Matéo 11:11 - Tûpâ Ñandeyára 1913

¹¹ Che jae peême catuetei máramo nopuâi jague gueteri umi cuña ryguepe ñemoñambyré apytegui peteî tuvichavéva co Juan Bautista gui.

Ñandejára Ñe’ẽ

¹¹ Añetehápe ha'e peẽme, ndaipóri yvypóra kuéra apytépe mba'e guasuvéva Juan Bautístagui. Opáichavo, pe michĩvéva Tupã oisãmbyhyhápe, upéva mba'e guasuve chugui.

Ñandeyara Ñe'ẽ

¹¹ Añetehápe ha'e peẽme, yvypóra kuéra apytépe, máramo ndaipóri hague mba'eguasuvéva Juan Bautístagui, opáichavo, pe michĩvéva pe reino yvága peguápe mba'eguasuve ichugui.

Ñandejara Ñe’ẽ ✟

¹¹ Añetehápe ha'e peẽme, ndaipóri yvypóra kuéra apytépe mba'e guasuvéva Juan Bautístagui. Opáichavo, pe michĩvéva Tupã oisãmbyhyhápe, upéva mba'e guasuve chugui.

Ñanderuete Ñe’ẽ Porã 2015

¹¹ Añetehápe Che ha’e peẽme: Kuñágui onaceva’ekue apytépe ndoúi avave mba’eguasuvéva Juan Bautístagui; opáichavo pe michĩvéva oikétava Ñanderuete retãguasúpe ituichavéta ichugui.

Matéo 11:11 Referencias Cruzadas

Matéo 11:10

Cova voí pe oyee jague Santa Escriturape: Maéke! Che ambou Che remimboupe Ne renondepe omyatyrô vaerâ Nde raperâ Ne renonde.

Matéo 11:12

Opaichavévonte pe michietevéva pe yvapegua ruvicha guasu rejegua paûme tuvichavé upéva gui. Co Juan Bautista ára guive coanga ára peve yepe oime osororóva ouvo oyejeávo pe yvapegua ruvicha guasu reco reje, ja umi oñembo puacaitevéva oyapyjy ichupe.

Matéo 3:1

Upeguirire ou pe Juan Bautista oñemoñeê oicovo pe Judea retâ ocára rupi,

Matéo 3:11

Che añetéjápe pomongaraí peême ŷpe umi oñembyasŷva rejegua recórâme. Upe ou vaerâ che rire, ipuacavé chejegui, ndaiyai yepe cheve arajá jaguâ ipŷ rejegua. Jae catuetei penemongaraíne pe Espiritu Santope ja tatape.

Matéo 5:19

Upeicharamo, oime ramo ombuaiva peteîva co Tûpâ Ñandeyára rembiapoucapy cuéravágui mîchîetevéva yepe, ja omboéva umi ybypóra cuerape oyapo jaguâ upeicha avei, upéva oñembojéra vaerâ mîchîetéva pe tetâ yvagapeguápe. Upeicha avei oime ramo ombuayepáva jecópe, ja omboéva upearâ, upeva oñembojéra tuvicha pe tetâ yvapeguape.

Lúcas 1:15

Tuvicha voí vaerâ Ñandeyára ypype ja ndouichene mbaeveichagua oñemongaúva ja jenyjê vaerâ Espiritu Santo gui isy rygue ypy guive yepe,

Lúcas 7:28

Che jae peême umi cuña ryguépe oñemoña vaecue apytépe, ndipori tuvichave co Juan gui. Upeicharamo yepe upe mîchîmietevéva co teco marangatú Tûpâ Ñandeyára rejeguáva tuvichavé ichugui.

Lúcas 9:48

ja jei ichupecuera: Oime ramo oguerojorŷva co mitâme Che rerape Cheve Che rerojory avei, ja oime ramo Che rerojorŷva Cheve, upeva oguerojory avei pe Che mboujarépe. Upe mîchîetevéva pende apytepeguava, upea nico pe tuvichaitevé vaerâ.

Juan 1:15

Pe Juan voí oicuaaucá ja osapucai jeivo, (upéva voí upe jei vaecue): Upe ou vaerâ vaecue che rire, upéva oñemoingóma che renonde. Upéva raêvé voí chejegui.

Juan 1:27

Upéva pe ou vaerâ che rire, pe ipy rejegua sâ yepe ndaiyai jaguâ cheve ayorá.

Juan 10:41

Ja jeta ou Jendápe jeivo: Ndoyapoi ramo yepe Juan mbaeveichagua mbaeguasu jechapyrâ, umi jei vaecue guive Juan co Carai gui yepe opambae añete rae.

Juan 3:30

Tecôtevê Jae oñembo tuvicha, ja che añemo mîchî.

Juan 5:35

Upéva catu pe tataendŷ jendŷ vaecue ja ojesapé vaecue, ja sapyaminte jiânte peême pebyá jaguâ upe ojesapéjápe.

Juan 7:39

(Cova jei pe Espiritu Santo gui oñemeê vaerâ umi oyerovia vaecuepe Jese: neira rae ou gueteri Espiritu Santo, noñembo tuvichai jaguereje gueteri Jesús yvagape).

1 Corintoyguakuérape 15:9

Che catu che resaívé umi Apostolcuera ambuecuegui, nda iyái voí cheve añejenôi jaguâ Apostol, che amoñá jaguereje umi pe Iglesia rejeguape.

1 Corintoyguakuérape 6:4

Upeicharamo, oime ramo oyuabŷva oñondive mbae co ybyarigua reje, ¿pemboguapypa mburuvicha ramo umi iya catuŷvape umi Iglesia rejegua apytepe?

Efesoyguakuérape 2:3

Umichagua apytepe opavave ñande avei yaico vaecue yma, ñambuayevo ñande rete mbae yerure, ja yayapovo ñande rete ja ñande pyapy rembipota, ja ñande ñandeyejegui voi iñyrômbyrâ-ŷ-rejegua umi ambuecueicha.

Efesoyguakuérape 3:8

Che che yá catu-ŷ-véva pe umi imarangatuva michivéva yepe gui, cheve catu Ñandeyára che mbopuaca ipyapôrâ gui amojerâcuâ jaguâ umi pytaguape co Evangelio, pe Cristo oñemombae guasújá rugua yajupitycuaa-ŷ-va gui,

2 Timotéope 1:10

ja coanga oyecuaauca pôrâma vaecue Cristo Jesus ñande repŷjára oyejechauca jague rupi. Jae voí omombáma vaecue pe ñemanojá, ja ogueru jesâcâjáme pe tecovéeté, ja pe tôsâeté co Evangelio rupi.

hebreoyguakuerape 11:40

Tûpâ Ñandeyára voi ombosacoi rae voi ichupecuera guârâ ja ñandeve guârâ ipôrâveva, icatu ŷ jaguâ ñandereje ŷ ojupity pe tenda imarangatúetévévape.

1 Pédro 1:10

Oime yma ñemoñeêjára ojeca jeca vaecue ja oporandu randu co ñande reco imarangatu jaguâ reje, ja ymaguive voi oñemonguetá vaecue co Ñandeyára pyapôrâ peême guârâ reje.