Juan 6:51 - Tûpâ Ñandeyára 1913

⁵¹ Che catu pe Mbuyape oicoveva ogueyŷ vaecue yvagui. Oime ramo jouva co Mbuyape oicovéne tapia guârâ. Pe Mbuyape ameê vaerâ, upéva catu Che roo vointe ameê vaerâ umi ybypóra cuera moingové jarâ.

Ñandejára Ñe’ẽ

⁵¹ Che hína pe mbuja oporomoingovéva, oguejýva yvágagui. Upéva pe mbuja ho'úva oikovéta opa ára guarã. Pe mbuja che ame'ẽtava peẽme niko che rete voi hína, che ame'ẽva opavave rehehápe, oikove haguã.

Ñandeyara Ñe'ẽ

⁵¹ Chete voi ha'e pe pan oikovéva oguejy va'ekue yvágagui; upe pan ho'úva oikovéta tapia guarã. Ko pan che ame'ẽva niko chete voi; che ame'ẽta che rete yvypóra kuéra rekove rehe.

Ñandejara Ñe’ẽ ✟

⁵¹ Che hína pe mbuja oporomoingovéva, oguejýva yvágagui. Upéva pe mbuja ho'úva oikovéta opa ára guarã. Pe mbuja che ame'ẽtava peẽme niko che rete voi hína, che ame'ẽva opavave rehehápe, oikove haguã.

Ñanderuete Ñe’ẽ Porã 2015

⁵¹ Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Juan 6:51 Referencias Cruzadas

Matéo 20:28

Upeicha jaguânte voí ou co Caraí Raŷ, ani jaguâ oyocuai umi ambuecue cuerape oguembiguai ramo, oyeyocuaiucánte jagua umia rembiguai ramo Jae, ja omeê jagua oguecové jetáva repŷrâ.

Lúcas 22:19

Upei catu oipyjy avei pe mbuyape ja ojovasama ramo ichupe oipejaâ ja jei ichupecuera: Cova Che rete oñemeê vaerá pende rejejape. Peyapo coicha peñe momandua jaguâ Chereje.

Juan 1:14

Ja upe Ñeê oñembo jeté vaecue ja oyepocuaa ñanepaûme: (ñande voí yajecha rae oñembuete jague, pe Túva ombueteucá vaicha Tayra jaeñomívape). Jae ipya pôrâ itereiva ja imarangatuva jecoitepegua.

Juan 1:29

Uperire pe ára ambuepe oime Juan ojecha Jesúspe ou ramo Jendápe ja jei: Pemaêke! Upéva Tûpâ Ñandeyára Ovecha Ray umi ybypóra angaipa mboíjarâ!

Juan 11:26

Ja opa umi oicovéva jina uperamo ja oyeroviáva Che reje, máramo nomanoichene. ¿Reroviapa nde cova?

Juan 3:13

Ndipóri avave oyupi vaecue yvagape, oimente upe ogueyŷ vaecue yvaga gui, pe Caraí Raŷ yvaga peguava voínte.

Juan 3:14

Pe Moises omosaingo jagueicha pe mbói raângá pe ñûme, upeicha avei tecôtevê pe Caraí Raŷ oyejupi,

Juan 3:16

Oime Tûpâ Ñandeyára voí ojayjú tuvichaite gui umi ybypóra cuerape omeê Tayra peteî jaeñomívape, icatu jaguâ opa oyeroviáva guive Jesé anichene ocañŷ, ojupitŷnte jaguâ pe Tecove iyapyraŷva.

Juan 3:36

Oimeraêva oyeroviáva pe Tayra reje ojupityma pe Tecové iyapyraŷva. Oimeraêya omomârâva pe Tayrape ndojechaichene pe Tecové iyapyraŷva, oime Tûpâ Ñandeyára oñemyrô ichupe tapiâguârâ.

Juan 5:24

Tae pôrâite peême añetéjá pe ojendúva Che ñeê ja ogueroviáva pe Che mboujarépe, upeva ojupitŷmaja pe Tecové iyapyraŷva ja ndouvei vaerâjá pe oñemojenda jaguâme, ojasámaja voí pe omanojagui pe Tecove jaetéva peve.

