'i chupe: —Nde reko porãse ramo Tupã oipotaháicha, tereho eñemumba opa rerekóvare ha eme'ẽ mboriahúpe. Péicharõ rerekóta mba'eta yvágape. Upéi, eju che moirũ.

Ñandeyara Ñe'ẽ

²¹ Jesús he'i ichupe: --Rejapopase ramo hekopete, tereho eñemumba pe rerekóva rehe ha eme'ẽ mboriahu kuérape, ha rerekóta mba'eta yvágape; ha eju che moirũ.

Ñandejara Ñe’ẽ ✟

²¹ Jesús he'i chupe: —Nde reko porãse ramo Tupã oipotaháicha, tereho eñemumba opa rerekóvare ha eme'ẽ mboriahúpe. Péicharõ rerekóta mba'eta yvágape. Upéi, eju che moirũ.

Ñanderuete Ñe’ẽ Porã 2015

²¹ Ha Hesu he’i ichupe: Nde reko porãmbase ramo, tereho eñemumba opaite mba’e reguerekóva guive rehe, ha hepykue eme’ẽmba mboriahúpe, ha reguerekóta mba’erepyeta yvágape, ha upéi eju che rapykuéri.

Matéo 19:21 Referencias Cruzadas

Matéo 16:24

Uperamo jei Jesús jemimboe cuerape: Oime ramo oicoséva Che rapycuéri, toñembo jesarái oyejegui vointe, tojupí icurusú, ja toú Che rapycueri Che îrûrâ.

Matéo 19:20

Upei catu pe cariaŷ jei Ichupe: Opa âmbae ayapopá jecope. ¿Mbaé mbaépa aicôteyêve?

Matéo 19:22

Ja ojendú pypé coa ñeê, pe cariaŷ ombuasŷ ojovo, caraí guasú voi jae mbaererecojá.

Matéo 19:28

Ja Jesús jei ichupecuera: Añeté Che jae peême upe opambae oñemoñá pyajú yeby jaguâ árape, upe oguapŷ jaguâ árape voí pe Caraí Raŷ mburuvicha guasu ramo ituvicha guasucue rejeve, opa peê peyú vaecue Che rapycueri, peguapŷne doce tendape mburuvicha ramo, umi doce tetâ Israel cuera rejegua ruvicha ramo.

Matéo 4:19

ja Jae jei ichupecuera: Peyu Che rapycuéri Chemoirûvo, ja Che pomoingóne peême ybypóra pyjyjá ramo.

Matéo 5:48

Upeicharamo ta pende reco pôrâite jecoitépe, jeco pôrâite jaicha jecoitépe pende Ru yvape oiva.

Matéo 8:22

Ja jei ichupe Jesús: Eyo Che rapycuéri, ja Ejeyánte umi omano vaecueichaguape toñotŷ umi oyejegua omano vaecuepe.

Matéo 9:9

Upei catu ojo Jesús upegui, ja ojecha peteî caraípe oguapŷva jina pe mbaerepy monoôjápe, jérava Mateo, ja Jae jei ichupe: Eyo Che rapycuéri. Ja jae opuâ voí ja ojo Japycuéri.

Márcos 10:21

Upei catu Jesús omaê jesé ja ojayjú gui ichupe oguerojorŷ jeivo: Peteî mbaénte oime reicôtevêva. Terejónte, eñemû opa mbae rerecóva reje, ja emeê jepycué umi mboriajú cuerape, ja upeicharamo rereco vaerâ nembaeteérâ iñongatupŷrâ yvagape, ja eyo Che rapycuéri Che reŷí rejeguarâ.

Márcos 2:14

Ja ojasávo ojechá pe Levi Mateope, Alfeo raŷ, oguapŷ ramo pe mburuvicha monoôjápe mbaerepy, ja jei ichupe: Eyo Che rapycuéri! Ja jae opuâ voí ja ojo japycuéri.

Márcos 8:34

Uperire ojenoî umi jemimboecuerape ja umi oñembyatŷ vaecuépe avei ja jei ichupecuera: Oime ramo ouséva Che rapycuéri Che reje guârâ, tojesarai oyejegui. Tojupí icurusu ja toú Che rapycuéri.

Lúcas 12:33

Peñemû pene mbaeteé reje ja pemeê tûpâmbaerâ. Peyapo pende yupe guârâ mbaerepy ryrúrâ oyeyaró ŷ vaerâ ituyá gui, pene racateŷjárâ ñongatupyrâ yvágape opaŷvaera, upe mondajára ôguajê ŷ jaguâme terâ umi tiguaâ omongui ŷ jaguâme.

Lúcas 14:33

Upeicharamo oimeraêva peêcuérava oyepease ŷ va opambae jacateŷjá gui, ndicatui oico Che remimboe ramo.

Lúcas 16:9

Ja Che jae peême: Peñejaâ peyejayjúucá jaguâ umi pene mbaerepy rupi, mbae jecoŷmegua ramo yepe, icatu jaguâ pende sogue ramo guârâ pende rerojory jaguâ peñemoâ jaguâme tapiaguârâ.

Lúcas 18:22

Ja Jesús ojendu vove jeiva, jei ichupe: Oime peteî mbae gueteri oimba ŷ va ndeve. Eñemûnte opa nde rerecóva reje ja emboyaó jepŷcue umi mboriaju cuerape, ja upeicharamo, rerecone iñongatupyrâ yvagape, ja eyo Che rapycueri Che rejegua râ.

Lúcas 5:27

Uperire Jae osê ja oguata oicovo ja ojecha peteî mbaerepy monoôjarape jérava Levi (Mateo) oguapŷ jina pe mburuvicha rogape, ja Jae jei ichupe: Eyo Che rapycueri Che rejeguarâ.

Lúcas 6:40

¿Ndoaichépane umi mocoîve ybycuá pe? Ndipori temimboe tuvichavéva pe imboejára gui. Oime ramo imbaecuaa pôrâ jecoitéva, upéva catu imboejára raicha vaerâ.

Lúcas 9:23

Ja jei opavavepe: Oime ramo ouséva Che rapycueri Che rejeguarâ, toñemomârâ oyupe voínte ja tojupi icurusu opa árape ja tou Che rapycueri.

Juan 10:27

Che ovecha cuera voínte ojendu Che ñeê ja Che aicuaa ichupecuera, ja jaecuera ou Che rapycueri.

Juan 12:26

Oime ramo oyeyocuaiucáva Cheve tou Che rapycueri ja pe aime jaguâme Che, upepe avei oi vaerâ Che rembiyocuai. Oime ramo oyeyocuáiucáva Cheve, upévape Che Ru ombotuvicha vaerâ.

Apostolkuéra 2:45

Ja oñemû joga cuera reje ja jymbá cuera reje ja omboyao jepycue opavavépe oicôtevê jaichaguánte.

hebreoyguakuerape 10:34

Peêcuera pembuasy umi oñeñapytî vaecue ndive jicuai ybyracua rogape ja pende pyaguapy yepe torypape oñemonda ramo guare penembae rereco, peicuaa pype peêcuera perecojá penembaerâ ipôrâitéveva jiaré vaerâ tapiaguârâ.