Juan 15:15 - Tûpâ Ñandeyára 1913

¹⁵ Coanga rire ndaeve mai pendejegui Che rembiguáiváicha ramo. Pe tembiguai voínte ndoicuaai mbaépa oyapo jina icarai. Che catu jae curi pendejegui Che rayjúpárajá peê aicuaaucápá járeje peême opa umimbae ajendu vaecue Che Ru gui.

Ñandejára Ñe’ẽ

¹⁵ Che nda'e véima pende rehe peẽ tembiguaiha, peteĩ tembiguái niko ndoikuaái mba'épa ijára ojapo. Che poguereko che irũ ramo, aikuaaukágui peẽme opa mba'e che Ru he'i vaekue chéve.

Ñandeyara Ñe'ẽ

¹⁵ Napomboheravéima tembiguái, pe tembiguái ndoikuaáigui pe ijára ojapóva. Pombohéra che rayhupára, aikuaauka hague rehe peẽme opa che Ru he'i va'ekue chéve.

Ñandejara Ñe’ẽ ✟

¹⁵ Che nda'e véima pende rehe peẽ tembiguaiha, peteĩ tembiguái niko ndoikuaái mba'épa ijára ojapo. Che poguereko che irũ ramo, aikuaaukágui peẽme opa mba'e che Ru he'i vaekue chéve.

Ñanderuete Ñe’ẽ Porã 2015

¹⁵ Napomboheramo’ãvéima tembiguái, pe tembiguái ndoikuaáigui ijára ojapóva, pombohéra uvei angirũ (amígo) ambohasapámagui peẽme opaite mba’e ahendúva guive che Ruetégui.

Juan 15:15 Referencias Cruzadas

Matéo 13:11

Ja Jae jei: Peêmente oñemeê peicuaa jaguâ umi ñeê ñemingué pe yvapegua reco rejeguáva. Umi ambuecuecuerape noñemeêi.

Lúcas 10:23

Upemaramo oyere jemimboe cuera coty ja jei ichupecuera jaeñojápe: Jeco marangatu vaerâ ja ipoaite vaerâ umi ojecha vaecue oguesape voí co peêcuera pejecha vaecue.

Juan 12:26

Oime ramo oyeyocuaiucáva Cheve tou Che rapycueri ja pe aime jaguâme Che, upepe avei oi vaerâ Che rembiyocuai. Oime ramo oyeyocuáiucáva Cheve, upévape Che Ru ombotuvicha vaerâ.

Juan 13:16

Añete Che jae peême catuetei pe tembiguai nda tuvichavéijá iyára gui ja pe temimbou nda tuvichavéijá pe imboujárégui.

Juan 15:20

Pene mandua catu pe ñeê Che jae vaecue peême reje: Pe tembiguai nda tuvichavéijá icaraigui. Oico ramo Che rapycueri jicuai Che rereco vaívo, oicone pende rapycueri upeicha avei. Ombuaye ramo jicuai Che ñeê, ombuayene avei pene ñeê.

Juan 16:12

Jeta oime ramo yepe gueteri Che jae vaerâ peême, neira gueteri ndicatui pende puaca jesecuera.

Juan 17:26

Che aicuaauca ichupecuera Nde réra, ja aicuaaucáne gueteri icatu jaguâ co Nde Che rayjú jaicha Cheve iya ichupecuera oyojayjú jagua upeicha avei, ja Che aime jaguâ ipype cuera.

Juan 20:17

Ja Jesús jei ichupe: Ani repoco Chereje, neira gueteri ayupi pe Túva rendape. Terejónte pyae umi Che reyi cuerape, ja ere ichupecuera co jaéucáva: Che ayupi Che Rú rendape, upe pende Rú rendape voi, ja Che Tûpâ Ñandeyára rendape, upe pene Tûpa Ñandeyára rendape voí.

Juan 4:19

Ja jei Ichupe pe cuña: Caraí rojechacuaa Ndeve umi ñemoñeêva rejeguavajá nde.

