Juan 15:24 - Tûpâ Ñandeyára 1913

²⁴ Che ayapo ŷ rire iyapytepe cuera mbaeguasu máramo avave ndoyapo jagueichaguai, mo ndipori raé angaipa oya vaerâ jesecuera. Coangama Che recha ja Che ñamotareŷ ja oñamotareŷ Che Rupe upeicha avei.

Ñandejára Ñe’ẽ

²⁴ Hi'ári kuéra ndo'ái vaerã mo'ã iñangaipa, ndajapói rire ijapytépe kuéra umi mba'e avave ojapo'ỹva. Ha'e kuéra katu, ohecha ramo jepe umi mba'e, ndaija'éi che rehe ha ndaija'éi che Rúre avei.

Ñandeyara Ñe'ẽ

²⁴ Ndoguerekói vaerã mo'ã culpa che ajapo'ỹ rire ijapytépe kuéra mba'e avave ojapo'ỹ va'ekue; opáichavo, ohecháma umi mba'e ha upeve rehe nda ija'éi che rehe, ha nda ija'éi avei che Ru rehe.

Ñandejara Ñe’ẽ ✟

²⁴ Hi'ári kuéra ndo'ái vaerã mo'ã iñangaipa, ndajapói rire ijapytépe kuéra umi mba'e avave ojapo'ỹva. Ha'e kuéra katu, ohecha ramo jepe umi mba'e, ndaija'éi che rehe ha ndaija'éi che Rúre avei.

Ñanderuete Ñe’ẽ Porã 2015

²⁴ Che ndajapói rire umi milágro ijapytepekuéra, avave ndaikatuiva’ekue ojapo, naiñangaipaiva’erãmo’ã hikuái, ko’ág̃a katu ohecha jepe che milagrokuéra ha upeichavéramo jepe oñemoĩ hikuái che ha che Ruete rehe.

Juan 15:24 Referencias Cruzadas

Matéo 11:5

ojecha yebyjá umi ojechaŷ vaecue, oguata pôrâ yebyjá umi icarê vaecue, oñemopotîmbajá umi leproso iyaívaí gui, ja ojendu yebyjá umi iyapŷsa ŷ vaecue, ja oicové yebyjá umi omano vaecue, ja umi mboriaju cuera oñemo angapyjyucájá pe Evangelio roñemoñeêjá mbae pyajú porâiteva gui rupi.

Matéo 21:32

Ou racae peême pe Juan umi imarangatúva recope oicovachagua, ja peê ndaperoviai ichupe. Umi tecové tieŷ ja umi cuña jeco vaíva ogueroviá ichupe catuetei, ja peê pejechapá ramo yepe umimbae, na peñembyasŷi racaé yepe ipajápe peroviá jaguâicha ichupe.

Matéo 9:33

ja osê maramo ichugui pe mbaepochy, oñeê pe iñeêngû vaecue. Ja ojecharâmô umi iyatŷva jicuai jeivo: Máramo ndo yejechai coaichagua mbaeguasú co Israel retâme.

Márcos 2:12

Ja upevove opûa ja opavavé resápe ojupi jupacué ja osê. Ja upeichajá gui ojecharâmô opavavé ja tuvicha ombueté Tûpâ Ñandeyárape, ja jei: Máramo nda yajechai raé coaichagua mbae!

Lúcas 24:19

Ja Jae jei ichupecuera: ¿Mbaepa? Ja jaecuera jei Ichupe: Pe Jesús Nazareno gui guare, caraí oñemoñeêjára vaecue, ipuacáva jembiapope ja iñeême Tûpâ Ñandeyára ypype ja opa co tetaŷgua ypype avei,

Juan 10:32

Ja Jesús jei ichupecuera: Jeta tembiapo pôrâ Che ajechauca vaecue peême ou vaecue Che Rú guivo. ¿Mava Che rembiapocue rejépa peê Che apita itápe?

Juan 10:37

Ndajaei ramo Che Rú rembiapoucapy co Che ayapova, ani Che rerovia.

