Matéo 13:19 - Tûpâ Ñandeyára 1913

¹⁹ Oime ramo ojendúvaecue Ñandeyára ñeê yvapegua reco rejegua oicuaa pôrâ ŷ reje jecópe, ou voi pe mbaepochŷ ja ôguenojê reí pe oñeñotŷ vaecue ipyápe. Peva catu pe jaŷî oñemuasaî reí vaecue pe tapé yképeguareicha.

Ñandejára Ñe’ẽ

¹⁹ Umi ohendúva pe ñe'ẽ ñesãmbyhy Tupãgui oúva rehegua ha ndoikuaáiva mba'épa he'ise, ojogua umi mba'e ra'ỹime ho'a vaekue tapépe. Upéi ou Aña, ha oipe'a pe ñe'ẽ ipy'apýpe oñeñotỹ vaekue.

Ñandeyara Ñe'ẽ

¹⁹ Umi ohendúva pe ñe'ẽ Tupã Ñandejára reino rehegua ha ndoikuaáiva mba'épa he'ise, ojogua pe mba'e ra'ỹi ho'a va'ekue tapérepe; ha ou Aña ha oipe'a pe ñe'ẽ oñeñotỹ va'ekue ipy'apýpe kuéra.

Ñandejara Ñe’ẽ ✟

¹⁹ Umi ohendúva pe ñe'ẽ ñesãmbyhy Tupãgui oúva rehegua ha ndoikuaáiva mba'épa he'ise, ojogua umi mba'e ra'ỹime ho'a vaekue tapépe. Upéi ou Aña, ha oipe'a pe ñe'ẽ ipy'apýpe oñeñotỹ vaekue.

Ñanderuete Ñe’ẽ Porã 2015

¹⁹ Oime ramo ohendúva pe yvága pegua tetãguasu rehegua ñe’ẽ ha nahesakãi ramo ichupe mba’épa he’ise, ou aña ha ogueraha pe oñeñotỹva’ekue ipy’apýpe. Pevahína pe mba’e ra’ỹi ho’áva tape ári.

Matéo 13:19 Referencias Cruzadas

Matéo 12:26

ja co Satanás oity ramo Satanáspe jae oyuaby oyejegui vointe, ja ¿mbaeichapa, upeicharamo, opytá jâtâne jetâ?

Matéo 13:20

Ja pe oñemuasaî reí vaecue itátŷpe, péva catu pe ojendú vaecue pe Ñandeyára ñeé, ja ogueroviá voí vaecue torypápe.

Matéo 13:38

Umi mbae raŷî ipôrâva guaú, umiva catu pe yvapegua ruvicha guasu rejegua cuera, ja umi caavó vaí guaú, umia catu pe mbaepochy rejegua cuera,

Matéo 4:23

Uperire Jesús oyerepá oicovo Galilea reje omboe jiconi tûpâópe cuera, ja oñemoñeê pe Evangelio pe jêrâcuâ pôrâ oútajá pe mburuvicha guasu yvapegua reco marangatu, ja omojesaîmba opaichagua mbaasŷgui, ja mbae vaígui umi ybypórape.

Matéo 5:37

Pene ñeê catuke ta cóicha Neí, neí! Tové, tové! ja oime ramo oyuapŷva umivareje jecovaíva rejeguama.

Márcos 4:15

Umi tapé ypypegua ñaimoa umi Tûpâ Ñandeyára ñeê oñeñotŷ vaecuepe, ja ojendu rire, sapyaite ou pe Satanás ja ôguenojê pe ñeê oñeñotŷ vaecue ipyápe.

Lúcas 10:9

Ja pemonguerá umi jasyva cuerape ipype oimeva ja peye ichupecuera: Oñemoânguíma pendejegui co Tûpâ Ñandeyára reco marangatú yvapegua rejegua.

Lúcas 9:2

ja upeicha omondo ichupecuera omojêracuâ jaguâ pe teco marangatú Tûpâ Ñandeyára rejegua gui, ja omojesâi jaguâ jasyva cuerape.

Juan 18:38

Upei catu Pilato jei Ichupe: ¿Mbaépa co jecopegua? Ja upevove jeima ramo upea, jae osê yeby umi Judio rendape ja jei ichupecuera: Che ndayujui mbaeve ñamboya vaerâ Jese.

