Matéo 11:23 - Tûpâ Ñandeyára 1913

²³ ¿Ja nde pipo Capernaum! reyejupita nde yvaga peve yepe? Reñembogueyŷne añaretâmeve. Oyeyapo rire Sodomape mbaeguasu coaichagua nde pype oyeyapo jagueichagua, opyta morae coanga peve.

Ñandejára Ñe’ẽ

²³ Ha nde, táva Cafarnaúm, reimo'ã piko reguahẽtaha yvágape? Tupã uvei nde reitýta omanóva retãme. Sodómape ajapo rire umi mba'e hechapyrãva ajapo vaekue nde pype, upe táva oĩ vaerã mo'ã gueteri ko'agãite peve.

Ñandeyara Ñe'ẽ

²³ Ha nde Capernaum, ¿reimo'ãpa rejehupíne haguã yvága peve? Reñemboguejy vaerã Aña retã meve uvei. Sodoma ciudádpe ojejapo rire umi techapyrã ojejapo va'ekue pende apytépe, upe ciudad opyta vaerã mo'ã ko'ãga peve.

Ñandejara Ñe’ẽ ✟

²³ Ha nde, táva Cafarnaúm, reimo'ã piko reguahẽtaha yvágape? Tupã uvei nde reitýta omanóva retãme. Sodómape ajapo rire umi mba'e hechapyrãva ajapo vaekue nde pype, upe táva oĩ vaerã mo'ã gueteri ko'agãite peve.

Ñanderuete Ñe’ẽ Porã 2015

²³ Ha nde, Capernaum, rejehupíva yvága peve rejeitýta aña retã meve: Sodómape ojejapo rire umi tembiapo techapyrãva ojejapomava’ekue pende apytépe, opytava’erãmo’ã gueteri ko’ag̃aite peve.

Matéo 11:23 Referencias Cruzadas

Matéo 10:15

Che jae peême catuetei ivevuivé oyeyopŷne umi Sodoma ja Gomorra retâmegua pe ñandeve oñembo jecovia jaguâ árape upe tetâmegua gui.

Matéo 16:18

Ja Che jae ndeve avei nde Pedrojá (Yaemo “itá”) ja co itá ári Che amopuâne Che Iglesia (Che rejeguavarâ), ja pe añaretâ rokê nda ipuacaichene jeseve.

Matéo 17:24

Uperire ôguajêma ramo Capernaumpe, ou Pedro rendape umi mbaerepy monoôjára ja jei Ichupe: Co pene mboejárapa nomeêi jecópe pe mocoî mbaerepŷ ñameê vaerâ mburuvichape? Ja jae jei: Jeê, omeê.

Matéo 4:13

Osê voí pe Nazaretgui, ja ojo opyta jaguâ Capernaumpe, pe tetâ pe ŷrembeŷ rejegua pe Zabulón ja Neftalim ypypegua.

Matéo 8:5

Uperire oikévo Jesús pe Capernaumpe, sapya ou Jendápe peteî mburuvicha oyerurévo ichupe,

Lúcas 10:15

¿Ja ndepa nde Capernaum ¿reyejupisépa yvagapeve? Oime reñembo gueyŷ vaerâ añaretâmeve yepe.

Lúcas 14:11

Oimeraêva voí oñembo tuvicháva oyupe, oñemo mîchîne, ja oimeraêva oñemo mîchîva oyupe, oñembo tuvicháne.

Lúcas 16:23

Ja pe añaretâme oija gui omaê yvate coty pe ojasa asyjá gui jina ja ojecha pe Abraampe mombyry guive ja pe Lazarope iyŷva ári oiva.

Lúcas 4:23

Ja Jae jei ichupecuera: Icatu peê peyene Cheve co ñeênga: Nde poropôjânôjára, eñepôjânô ndeyupe. Rojendu jagueicha jeta mbae reyapo vaecue Capernaumme, eyaponte coápe upeicha avei neretâme voí.

Apostolkuéra 2:27

Nde voínte Nde rejeyaichene che anga umi omano vaecue oijápe, ja ne Che meêichene Cheve, Che Ne marangatúva, Che tuyú jaguâ.

Apostolkuéra 2:31

ja ojechacuaa jaguereje yma guive voí, oñeê Cristo oicové yeby vaerâ jaguâ gui, jei ramo guare ndo yejeyai jague umi omano vaecue oijápe ja jete nda ituyui jague.

Júdas 1:7

Upeicha avei Sodoma ja Gomorra ja umi tetâ iyerecue rejegua, upeicha avei oñemotieŷ jague umi ambuecue reco vaípe, ja opia vaecue pe teco vaí cuimbae reco ŷ-rejegua rupi, umiva voi oyejechauca ñandeve ñane mboe jaguâ pe tata guasu iyapyra-ŷ vaerâ reje pe oñemo jenda jague tapia guârâ.

Apocalípsis 1:18

Che pe Oicoveva, Che amano vaecue, coanga aicove aina tapia guârâ ja areco pe ñemano ja pe mbaepochy retâ mbotyjá.

Apocalípsis 11:8

Ja jete cueracue opytane upe tetâ ryguepype pe oyee guauva Sodoma ja Egipto, pe oñemoî jague curusu reje Iyáracuera avei.

Apocalípsis 20:13

Pe ŷ guasu avei opoí umi omano vaecue gui oiva ipype: pe oñemanojá ja pe omano vaecue renda opoí umi omano vaecue gui oiva ipype cuera. Ja peteî tei ybypóra oñemojenda iya jaicha jembiapocue.

Apocalípsis 6:8

Ja amaê guaú, ja sapya ou peteî cabayu saŷyú, ja pe oi vaecue jina jiari jérava Ñemanó, ja umi omano vaecue atyra ou japycueri, ja oñemeêne ichupecuera ipópe irundŷjápe co ybyari oyuca jaguâ ybypora cuerape kyse pucúpe ja ñembyajŷi gui ja mbaasy gui ja umi mymba iñaróva co yby arigua rupi.