Juan 6:33

Pe Tûpâ Ñandeyára mbuyape, upéva catu upe ogueyŷ vaecue yvaga gui umi ybypóra omoingovéjarâ.

Juan 6:35

Ja Jesús jei ichupecuera: Che catu pe Mbuyape pe Moingovéjarâ. Upe ouva Che rendape máramo no ñembyajyi chene, ja pe oyeroviáva Che reje, máramo nda iyŷujei chene.

Juan 6:41

Upévareje umi Judio oñeêngururú Jese Jae jei jague reje: Che jae pe Mbuyape ogueyŷ vaecue yvagui.

Juan 6:47

Añete Che jae peême catuetei upe Che rerovia vaecue guive oguerecoma voi pe Tecove iyapyraŷva.

Juan 6:48

Che catu pe mbuyape pe omoingovéjarâ.

Juan 6:50

Coina ape pe Mbuyape ogueyŷ vaecue yvagui jou vaerâ umi cuimbae cuera, anichene jaguâ omano.

Juan 7:38

Upe oyeroviava Che reje, oyee jaicha Santa Escritura pe ipyapy guive voí ŷ syrŷvaicha osê vaerâ co ŷ oicovéva.

2 Corintoyguakuérape 5:19

Aiporamo Tûpâ Ñandeyára oi jagueicha Cristo pype omoñyrôvo umi ybypóra cuera iyupe voi imanduave ŷ jaguâ iñangaipa reje, upeicha avei, Jae omeê ore pype iñeê roporo moñyrôjárâ.

2 Corintoyguakuérape 5:21

Upe iñangaipacuaa-ŷ-vaecuepe Jae oyapo Ichupe angaipavóra ramo ñande rejejápe icatu jaguâ ñande Jesecuera gua ramo yayejecha imarangatuvaicha Tûpâ Ñandeyára ypype.

Efesoyguakuérape 5:2

ja peico taŷjúpápe Cristo pende rayju jagueicha, ja oñemeê jagueicha Iyupe voi ñande rejejápe peteî oñecuameêmbyre oyejapŷ vaicha jyâcuâ pôrâiteva Tûpâ Ñandeyárape.

Efesoyguakuérape 5:25

Peê cuimbae pemendáva pejaŷju pene rembirecope Cristo ojayju jagueicha pe Iglesia Jesecueraguavape, ja oñemeê jagueicha Iyupe voi Jesecuera rejejápe,

Títope 2:14

Upe oñemeê vaecue oyupe voi ñanderejejápe ñande repŷ jaguâ opa mbae pochy gui, ja omopôtí jaguâ Jesegua vaerâ imbaetee râ jacateŷ vaerâ tembiapo porâ reje.

hebreoyguakuerape 10:20

pe tapé oicoveva ipyajúva rupi omongarai vaecue Jae ñandeve pe jete osoro jague rupi, osoro jagueicha pe tûpâo ao yepysójá,

1 Pédro 2:4

Peñemboya Jendápe, pe itá oicovéva upéva, oñemombopyré cuimbae rupi jenda-ŷ-vaicha, Tûpâ Ñandeyára rupi voi oyeporavópyre vaecue ja imombeu guasu catu pyrâ.

1 Juan 2:2

Jae voi pe omoñyrôjára ñane angaipa reje, ja na ñane angaipa reje añoi, opavave ybypóra angaipa reje avei.

1 Juan 4:10

Cova pe poraŷju jaetéva ñande yajaŷjú-ŷ-ramo yepe Tûpâ Ñandeyárape, upeicharamo yepe, Jae ñande rayju ñandeve ja ombou Tayrape omoñyrôjarârâ ñane angaipa reje.

1 Juan 4:14

ja ore rojecha vaecue ja roicuaauca roina pe Túva ombou jague Taŷrape umi ybypóra cuera mopôtíjarârâ.