Juan 2:11 - Tûpâ Ñandeyára 1913

¹¹ Cova iyŷpy vaecue oyapo Jesús mbae jechapyrâ pe Cana Galileapeguape, ja upeicha ojechauca ipuacacue imboetepyrâ ja jemimboe cuera oyeroviá Jesé.

Ñandejára Ñe’ẽ

¹¹ Kóva ko mba'e Jesús ojapo vaekue Canáme, yvy Galiléape, mba'e hechapyrãva tenondetegua ha'e ojapo vaekue. Upéicha ha'e ohechauka ipokatu ha hemimbo'e kuéra ojerovia hese.

Ñandeyara Ñe'ẽ

¹¹ Ko milagro ypykue rupi, Jesús ojapo va'ekue Caná Galilea peguápe, ohechauka iglória, ha hemimbo'e kuéra ojerovia hese.

Ñandejara Ñe’ẽ ✟

¹¹ Kóva ko mba'e Jesús ojapo vaekue Canáme, yvy Galiléape, mba'e hechapyrãva tenondetegua ha'e ojapo vaekue. Upéicha ha'e ohechauka ipokatu ha hemimbo'e kuéra ojerovia hese.

Ñanderuete Ñe’ẽ Porã 2015

¹¹ Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.

Juan 2:11 Referencias Cruzadas

Juan 1:14

Ja upe Ñeê oñembo jeté vaecue ja oyepocuaa ñanepaûme: (ñande voí yajecha rae oñembuete jague, pe Túva ombueteucá vaicha Tayra jaeñomívape). Jae ipya pôrâ itereiva ja imarangatuva jecoitepegua.

Juan 1:17

Umi Tûpâ Ñandeyára rembiapoucapy oñemeê ypy vaecue Moises rupi: upe pyapôrâ ja pe ñeê jecopegua ou co Jesú Cristo rupi.

Juan 1:43

Ja upe ambue árape jiâ Ichupe osê upegui ojo jaguâ Galileape ja ojuvâiti Felipepe, ja jei ichupe Jesús: Eyu Che rapycueri.

Juan 1:50

Ja Jesús jei ichupe: Che jae jague reje ndeve Rorecha jague ndeve pe higo râcâ guype, ¿upévarejépa rerovia nde? Mbae tuvichavéva cova gui rejechane.

Juan 10:41

Ja jeta ou Jendápe jeivo: Ndoyapoi ramo yepe Juan mbaeveichagua mbaeguasu jechapyrâ, umi jei vaecue guive Juan co Carai gui yepe opambae añete rae.

Juan 11:15

ja Che voí Che rory pende reje naimei jague reje upepe peê perovía jaguâ jecope. Anga yaja mandi Jendápe.

Juan 11:47

Upévareje umi pai ruvicha ja umi fariseo oñembyaty pe oñomonguetajápe ja jei: ¿Mbae pico yayapo ñaina ñande? Co carai voí jetaite mbaeguasu oyapo.

Juan 12:18

Upévareje voi ojuvâiti ouvo Ichupe umi ambue cuecuera ojendu jague reje Jae oyapo jague pe mbaeguasu.

Juan 12:37

Ja jeta ramo yepe umi mbaeguasu Jae oyapo vaecue jesápe cuera, upeicharamo yepe ndo yeroviai Jese.

Juan 12:41

Upeicha oñeê Isaias ojechama voi jague reje Ichupe oñembo tuvicha jaguâme, ja Ichugui voi oñeê.

Juan 14:13

ja oimerâeva mbae peyerure jaichagua Che rerape, upea catu ayapone oñembotuvichaucá jaguâ pe Túva pe Tayra rupi.

Juan 16:27

Pe Túva voínte pende rayjú peême, peê Che rayju járeje Cheve ja peroviajá reje Che asê jague pe Túva renda gui.

Juan 16:30

Anga rojechacuaama Nde reicuaapájá opambae, ja Nde ne reicôtevêijá avave oporandu jaguâ Ndeve. Upeicha rupi ore rogueroviá Nde resê jague Tûpâ Ñandeyára gui.