Juan 8:26

Jeta mbae oime areco añeê vaerâ pendejegui, ja añemoâ vaerâ pendereje. Upe Chembou vaecue Cheve jecoitepegua ja umi mbae ajendu vaecue Ichugui umiva catu umi Che añeêva ybypóra cuerape.

Apostolkuéra 20:27

Che namoâi vaecue avavegui co Tûpâ Ñandeyára oicuaáucá vaecue peême.

Romayguakuérape 7:15

Pe ayapova che nda jechacuaai che rembiapojá, ja pe aipotáva, ndajaei pe ayapova, pe chembŷayúva voí upéva pe ayapóva.

1 Corintoyguakuérape 2:16

¿Avápa voi ojechacuaa Ñandeyára pyapy ja omboese Ichupe? Ore voi roguereco Cristo pyapy.

Galaciayguakuérape 4:6

Ja itaŷrajá reje voí peê Tûpâ Ñandeyára ombou pe Tayra Espiritupe oike jaguâ pende pyape, ojenoîvo: Abba! Taita!

Efesoyguakuérape 1:9

oicuaáucavo ñandeve pe ñeê ñemi jembipota rejeguáva, jiâ jagueicha Ichupe ipôrâ oguereco pôrâmba jaguâ opambae jecópe ipoguype,

Efesoyguakuérape 3:5

co iñongatupy voi oyecuaauca-ŷ-vaecue umi cuimbae rejegua cuera ymaguarepe, coanga oyajoyao jaicha umi jembiyocuai Apostol cuera imarangatúvape ja oñemoñeêjarape Espiritu rupi.

Colosayguakuérape 1:26

aicuaauca jaguâ pe mbae ñemingue, iñongatupyre ñemijáme, iñypyrumby mboyve, ja oime mboyve oñemoñava, ja coangama icuaaucápyré imarangatúva cuerape.

Filemónpe 1:16

anive jaguâ rereco ichupe tembiguaicha, te rereco ichupe tuvichavé tembiguai gui, peteî ñanderejeguaicha catu yepe, che ajaŷjuetéva catuetei ja nde rejaŷjúetévéva yepe ichupe cuimbaeicha nde rejeguajá reje ja Ñandeyára rejeguaja reje avei.

Tiágo 1:1

Che Santiago, Tûpâ Ñandeyára ja Ñandeyára Jesu Cristo rembiguai, pomomaiteiuca opa peême doce oyojeŷiva Israel rejegua pe peñemuasai vaecue oparupi.

Tiágo 2:23

Upeicha avei oico jecope pe Santa Escriturape oyeéva: Abraam oyerovia Tûpâ Ñandeyára reje, ja pe iyeroviajá oñemoî ichupe jembiapo jecopegua rendaguepe. Upevareje jae oñejenôi Tûpâ Ñandeyára rayjupára ramo.

1 Pédro 1:11

Umiva voi ojechacuaase vaecue aracaépane jiára pe Cristo Espiritu ojechaucava ichupecuera jina ipyapype ja mbaeichagua árapane, jaecuera oicuaauca ramo guare upeguive voi ojasa asy jaguâ Cristo ja upe rire oñembotuvichaite jaguâ.

2 Pédro 1:1

Che, Simon Pedro, Jesu Cristo rembiguai ja rembiyocuai, Apostol, jaéucá opa umi ojupity vaecue oreicha voi avei co mbae ipôrâiteva yayeroviajá ñane Tûpâ Ñandeyára ja Ñane mopôtíjára Jesu Cristo reco pôrâ yoyaite rupi.

Júdas 1:1

Che, Judas, Jesu Cristo rembiguai, Santiago ryby, pomomaitéiucá peême, peê peyejayjúva Tûpâ Ñandeyára Túva rejegua járeje, ja peñeñongatúva Jesu Cristo peguârâ, peê peñejenôipyré.

Apocalípsis 1:1

Coâva pe Jesu Cristo rembiajoyaopyre, pe Tûpâ Ñandeyára omboiya vaecue Ichupe, Jae oicuaauca jaguâ umi jembiguai cuerape umi mbae curimivente oyejú vaerâ gui. Jae voi ombou pe jembiyocuai yvapeguape ojechauca vaerâ umi mbae pe jembiguai Juanpe.