Juan 7:28 - Tûpâ Ñandeyára 1913

²⁸ Upei catu Jesús omboejápe jina pe tûpâope sapyaite osapucai jeivo: Peê Che cuaa pôrâ Cheve ja peicuaa pôrâ avei mamoguápa Che. Nda Che yejeguiri ayu vaecue. Oime peteî Che mbou vaecue, Upéva pe Jaeteva iyeroviajá peê peicuaa ŷ va.

Ñandejára Ñe’ẽ

²⁸ Jesús oporombo'éva hína Tupaópe, ohendúvo ko'ã mba'e hatã oñe'ẽ ha he'i: --Añete piko peikuaa mávapa che ha moõguipa aju? Che ndajúi che jeheguínte. Aju, che mboúgui peteĩ ijeroviaháva ha peẽ peikuaa'ỹva.

Ñandeyara Ñe'ẽ

²⁸ Ohendúvo upéva, Jesús oporombo'e va'ekue hína tupaópe, hatã he'i: --¡Aipóramo che kuaa ha peikuaa mamóguipa aju! Opáichavo, che ndajúi va'ekue che jeheguínte, pe añetéva uvei che mbou, upe peẽ peikuaa'ỹva.

Ñandejara Ñe’ẽ ✟

²⁸ Jesús oporombo'éva hína Tupaópe, ohendúvo ko'ã mba'e hatã oñe'ẽ ha he'i: --Añete piko peikuaa mávapa che ha moõguipa aju? Che ndajúi che jeheguínte. Aju, che mboúgui peteĩ ijeroviaháva ha peẽ peikuaa'ỹva.

Ñanderuete Ñe’ẽ Porã 2015

²⁸ Upévove Hesu oñe’ẽ hatã Ñanderuete rogaguasúpe ha he’i: Peẽ chekuaa porã chéve, ha peikuaa porã avei mamoguápa Che, Che ndajúi chejehegui reínte, oĩ ningo pe chembouva’ekue, ha ichupe peẽ ndapeikuaái.

Juan 7:28 Referencias Cruzadas

Matéo 11:27

Opambae oñemeê vaecue Cheve Che Ru gui, ja avave ndoicuaai pe Taŷrape, pe Túva mante. Upeicha avei avave ndoicuaai pe Túvape, pe Taŷra mante, ja oime ramo pe Taŷra oicuaaucaséja Ichupe, upéva avei oicuaane.

Matéo 2:23

ja ôguajê pe tetâ jérava Nazaretpe, ja upepe opyta. Upeicha oico jecope pe oyee vaecue umi ñemoñeêjaré yuru rupi: Jéra yoa vaerâ Nazareno.

Matéo 26:55

Upemaramo Jesús jei umi iyatŷvape jicuai: Peteî imondavaichapepa pesê peyúvo pende kysé pucu ja ybyra rejeve Che yapyjŷ jaguâ? Opa árape aguapŷ aicovo pe tûpâope aporo mboévo, ja peê nda Che yapyjŷi vaecue.

Lúcas 10:22

Opambae oñemoî Che pope Che Ru gui. Avave ndoicuaai avápa co Taŷra, pe Túva mante, ja avave ndoicuaai avápa pe Túva, pe Taŷra mante, ja oime ramo pe Tayra oicuaáucáséja Ichupe, upéva oicuaa vaerâ.

Lúcas 2:11

Co angue nico oime imembyra ramôva co David retâme, ja pe Mitâ voí penemopôtíjarâ, pe Cristo Ñandeyára upéva.

Lúcas 2:39

Upei catu oyapopáma ramo jecópe opa mbae oyeyapouca jaicha pe Ñandeyára Santa Escritura rupi, oyeby Galileape pe jetâ Nazaretpe.

Lúcas 2:4

Upeicha ojo José Galileagui pe tetâ Nazarét gui Judea peve pe David retâ jérava Belén, jae voí David cuérava, ja David rejegua voí,

Lúcas 2:51

Upei catu osê jendive cuera ja ojo Nazaretpe, ja oyeyoco ipóguŷpe cuera. Oime isy voínte oñongatu ipyapŷpe imanduajápe opa iñeê Jae jei vaecue.

Juan 1:46

Ja Natanael jei ichupe: ¿Mbaeichapa icatune Nazaretgui oyeju mbae ipôrâva? Ja Felipe jei ichupe: Eyo, ejecha!

Juan 10:36

¿maerâpa peye peê co pe Túva ombuete vaecue ja ombou vaecue co ybyaripe: Nde reñeê vaí, Che jae jague reje: Che Tûpâ Ñandeyára Raŷjá?

Juan 12:49

Che voí nañeêi Che yejegui añonte: pe Túva Che mboujaré upéva catu Che yocuai vaecue jeiucávo ja oñeêucávo Che yuru rupi.

Juan 14:10

¿Nde reroviaipa Che aimejá pe Túva pype, ja oimejá pe Túva Che pype? Umi ñeê Che jaeva peême, nañeêi Che yejegui voínte, pe Túva oicova Che pype, Jae catu oyapo umi jembiapo voínte.

Juan 14:31

ounte icatu jaguâ umi ybypóra ojechacuaa Che ajayjujá pe Túvape, ja Che ayapojá jecope pe Túva oyapoucá jagueicha Cheve. Pepuânte, yaja coágui.

Juan 16:3

Âmbae voí oyapone jaecuera oicuaa ŷ járeje pe Túvape ja Che cuaa ŷ járeje Cheve avei.

Juan 17:25

Upeicha avei Che Ru marangatu na Nde rechacuaai ramo yepe Ndeve umi ybypóra rei, Che voi roicuaa Ndeve, ja coâva oicuaa Nde Che mbou jague Cheve.