Juan 2:1

Upe jague pe mbojapy ára jápe oico caruguasu oñemendajápe pe Cana Galileapeguape, ja oico upepe Jesús sŷ,

Juan 2:23

Ja oico pype Jerusalempe, pe pascuajápe pe arete guasu árape, jeta oyerovia Jerareje ojecha pype umi mbae jechapyrâ oyapo vaecue.

Juan 3:2

Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára.

Juan 4:3

Upévareje Jae oyeí Judea gui, ja ojo yeby Galilea cotŷvo.

Juan 4:46

Upeicha ou yeby pe Cana Galileapeguape, pe Jae oyapo jague vino pe ŷ gui. Ja oime peteî mburuvicha jasy jina itayra Capernaumme.

Juan 4:54

Upéva pe mocoîjá mbae jechapyrâ oyapo vaecue Jesús ou ramo guare Judea gui Galileape.

Juan 5:23

icatú jaguâ opava ombotuvicha pe Tayrape, upe Tuvape ombotuvicha jaicha. Upe ombotuvicha ŷ va pe Tayrape nombotuvichai pe Túva imboujarépe avei.

Juan 6:14

Upegui umi cuimbae ojecha ramo pe mbae jechapyrâ oyapo vaecue jei: Añetejápe cóva pe oñemoñeêvarejegua jaetéva ou vaerâ vaecue co ybyari.

Juan 6:2

ja jeta oñembyatŷ ja iyatŷ ojovo japycueri ojecha jaguereje umi mbae jechapyrâ oyapo vaecue umi jasŷva cuerape.

Juan 6:26

Ja Jesús oñeê ichupecuera ja jei: Che jae peême añetéjá ndajaei pejecha jaguereje mbae jechapyrâ peê Che recá peicovo, pe mbuyape peu vaecue reje mante, ja pene ryvâtâ jaguereje pype.

Juan 6:30

Upei catu jei Ichupe: ¿Mbae mbae jechapyrâpa reyapo nde rojechacuaa jaguâ ja royeroviá jaguâ Ndereje? ¿Mbaépa rembaapó Nde?

Juan 7:31

Umi tapicha mboriaju cuérava gui oime jeta ogueroviáva Ichupe ja jei: Upe Cristo ou ramo, ¿oyapópane jetavé mbaeguasu oyapova gui cova?

Juan 9:16

Upei catu jei peteîva umi fariseo cuérava: Upéva ndajaei carai Tûpâ Ñandeyára remimbouva: nombuaretei sabado ára? Oime ambuecue jeiva: ¿Mbaeichapa icatune cuimbae iñangaipáva oyapo coaichagua mbae jechapyrâ? Ja upeicha oyuaby oyuejegui cuera.

2 Corintoyguakuérape 3:18

Upévareje opavave ore rová oyeyajói-ŷ-reje overá opytávo Ñandeyára tuvicha ojesape jague, ja iyoguajárarâ roñemoambué pe ore resapéva gui ore resapé sapévévape pe Ñandeyára Espiritu rupi ramo guaicha.

2 Corintoyguakuérape 4:17

Sapyaminte ja ivevui voi co coangagua rojasa asyjá ja upéa voínte ombyatŷucá oreve mbae pôrâite pojyieté ja tuvicha eterei tapiaguârâ yvape.

2 Corintoyguakuérape 4:6

Pe Tûpâ Ñandeyára voi jei ypy vaecue: Co iñypytû jágui tojesapé jendŷ jaguâ. Upéa voínte jendŷ vaecue ñandepyápe ñande resapé jaguâ, yajechacuaa jaguâ Cristo rová reje Tûpâ Ñandeyáraeté voí tuvichaitévéjá.

1 Juan 5:13

Coambae che jaéucá peême co cuatia ñeê rupi peicuaa jaguâ perecomajá pe tecové iyapyra-ŷ-va peêcuera peyeroviáva Tûpâ Ñandeyára Ray réra reje.