Juan 17:24 - Tûpâ Ñandeyára 1913

²⁴ Nde Che Ru, aipota umi remeê vaecue Cheve oi jaguâ Chendive Che ai jaguâme, Che recha jaguâ Cheve añembo tuvichájápe Nde Che moî jague voí, Nde Che rayju jaguereje oyeyapo mboyve co yby.

Ñandejára Ñe’ẽ

²⁴ Che Ru, chéve niko reme'ẽ vaekue, ha aipota ha'e kuéra oĩ che ndive upe aimetahápe. Upépe ohecháta hikuái che reko mimbipa, reme'ẽ vaekue chéve opa mba'e rejapo mboyve, nde che rayhúgui.

Ñandeyara Ñe'ẽ

²⁴ ‘Che Ru, nde reme'ẽ va'ekue chéve, ha aipota oĩ ha'e kuéra chendive upe che aimetahápe, ohecha haguã nde che momba'eguasu hague ko mundo oiko mboyve guive.

Ñandejara Ñe’ẽ ✟

²⁴ Che Ru, chéve niko reme'ẽ vaekue, ha aipota ha'e kuéra oĩ che ndive upe aimetahápe. Upépe ohecháta hikuái che reko mimbipa, reme'ẽ vaekue chéve opa mba'e rejapo mboyve, nde che rayhúgui.

Ñanderuete Ñe’ẽ Porã 2015

²⁴ Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 17:24 Referencias Cruzadas

Matéo 25:21

Ja jei ichupe guaú icaraí: Ipôrâite che rembiguai, ne mbaepôrâ ja yeroviajá. Nde catu che yeroviajá vaecue umi mîchîmi rejeve, upeareje romoingone ndeve jeta mbae rerecuá ramo. Eikénte rebyá jaguâ nde caraí ndive.

Matéo 25:23

Ja jei ichupe guaú icaraí: Ipôrâite che rembiguai ne mbaepôrâ ja yeroviajá. Mîchî rejente cheyerovia já vaecue, upeareje che romoingóne ndeve jeta mbae rerecua ramo. Eikénte rebyá jaguâ nde caraí ndive.

Matéo 25:34

Upei catu pe mburuvicha guasu jeine umi iyacatua coty oîvape: Peyúna peê, Che Ru rejegua marangatúva! Peyapyjŷ mbaeyárarâ co tetâ yvapegua oñembosacoí voí vaecue peêmeguârâ oyeyapó ypy guive co yby.

Matéo 26:29

Che jae peême coanga guive ndaŷuvéi jaguâ Che co parral rycuéré gui upe yau jaguâ ipyajúva ára peve pene ndive Che Ru yvapegua rendape.

Lúcas 12:37

Ipoaité vaerâ umi tembiguai, icaraí ou ramo ja oyuju ramo ichupecuera omañajápe jina. Añete Che jae peême jae jaeté oyecúacuáne ja omboguapŷne ichupecuera icarujápe ja jae ae ôguajêne Jendápe ja oyeyocuáiucá ichupecuera.

Lúcas 23:43

Ja Jae jei ichupe: Añeteté, Che jae ndeve, angaite voí reimene Chendive Paraísope ne angapyjŷ jaguâme.

Juan 1:14

Ja upe Ñeê oñembo jeté vaecue ja oyepocuaa ñanepaûme: (ñande voí yajecha rae oñembuete jague, pe Túva ombueteucá vaicha Tayra jaeñomívape). Jae ipya pôrâ itereiva ja imarangatuva jecoitepegua.

Juan 12:26

Oime ramo oyeyocuaiucáva Cheve tou Che rapycueri ja pe aime jaguâme Che, upepe avei oi vaerâ Che rembiyocuai. Oime ramo oyeyocuáiucáva Cheve, upévape Che Ru ombotuvicha vaerâ.

Juan 14:3

ja aja ramo amyatyrô jaguâ pene rendâguâ, ayu yebyne poguerojory jaguâ peême Che rendape, peime jaguâ peê avei Che aime jápe voí.

Juan 15:9

Che rayju jaicha tapia pe Tuva, Che avei pojayju peême. Pepyta jâtâ, upeicharamo, Che rembiaŷjúpe.