Juan 12:10

Upeicharamo umi pai ruvicha oñomongueta oñondive oyuca jaguâ pe Lazarope avei,

Juan 12:45

Ja pe Che recháva Cheve ojecha avei pe Che mboujarépe.

Juan 14:9

Upei catu jei ichupe Jesús: Oyapo ramo yepe ymama Che are jague pene ndive, ¿nda che rechacuaaipa Cheve gueteri, nde Felipe? Upe Che recha vaecue Cheve, ojechama pe Túvape avei. ¿Maerâpa, aiporamo, icatu nde ere Ejechauca oreve pe Túvape?

Juan 15:21

Ja opa umimbae oyapone pendereje peê Che réra rejegua járeje peê ja ndoicuaai járeje jaecuera upe Che mboujarépe.

Juan 15:22

Che ayu ŷ rire ja añeê ŷ rire ichupecuera, mo ndipori raé angaipa oya vaerâ jesecuera. Anga catu ndiporiveima oyajoi jaguâ iñangaipa.

Juan 15:23

Upe Che ñamotareŷva, oñamotareŷ avei Che Rú pe.

Juan 16:9

Oicuaáucáne ichupecuera pe angaipa gui, ndo yeroviáijá reje Che reje;

Juan 3:2

Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára.

Juan 5:36

Che voí areco Che cuaauca pôrâvé vaerâ pe Juan gui yepe, umi tembiapo omeê vaecue Cheve pe Túva Che ayapopá vaerâ jecópe, co tembiapo voí Che ayapova aina, cova catu pe oicuaaucaba Chejegui pe Tuva Che mbou jague.

Juan 6:36

Upeicha voínte Che jae jagueicha peême, peê Che recha ramo yepe, nda peyeroviai Che reje yepe.

Juan 7:31

Umi tapicha mboriaju cuérava gui oime jeta ogueroviáva Ichupe ja jei: Upe Cristo ou ramo, ¿oyapópane jetavé mbaeguasu oyapova gui cova?

Juan 9:32

Iñypyrumby guive voí co yby, noñejendui vaecue peteî ojesapeava gui peteî jesapysó ŷ vaecuepe oñemoña jague guive voí.

Juan 9:41

Ja Jesús jei ichupecuera: Peê pende resapyso ŷ rire ndipori mo rae angaipa omboya vaerâ pende reje. Coanga nico peê peye: Rojecha catu, ja upeicharamo pene angaipa oya pende reje.

Apostolkuéra 10:38

Tûpâ Ñandeyára omoingo jague Ichupe Cristorâ Espiritu Santo pype ja ombopuacá jague Ichupe ja Jae oyapo jague oicovo tembiapo ipôrâva ja omojesâimba jague umi oyeyopŷ asŷ vaecuepe mbaepochy rupi, Tûpâ Ñandeyára voi oico jague reje Jendive.

Apostolkuéra 2:22

Peê cuimbae, Israel rejegua, pejendúkena co che ñeê. Upe Jesús Nazareno, Carai Tûpa Ñandeyára ombou vaecue peême oyejechauca vaecue imbaeguasu rupi ja mbae oporomondŷiva rupi ja mbae jechapyrâ rupi umi Tûpâ Ñandeyára oyapo vaecue Jaerupi penepaûme, peê avei peicuaa pôrâ jaicha.

Romayguakuérape 1:30

oporomoî vaí reíjá, oñamotareŷjá Tûpâ Ñandeyárape, oporojecájá jaecuerantéséjá, oñembotuvichajá, omoingova angaipa ipyajújá, ombueteŷjá ituvape cuera,

2 Timotéope 3:4

ja oicova pichyguyjápe oyapova tyâi, iñâcâ jâtâva, tecove oñembobúva, obyave torŷjá rupi Tûpâ Ñandeyárape ojaŷjujá gui,

Tiágo 4:4

Peê cuña reco vaicha ¿nda peicuaaipa, aiporamo, ñande yajayju ramo ybypóra reco rejeguape ñande ñañamotareŷmajá Tûpâ Ñandeyárape. Upeicharamo pe ojayjúséva co ybypóra reco rejeguape oñemoîngo oñamotareŷvaicha Tûpâ Ñandeyárape.