Juan 8:43

¿Mbaeguípa nda pejechacuaai co jaéva? Na pende puacainte peê pejendu jaguâ reje Che ñeê.

Apostolkuéra 17:32

Upei catu jaecuera ojendú ramo oyee ramo oyeicové yeby jaguâ umi omano vaecue paûgui, oime peteîva oñembojoryva ja oime ambuecue jeiva: Torojendu yeby coambae gui ára ambuepe.

Apostolkuéra 18:15

Anga peñejaâ járeje oñondive ñeêngue rejente ja téra reje ja pene retâ reco reje, peê vointe pejecha vaerâ umimbae reje. Che nico ndaicosei mburuvicha ramo umichagua mbaepe.

Apostolkuéra 20:25

Ja coanga voi che aicuaa máramo pejechave ŷ jaguâ che rová peê añemoñeê jague Tûpâ Ñandeyára pyápôrâ gui.

Apostolkuéra 28:23

Upei catu omombeu ichupe petei ára ja uperamo jeta ou Jendápe pe oicojápe. Ja jae omuesâcâ ichupe cuera ja oicuaaucá pe Tûpâ Ñandeyára reco marangatu yvapegua rejegua gui ogueroviáucávo ichupecuera Jesús guivo pe Moises ñeêngue ja umi ñemoñeêjára ymaguare ñeêngue gui pyjareve guive caaru pytû meve.

Romayguakuérape 1:28

Ja na jiâi ramo ichupecuera imanduá jaguâ Tûpâ Ñandeyára reje, Tûpâ Ñandeyára voí opoí ichuguicuera iñâcângusu jaguâ ja oñembo pochŷ jaguâ ja oyapo jaguâ pe iporaŷva.

Romayguakuérape 14:17

Pe Tûpâ Ñandeyára reco marangatu ndajaei yacaru terâ yacau jaguâ, ñande reco pôrâ jaguânte ñandepya guapy jaguâ ja ñande pya rory jaguâ pe Espiritu Santo rupi.

Romayguakuérape 2:8

Ja umi oyuaby tapiávape ja iñeêrendúseŷva jecopeguápe, ja upea rangue iñeêrendúcuaáva jecopeguaŷme, umivape oñemeêne ñemyrô ja pochŷ, ipojyi ja tecôtevê asy.

Efesoyguakuérape 3:8

Che che yá catu-ŷ-véva pe umi imarangatuva michivéva yepe gui, cheve catu Ñandeyára che mbopuaca ipyapôrâ gui amojerâcuâ jaguâ umi pytaguape co Evangelio, pe Cristo oñemombae guasújá rugua yajupitycuaa-ŷ-va gui,

2 Tesalonicayguakuérape 2:12

oyepŷ jaguâ opa umi ogueroviase-ŷ-vaecue Tûpâ Ñandeyára Ñeê ja obya eterei vaecuereje jicuai jembiapo vaija rupi.

hebreoyguakuerape 2:1

Upévareje ñañejaâvé vaerâ ñane mandua meme umi mbae ñajendu vaecue reje, anichene jaguâ yasyryry umi mbae pôrâ gui.

1 Juan 3:12

Ñande nda yaicoi chene pe Caincha, pe mbaepochy rejegua vaecue oyuca vaecue pe itybyra teépe. ¿Ja mbaerejépa oyuca rae ichupe? Jembiapóeté voi ivaí jague reje, ja itybyra rembiapo jecopegua jague reje.

1 Juan 5:18

Yaicuaa pôrâ oime ramo Tûpâ Ñandeyára ñemoñaré rejeguava, upéva ndoicováijá angaipápe. Upe Tûpâ Ñandeyára ñemoñaré oñangareco jese, ja pe mbaepochy ndicatui opoco jese.

1 Juan 5:20

Yaicuaa voi Tûpâ Ñandeyára Raŷ ou jague ja omeéjá ñandeve ñane âcâ pôrâ jaguâ yaicuaá jaguâ pe Jaetévape, ja ñande pe Jaetéva rejegua pe Ñandeyára Taŷra Jesu Cristo rejegua voi. Jae voi pe Tûpâ Ñandeyára Jaetéva ja pe Tecove iyapyra-ŷ-va.