Juan 17:2

Remeê vaecue Ichupe oguereco jaguâ ipo guype opa ybypórape icatu jaguâ Jae omeê pe tecové iyapyraŷva opa umi remeê vaecuépe guive Ichupe.

Juan 17:22

ja Nde Che mbotuvicha jagueicha, upeicha avei Che ambotuvicha ichupecuera icatu jaguâ jaecuera oico peteî ramo co Ñande peteînte jaicha.

Juan 17:5

Anga catu, Che Ru, Che mbotuvicha Cheve Nde ypype upe yma Che tuvicha jagueicha Nde ypype co yby oime mboyve.

Juan 6:37

Opa umi omeê vaecue Cheve Che Ru, ou vaerâ Cheve, ja upe ouvape Che rendape mbaevéicharamo na mombói chene Chejegui.

Juan 6:39

Covante Che mbou jaré rembipota, anichene jaguâ apoí na peteîmi gui yepei umi omeê vaecue guive Cheve, amoingovepá yeby jaguânte ichupecuera pe ára ipajávape.

Juan 8:58

Ja Jesús jei ichupecuera: Añeté añeté che jae peême. Abraam oico mboyve Che aicóma voi.

1 Corintoyguakuérape 13:12

Coanga ñande yajecha pe ñane raângá yajechajápeicha umi ñeê iñypytûvaicha, uperamo yayojechane oyojobárupi. Coanga che aicuaa nungáminte, uperamo che ajechacuaane che rechacuaa jaicha cheve.

2 Corintoyguakuérape 3:18

Upévareje opavave ore rová oyeyajói-ŷ-reje overá opytávo Ñandeyára tuvicha ojesape jague, ja iyoguajárarâ roñemoambué pe ore resapéva gui ore resapé sapévévape pe Ñandeyára Espiritu rupi ramo guaicha.

2 Corintoyguakuérape 4:6

Pe Tûpâ Ñandeyára voi jei ypy vaecue: Co iñypytû jágui tojesapé jendŷ jaguâ. Upéa voínte jendŷ vaecue ñandepyápe ñande resapé jaguâ, yajechacuaa jaguâ Cristo rová reje Tûpâ Ñandeyáraeté voí tuvichaitévéjá.

2 Corintoyguakuérape 5:8

Upevareje yayerovia ñande pyaguasu, ja jiâite ñandeve ipôrâve yayerová ñande retégui yaja jaguâ ñane rendâgua Ñandeyára ypype.

Filipoyguakuérape 1:23

Co mbae mocoîve gui che reco ñapitŷ: che pya yerurete ayepoí jaguâ aja jaguâ aime jaguâ Cristo ndive, upéva ipôrâitevé:

1 Tesalonicayguakuérape 4:17

uperire ñande yaicovéva ja yapytava gueteri ñañe rerôguajêne jendivecuera voí arai guype Ñandeyára ruvaitîjapeve yvate. Ja upeicha ñaimene Ñandeyára ndive tapia guârâ.

1 Pédro 1:21

peê Jaerupi Tûpâ Ñandeyára yeroviajáva upe omopuâjaré Ichupe umi omano vaecue apytegui, ja ombotuvicha vaecue Ichupe, ja upeicharamo peê peyerovia Tûpâ Ñandeyára reje ja pemaña Jese peina.

1 Juan 3:2

Che raŷjupára cuera, co coanga ñande Tûpâ Ñandeyára raŷcuera, ja neira gueteri oyecuaauca mbae vaerâpa ñande, ñande yaicuaánte Cristo oyejecha yeby yave ñande iyoguajá jaguâ, ñande yajecha vaerâjáreje mbaeichaguaetepa Jae jeco.

Apocalípsis 21:22

Ja ndajechai tûpâo ipype: pe Ñandeyára Tûpâ Ñandeyára pe ipuacaitéva opambae rejeve, ja pe Ovecha Ray, umiva voi itûpâo.

Apocalípsis 3:21

Upe ogueropuacavape ameêne oguapy jaguâ Chendive añembo tuvicha jápe che aropuaca jagueicha avei ja aguapy jagueicha Che Ru ndive oñembotuvichajápe Jae.