Juan 10:25 - Tûpâ Ñandeyára 1913

²⁵ Upei catu Jesús jei ichupe cuera: Che jaema vaecue peême ja peê nda che reroviai. Umi Che rembiapocue ayapóva Che Rú rérape, umiva catu Che cuaauca vaerâ Cheve.

Ñandejára Ñe’ẽ

²⁵ Jesús he'i chupe kuéra: --Ha'éma niko peẽme, ha nda che reroviaséi. Umi mba'e che ajapóva che Ru ohejágui chéve ajapo, ohechauka porã mávapa che.

Ñandeyara Ñe'ẽ

²⁵ Jesús he'i ichupe kuéra: --Ha'éma niko peẽme ha nda che reroviái. Umi mba'e che ajapóva che Ru autoridad rupi, niko che kuaauka mávapa che;

Ñandejara Ñe’ẽ ✟

²⁵ Jesús he'i chupe kuéra: --Ha'éma niko peẽme, ha nda che reroviaséi. Umi mba'e che ajapóva che Ru ohejágui chéve ajapo, ohechauka porã mávapa che.

Ñanderuete Ñe’ẽ Porã 2015

²⁵ Hesu ombohovái ichupekuéra: Che ha’éma peẽme ha ndapegueroviái, umi tembiapo ajapova’aína che Ruete rérape ohechauka porã mávapa Che.

Juan 10:25 Referencias Cruzadas

Juan 10:32

Ja Jesús jei ichupecuera: Jeta tembiapo pôrâ Che ajechauca vaecue peême ou vaecue Che Rú guivo. ¿Mava Che rembiapocue rejépa peê Che apita itápe?

Juan 10:37

Ndajaei ramo Che Rú rembiapoucapy co Che ayapova, ani Che rerovia.

Juan 10:38

Ayapo ramo jecope añeté, nda che reroviai ramo yepe Cheve, peroviante co Che rembiapocue gui, peicuaa jaguâ ja pejechacuaa jaguâ pe Túva oijá Che pype ja Che aijá Ipype.

Juan 11:47

Upévareje umi pai ruvicha ja umi fariseo oñembyaty pe oñomonguetajápe ja jei: ¿Mbae pico yayapo ñaina ñande? Co carai voí jetaite mbaeguasu oyapo.

Juan 12:37

Ja jeta ramo yepe umi mbaeguasu Jae oyapo vaecue jesápe cuera, upeicharamo yepe ndo yeroviai Jese.

Juan 14:11

Che rerovia catu peê Che aimejá pe Túva pype, ja pe Túva oimejá Che pype, Upeicha ŷ ramo, Che reroviante umi Che rembiapocue reje vointe yepe.

Juan 20:30

Ja oime vaecue jeta mbae jechapyrâ avei ambue Jesús oyapo vaecue jemimboe cuera resápe, oñemoî ŷ vaecue co cuatiápe,

Juan 3:2

Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára.

Juan 7:31

Umi tapicha mboriaju cuérava gui oime jeta ogueroviáva Ichupe ja jei: Upe Cristo ou ramo, ¿oyapópane jetavé mbaeguasu oyapova gui cova?

Juan 8:12

Uperire Jesús oñeê yeby ichupecuera jeivo: Che catu ybypóra resapéjarâ. Upe ouva Che rapycueri ndoicoichene pytûnguype, oguerecone pe Tecove pe jesapéjarâme.

Juan 8:24

Upevareje voí Che jae vaecue peême pemano jaguâ pene angaipa mbytepe. Upeicha voi vaerâ, perovia ŷ ramo Che jaejá. Añete pemanone pene angaipa mbytepe.

Juan 8:56

Che aicuaa pôrâ Ichupe, ja ambuaye iñeê. Abraam pende rú ypycue oguerojorŷeté ojecha ramo guârâicha co Che ára, ja añete jae ojecha ja oguerojorŷeté.

Juan 8:58

Ja Jesús jei ichupecuera: Añeté añeté che jae peême. Abraam oico mboyve Che aicóma voi.

Apostolkuéra 10:38

Tûpâ Ñandeyára omoingo jague Ichupe Cristorâ Espiritu Santo pype ja ombopuacá jague Ichupe ja Jae oyapo jague oicovo tembiapo ipôrâva ja omojesâimba jague umi oyeyopŷ asŷ vaecuepe mbaepochy rupi, Tûpâ Ñandeyára voi oico jague reje Jendive.

Apostolkuéra 2:22

Peê cuimbae, Israel rejegua, pejendúkena co che ñeê. Upe Jesús Nazareno, Carai Tûpa Ñandeyára ombou vaecue peême oyejechauca vaecue imbaeguasu rupi ja mbae oporomondŷiva rupi ja mbae jechapyrâ rupi umi Tûpâ Ñandeyára oyapo vaecue Jaerupi penepaûme, peê avei peicuaa pôrâ jaicha.

hebreoyguakuerape 2:3

¿mbaeichapa ñañeguajêne ñande ñaroŷrô ramo co mbae tuvichaitévé ñane mopôtíjárâ. Coambae voi iñypyrumby oñemojerâcuâ raê vaecue Ñandeyára yuru ete rupi, ja uperire oñemoañete ja oyereroviáucá ñandeve umi ojendújaré rupi Ichupe,