Lúcas 12:32 - Tûpâ Ñandeyára 1913

³² Ani pekyjŷyé peê, peê Che atyra mîchî! Ipya pôrâ pende Ru omeê jaguâ peême pe teco marangatu yvapegua.

Ñandejára Ñe’ẽ

³² “Ani pekyhyje, che ovecha kuéra. Peẽ pene mbovy, ha upéicharõ jepe, pende Ru ndive peẽ peisãmbyhýta.

Ñandeyara Ñe'ẽ

³² ‘Ani pekyhyje, peẽ che ovecha kuéra; pene mbovy ramo jepe, pende Ru yvága pegua ome'ẽségui ome'ẽ peẽme pe iréino.

Ñandejara Ñe’ẽ ✟

³² “Ani pekyhyje, che ovecha kuéra. Peẽ pene mbovy, ha upéicharõ jepe, pende Ru ndive peẽ peisãmbyhýta.

Ñanderuete Ñe’ẽ Porã 2015

³² Ani pekyhyjétei peẽ, Ñanderuete iglesiayguakuéra napenderetái ramojepe, pende Ruete voi ome’ẽta peẽme hetãguasu.

Lúcas 12:32 Referencias Cruzadas

Matéo 14:27

Upevove oñeê Jesús ichupecuera jeivo: Pende pyá guasúkena! Chente jae! Ani pekyjŷyé!

Matéo 20:16

Upeicha umi tenondegua oicone tapycue pegua ramo, ja umi tapycue pegua oicone tenondegua ramo. Jetá voí umi oñejenoî vaecue, ja mbobŷ nte umi oyeporavó vaerâ.

Matéo 25:34

Upei catu pe mburuvicha guasu jeine umi iyacatua coty oîvape: Peyúna peê, Che Ru rejegua marangatúva! Peyapyjŷ mbaeyárarâ co tetâ yvapegua oñembosacoí voí vaecue peêmeguârâ oyeyapó ypy guive co yby.

Matéo 7:15

Peyererecó catu umi ñemoñeêjaré iyapúvagui oúva pene rendape iñemondéjá ovechaicha ja ipyaitépe jeco aguará guasuicha imondáva rejeguáva.

Lúcas 10:21

Uperamo voi pe Espiritu Santo oñatôi Jesúspe oguerojorŷ tuvichávo, ja Jae jei: Tuvichaite abyá Nde pyri, Nde Che Ru pe yvaga ja co yby Yara, Nde reñomi jague reje coa mbae umi iñarandúva gui, ja umi mbaecuaáva gui, ja reicuaauca járeje umi mitâ cuerape. Upeicha voí iporâ vaerâ, Che Ru, jiâjá reje co Ndeve cóicha.

Juan 18:36

Ja Jesús jei: Che retâ voí ndajaei co ybyarigua. Che retâ co ybyarigua rire, mo Che rembiyocuai cuera oñorayrô rae anichene jaguâ añemeê umi Judio po guŷpe. Che retâ voí ndajaei coapegua.

Apostolkuéra 20:28

Upevareje peñeñangarecó pendeyeje, ja peñangareco opa umi iyatŷvareje pe Espiritu Santo penemoî jague peême iñangarecojárarâ, peico co Tûpâ Ñandeyára Iglesia rerecuárâ co oyogua vaecue Jae juguŷteé reje.

Apostolkuéra 20:29

Che aicuaa voí che aja rire oiké vaerâ jaguâ pende apytepe aguará guasu ipochŷva ipojyiva ojeya rei ŷ vaerâ pende reŷi cuerape,

Romayguakuérape 6:23

Pe angaipa repycue voí upéva ñemano ja pe Tûpâ Ñandeyára remimeêmbyre rei voí, upeva pe tecové iyapyraŷva Jesu Cristo Ñandeyára rupigua.

1 Corintoyguakuérape 1:21

Ja oicuaa-ŷ-rire yepe Tûpâ Ñandeyárape umi ybypóra aranducue rupi, oyejúucá jagueicha Tûpâ Ñandeyára voi iñarandúcue rupi, upepe oyuju pôrâ Tûpâ Ñandeyára omomarangatu jaguâ umi ogueroviavape co ñemoñeêmbyré itabyvaichaguá rupi.

Filipoyguakuérape 2:13

Tûpâ Ñandeyára voi pe pende pyape oñatôiva peyaposé jaguâ jembipota, ja oyapoucavo peême jecoitepe pe jembipota.

2 Tesalonicayguakuérape 1:11

Coicharâ voi ore tapia roñemboe avei pende reje royerurevo Tûpâ Ñandeyára omboiya jaguâ peême peico jaguâ jecope iporavópyré ojenoî jagueicha, ja ipuaca rupi ombuayepá jaguâ pene rembipota pende pya yerurejá mbae ipôrâva guive, ja ôguenojêucá pôrâ jaguâ pene rembiapo peyerovia jague.

2 Tesalonicayguakuérape 1:5

Cova voi ojechacuaáucá oreve Tûpâ Ñandeyára oyepŷjá jina jecope penembosacoiva voi iya jaguâ peême pejupity jaguâ pe Tûpâ Ñandeyára reco yvapeguape co pejasa asŷva voi rejejápe.

hebreoyguakuerape 12:28

Upévareje ñande yajupityma jague reje co yvapegua reco icatu ŷ va oyetybyro, ta yaico pya pôrâme, icatu jaguâ ñambuete Tûpâ Ñandeyárape jecope ñambojoryvo Ichupe ñesûjápe ja poŷjú rejeve.

Tiágo 2:5

Peyapysaca, che reŷicuera pojayjuva, na añeteipa oiporavó jague Tûpâ Ñandeyára umi oyererecovape mboriaju ramo co ybyari mbaererecojárarâ yeroviajápe, ja mbaeyárarâ pe tenda imarangatuva yvapegua rejeve Jae oicuameê vaecue umi jaŷjujárape.

2 Pédro 1:11

Upeicharamo oyejupitŷucáne catuetei peême peike jaguâ pe Ñandeyára ja Jesu Cristo Ñanemopôtíjára renda yvapegua tapia guarâme.

Apocalípsis 1:6

Jae ñane moingo vaecue mburuvicha guasu rejegua ramo ja pai râ ñambuete vaerâ Tûpâ Ñandeyára pe Túvape, toñembuete Ichupe ja toñembotuvicha tapia guârâ. Amen.

Apocalípsis 22:5

ja ndiporivéichene pyjare, ja noicôtevêichene tataendy rendy reje, terâ cuarajy resapé reje, pe Ñandeyára Tûpâ Ñandeyára voi ojesapéne ichupecuera, ja jaecuera oicone mburuvicha ramo tapia ja tapia guârâ.