Juan 17:3

Cóva voí pe Tecové iyapyraŷva Nde cuaa ramo Ndeve añó Tûpâ Ñandeyára jaetéva ramo ja oicuaa ramo Ne remimbou Jesúspe pe Cristo ramo.

Juan 3:2

Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára.

Juan 3:33

Oime ramo ogueroviava pe oicuaaucáva, upéva omoañeté Tûpâ Ñandeyára iyeroviájájá.

Juan 5:32

oime ambuecue oicuaaucáva Chejegui ja aicuaa añeteguajá jecopete pe Jae oicuaaucáva Chejegui.

Juan 5:43

Che ayu Che Ru rérape ja peê nda che rerojorŷi. Sapya ou ramo ambuecue oguéra tevépe, upévape peê perojoryne.

Juan 6:42

Ja jei: ¿Ndajaeipa cova pe Jesús, Jose ray, ore roicuaava ituva ja isype? ¿Mbaeichapa upeicha ramo jei coanga: Che agueyŷ vaecue yvagui?

Juan 7:14

Ja pe arete guasu pytévo Jesús oico pe tûpâope ja oporomboe.

Juan 8:14

Upei catu Jesús oñeê ja jei ichupecuera: Amojerâcuâ ramo yepe Cheyejegui vointe, jecoitepe pe Che amojerâcuâva ja iyeroviajá, aicuaa járeje mamoguípa ayu raé ja mamopépa ajata. Peê voí nda peicuaai mamoguípa ayu rae terâ mamopépa aja.

Juan 8:16

Ja sapya che añemoâ ramo, jecoitépente Che añemoâva. Che na Che añoi. Pe Túva voí pe Che mbou vaecue oime Chendive.

Juan 8:19

Upei catu jaecuera jei Ichupe: ¿Mamopa oime Nde Ru? Ja Jesús rei: Peê nda che cuaai Cheve ja nda peicuaai Che Rupe. Peê che cuaa rire mo peicuaa rae Che Rúpe avei.

Juan 8:26

Jeta mbae oime areco añeê vaerâ pendejegui, ja añemoâ vaerâ pendereje. Upe Chembou vaecue Cheve jecoitepegua ja umi mbae ajendu vaecue Ichugui umiva catu umi Che añeêva ybypóra cuerape.

Juan 8:42

Ja Jesús jei ichupecuera: Tûpâ Ñandeyára pende rú ramo, peê mo che rayjú, asê jague reje Tûpâ Ñandeyára gui aico jaguâ ape: nda Che yejeguiri ayu vaecue, Jaente Che mbou vaecue.

Juan 9:29

Ore nico Moises remimboe. Ore roicuaa Tûpâ Ñandeyára oñeê jague Moisespe. Ndo roicuaai mamoguápa upéva.

Apostolkuéra 17:23

Coanga voi aguata aicovo ja amaê pene raânga roga cuera reje ayuju avei peteî taângá renda coa ñeê rejeve: Pe Tûpâ oyecuaaŷvape. Upe peêcuera pembuetéva peicuaaŷme, upévape che aicuaauca peême.

Romayguakuérape 1:28

Ja na jiâi ramo ichupecuera imanduá jaguâ Tûpâ Ñandeyára reje, Tûpâ Ñandeyára voí opoí ichuguicuera iñâcângusu jaguâ ja oñembo pochŷ jaguâ ja oyapo jaguâ pe iporaŷva.

Romayguakuérape 3:4

Mbaeveicha ramo! Iporave toico Tûpâ Ñandeyára yeroviajá ramo oico ramo yepe opavave cuimbae iyapuva ramo, oyeejaicha Santa Escriturape Toyejechakena Nde remojendajá jecópe Nde reñeê ramo ja ta Nde puaca oime ramo oyuabyva Nendive.

2 Corintoyguakuérape 1:18

Pe Tûpâ Ñandeyára ore yeroviajá oicuaa voi ore ñeê roéjá peême ndajaeijá amóme Neí amóme Tové.

2 Corintoyguakuérape 4:6

Pe Tûpâ Ñandeyára voi jei ypy vaecue: Co iñypytû jágui tojesapé jendŷ jaguâ. Upéa voínte jendŷ vaecue ñandepyápe ñande resapé jaguâ, yajechacuaa jaguâ Cristo rová reje Tûpâ Ñandeyáraeté voí tuvichaitévéjá.

Títope 1:2

Ajaârô voi aicovo ajupity jaguâ pe tecové iyapyraŷ-va pe Tûpâ Ñandeyára icatu-ŷ-va jei reí oicuameê vaecue voí oñypyrú mboyve pe iñypyrúmbŷ,

hebreoyguakuerape 6:18

icatu jaguâ co mocoî mbae icatuŷva oyererová reje icatu ŷ jápe avei Tûpâ Ñandeyára ñane mbotaby jaguâ, icatu jaguâ yareco ñanembo pyaguapy tuvichaite vaerâ ñande ñañeguajê vaecue yayapocoi jaguâ umi mbae oñemoî vaecue ñane renondepe ñajaârô jaguâ.

1 Juan 5:10

Upe oyeroviáva Tûpâ Ñandeyára Raŷ reje, upéva oguerecoma voi ipyápe Ñandeyára rembicuaaucapŷ. Oime ramo ou oguerovia-ŷ-va Tûpâ Ñandeyárape upéva oyapo Ichupe iyapúva ramo, ndo gueroviai jague reje pe Tûpâ Ñandeyára rembicuaáucápŷ Jae omojerâcuâuca vaecue Taŷra gui guare.