Juan 17:21 - Tûpâ Ñandeyára 1913

²¹ icatu jaguâ opavave peteînte ramo, reime jaicha Nde, Che Ru, Che pype, ja aime jaicha Che Nde pype, oime jaguâ jaecuera avei Ñandepype, oguerovia jaguâ umi ybypóra Nde Che mbou jague,

Ñandejára Ñe’ẽ

²¹ Ajerure ndéve ojoajupa haguã hikuái. Ha ku nde, che Ru, peteĩnteháicha che ndive ha che ne ndive, péicha avei ha'e kuéra peteĩnte haguã ñane ndive. Péicharõ, opa yvypóra ogueroviáta nde che mbou hague.

Ñandeyara Ñe'ẽ

²¹ Ajerure ndéve hese kuéra ta ipy'a peteĩ oñondive kuéra; ta peteĩ mba'e añónte ñanendive, che Ru, nde reime háicha che pype ha che aime háicha nde pype. Toĩ peteĩ py'ápe oñondive yvypóra kuéra oguerovia haguã nde che mbou hague.

Ñandejara Ñe’ẽ ✟

²¹ Ajerure ndéve ojoajupa haguã hikuái. Ha ku nde, che Ru, peteĩnteháicha che ndive ha che ne ndive, péicha avei ha'e kuéra peteĩnte haguã ñane ndive. Péicharõ, opa yvypóra ogueroviáta nde che mbou hague.

Ñanderuete Ñe’ẽ Porã 2015

²¹ Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 17:21 Referencias Cruzadas

Márcos 3:24

Ja oyuabŷ ramo guaú peteî tetaŷgua oyuejegui, ndicatui opytá jâtâ pe tetâ.

Juan 10:16

Oime areco avei ovecha ambue ndajaeiva coâva rejegua. Umiva catu tecôtevê aru ja ojendu vaerâ Che ñeê. Ja upeicha oicone peteî atyra ramo nte, ja peteînte pe jerecuárâ.

Juan 10:30

Che ja Che Ru peteîchante voí.

Juan 10:38

Ayapo ramo jecope añeté, nda che reroviai ramo yepe Cheve, peroviante co Che rembiapocue gui, peicuaa jaguâ ja pejechacuaa jaguâ pe Túva oijá Che pype ja Che aijá Ipype.

Juan 11:42

Aicuaa voí Nde Che rendujá tapia Cheve. Anga umi Che reje oyeréva rejejape Che añeê coicha, icatu jaguâ jaecuera oguerovia Nde Che mbou jague.

Juan 13:32

Upeicha avei Tûpâ Ñandeyára ombuetene Ichupe oyejegui voi, ja voíeté catu avei ombuetene Ichupe.

Juan 13:35

Upepe opava ojechacuaane peê Che remimboejá, peyojayju ramo oyoapytepe.

Juan 17:11

Anga rire Che naimeveima co yby ári. Jaecuerante oime vaerâ co yby ári, ja Che ayu aina Ne rendape. Che Ru marangatu, eñongatu ichupecuera co Nde réra co Cheve remoî vaecuepe, oico jaguâ peteînte ramo Ñandeichante avei.

Juan 17:18

Nde Che mbou jagueicha Cheve co ybyari, upeicha avei Che amondo ichupecuera umi ybypóra cuera apytepe,

Juan 17:20

Ja na umiva cuera rejei añónte Che ayerure, oime ayerure umi oyerovia vaerâ reje avei Che reje iñeê cuera rupi,

Juan 17:25

Upeicha avei Che Ru marangatu na Nde rechacuaai ramo yepe Ndeve umi ybypóra rei, Che voi roicuaa Ndeve, ja coâva oicuaa Nde Che mbou jague Cheve.

Juan 17:3

Cóva voí pe Tecové iyapyraŷva Nde cuaa ramo Ndeve añó Tûpâ Ñandeyára jaetéva ramo ja oicuaa ramo Ne remimbou Jesúspe pe Cristo ramo.

Juan 17:8

Umi ñeê reje voí Nde Che mboe jague Cheve, Che amboe ichupecuera avei, ja jaecuera oguerojory umi mbae ja oicuaa voí añetejá Che asê jague Nde ypygui, ja oguerovia voí Nde Che mbou jague Cheve.

Juan 3:17

Tûpâ Ñandeyára nomboui Taŷrape co ybyari omoî vaí jaguâ umi ybypórape, oñemoî pôrâ jaguâ mârâŷreje umi ybypóra cuera Jaerupi.

Juan 5:23

icatú jaguâ opava ombotuvicha pe Tayrape, upe Tuvape ombotuvicha jaicha. Upe ombotuvicha ŷ va pe Tayrape nombotuvichai pe Túva imboujarépe avei.

Apostolkuéra 2:46

Ja oico tapia opa árape ipya pôrâ oñondive tûpâope ja oipejaâ jicuai mbuyapé caraí joga cuera rupi, ja ocaru oñondive torypápe ja ipya pôrâ oyoupecuera.

Apostolkuéra 4:32

Ja opa umi oguerovia vaecue oño pyápôrânte ja jianga peteîchante ja avavé ndeiri imbaéteéjá pe oguerecova.

Romayguakuérape 12:5

Upeicha avei ñande ñande retá ramo yepe yaico ñandeve peteî teténte ramo, Cristo rejegua ramo ñande opavave oyuejerejeguante yepe.

1 Corintoyguakuérape 1:10

Ayerure peême, upeicharamo, che reŷicuera, Ñandeyára Jesu Cristo rérape ta peñeê opavave peteíchante ja ani oico penepaûme yuaby, ta peiconte jecoitepe oñondive peteí pyape ja peteî ñeême.

1 Corintoyguakuérape 12:12

Co ñande rete peteînteva, ja jeta ipejenguéva ja opa ñande reté rejegua jeta ramo yepe ipejengue, peteî teténte, ja upeicha avei Cristo.

1 Corintoyguakuérape 6:17

Pe oyejeáva Ñandeyára reje, upéva oico peteî angante ramo Jendive.

Galaciayguakuérape 3:28

ndiporijá Judiova, ja ndiporijá Griegova, ja ndiporijá tembiguaiva, ja ndiporijá tembiguaiŷva, ja ndiporijá cuimbaeva, ja ndiporijá cuñáva, opavave peteîchante Cristo Jesús rejegua cuerama guive.

Filipoyguakuérape 1:27

Tapeico pôrânte jecópe iya jaicha umi Cristo Evangelio rejeguape, icatu jaguâ che aja ramo pojecha jaguâ terâ che poreŷ ramo ajendu pendejegui pepyta jâtâjá peteî pyapente ja peteî ñeêmente, peñejaâvo oñondive co Evangelio yaroviajá rejejápe.

1 Juan 1:3

upe rojecha ja rojendu vaecue, upéva pe ore romojerâcuâva roina peême, icatu jaguâ peyejeá peê avei orereje ñandepa oyoyuejegua jaguâ. Ja co ñande cuera yayejeájá oyoyuejeguaramo, ja upeicharamo avei, yayejeá pe Túva reje ja Tayra Jesu Cristo reje ñande oyoyuejegua jendive cuera.

1 Juan 5:7

ja pe Espiritu pe oicuaáucájá umimbae gui pe Espiritu añetegua rerecuájá reje.