Lúcas 6:45 - Tûpâ Ñandeyára 1913

⁴⁵ Pe cuimbae imbaepôrâva umi mbae ipôrâva iñongatupŷré ipyapypegua gui ôguenojê mbae pôrâ. Ja pe cuimbae jeco vaíva umi mbae ivaíva iñongatupŷré ipyapypegua gui ôguenojê ivaíva. Upe ñande pyapŷ gui oñejê reiva gui vointe oñeê ñande yurú.

Ñandejára Ñe’ẽ

⁴⁵ Peteĩ ipy'a porãva, mba'e iporãvante he'i, ipy'apýpe voi imba'e porãgui. Ha upe heko añáva katu, ivaívante voi he'i, ipy'apýpe voi oĩgui ivaíva. Ha upe ipy'apýpe oguerekóvagui, upévaguinte oñe'ẽ.

Ñandeyara Ñe'ẽ

⁴⁵ Pe kuimba'e imba'e porãva, umi mba'e porã ipy'a peguágui oguenohẽ iporãva; pe tekove vai katu umi mba'e vai ipy'a peguágui oguenohẽ ivaíva. Pe ñande py'a omohenyhẽvagui oñe'ẽ ñande juru.

Ñandejara Ñe’ẽ ✟

⁴⁵ Peteĩ ipy'a porãva, mba'e iporãvante he'i, ipy'apýpe voi imba'e porãgui. Ha upe heko añáva katu, ivaívante voi he'i, ipy'apýpe voi oĩgui ivaíva. Ha upe ipy'apýpe oguerekóvagui, upévaguinte oñe'ẽ.

Ñanderuete Ñe’ẽ Porã 2015

⁴⁵ Pe tekove ipy’a porãva ningo oguenohẽ mba’eporã ipy’apy porãgui, ha pe tekove vai oguenohẽ mba’evai ipy’apy vaígui, ha umi mba’e omyenyhẽva ñande py’apy, umía katuete osẽ jevyva’erã ñande juru rupi, taha’e ñe’ẽ iporãva, taha’e ñe’ẽ ivaíva.

Lúcas 6:45 Referencias Cruzadas

Juan 7:38

Upe oyeroviava Che reje, oyee jaicha Santa Escritura pe ipyapy guive voí ŷ syrŷvaicha osê vaerâ co ŷ oicovéva.

Apostolkuéra 5:3

Upei catu jei Pedro: Nde Ananias, ¿mbaerejépa omuenyjê Satanas nde pya nde yapu jaguâ pe Espiritu Santope? ja reñomî jaguâ upe nde yby repycue gui?

Efesoyguakuérape 3:8

Che che yá catu-ŷ-véva pe umi imarangatuva michivéva yepe gui, cheve catu Ñandeyára che mbopuaca ipyapôrâ gui amojerâcuâ jaguâ umi pytaguape co Evangelio, pe Cristo oñemombae guasújá rugua yajupitycuaa-ŷ-va gui,

Efesoyguakuérape 4:29

Mbaeve ñeê tieŷ ani osê pende yuru gui, ta peñeênte pe ipôrâ vaerâ tecôtevêjápe, pembo jecopôrâ jaguâ, ja pembojory jaguâ umi jendujarépe.

Efesoyguakuérape 5:19

peñomonguetávo oñondive Tûpâme purajéi rupi, ja ñemboe purajéipe, ja ñeêngá ñane ânga rejeguápe, pepurajéivo ja pembopúvo Ñandeyárape pende pyapype,

Colosayguakuérape 3:16

Pe Cristo ñeêngue topyta pene râcâteŷ vaicha pende pyape; opa arandu rejeve peñomboe, ja peñomomarandu oyoupe pene ñemboe purajei rejeve, ja peropurajéi pembuetejápe, ja peropurajei mbae yvapeguape, ja pepurajei pende pyapôrâ rejeve Tûpâ Ñandeyára ndive.

Colosayguakuérape 4:6

Pene ñemongueta toico tapia pyapôrâme oñemojeê vaicha yukŷpe, icatu jaguâ peicuaa mbaeichapa pembojovái vaerâ, iyájaicha peteî teîme.

hebreoyguakuerape 8:10

Coanga cova Che añocuameêucá jaguâ Israel rejegua ndive umi ára rire, jei Ñandeyára: Che amoinguene Che ñeê jecorâ iñâcâme cuera ja ipyápe cuera ajaíne cuatia ñeême guaicha, ja Che Tûpâ Ñandeyárarâ ichupecuera, ja jaecuera Che rejegua cuerarâ Cheve,

Júdas 1:15

omojenda jaguâ opavavepe ja ojechacuaaucá jaguâ opa umi oñemboé-ŷ-vape opa jembiapo oñemboéva rejegua-ŷ oyapo vaecue jaecuera oñemboe-ŷ-me, ja opa umi ñeê tieŷ jaecuera angaipavóra oñemboe ŷ-va oñeê vaecue jese.