Apocalípsis 7:2 - Tûpâ Ñandeyára 1913

² Ja ajecha guau ambue yvapegua oyupiva jina cuarajy resê guivo, oguerecova ipope pe mbae umi Tûpâ Ñandeyára oicovéva rejegua cuérava cuaaucájára. Ja jae oyerure osapucaijápe umi irundyvé yvapeguape oñemeê jague ipope cuera ombuai jaguâ yby ja ŷ guasu,

Ñandejára Ñe’ẽ

² Avei ahechave peteĩ Tupã remimbou oúva kuarahy resẽ guio, ha oguerekóva Tupã oikovéva séllo. Hatã osapukái umi irundy Tupã remimboúpe, oñeme'ẽ hague pu'aka ojapo haguã ivaíva yvy ha yguasúre:

Ñandeyara Ñe'ẽ

² Ahecha avei ambue ángel oúva kuarahy resẽguio, ha oguerekóva pe Tupã Ñandejára oikovéva sello, ha hatã osapukái umi irundy ángel kuéra oñeme'ẽ va'ekuépe autoridad ojapo vai haguã pe yvy ha mar rehe:

Ñandejara Ñe’ẽ ✟

² Avei ahechave peteĩ Tupã remimbou oúva kuarahy resẽ guio, ha oguerekóva Tupã oikovéva séllo. Hatã osapukái umi irundy Tupã remimboúpe, oñeme'ẽ hague pu'aka ojapo haguã ivaíva yvy ha yguasúre:

Ñanderuete Ñe’ẽ Porã 2015

² Ha ahecha ambue yvága rembiguái oúva kuarahyresẽguio, oguerekóva Ñanderuete ta’ãnga jopyha (séllo), ha osapukái hatã umi irundy yvága rembiguáipe, ha umívape oñeme’ẽ pu’aka ojapovai hag̃ua pe yvy ha yguasu rehe,

Apocalípsis 7:2 Referencias Cruzadas

Matéo 16:16

Upevove oñeê Simón Pedro jeivo: Nde nico pe Cristo, Tûpá Ñandeyára oicovéva Raŷeté!

Matéo 26:63

Ja oguero kîrîrî Jesús. Ja pe paí guasu jei yeby Ichupe: Ta romoñeê Ndeve Tûpâ Ñandeyára oicovéva rérape ere jaguâ Ndépa pe Cristo, Tûpâ Ñandeyára Raŷ?

Juan 6:27

Ani pembaapó pe tembiu ituyú vaerâ reje, pe tembiu opyta vaerâ rejente pe Tecové iyapyraŷ vaerâ meve yepe, upe omeê vaerâ peême pe Caraí Raŷ, pe Tûpâ Ñandeyára pe Tûva omoingo vaecue upearâ voí.

2 Corintoyguakuérape 1:22

Upéva avei ojaângámoî oreve omeê pype oreve mbaerepŷicha tenonderâ pe Espiritu ore pyape.

Efesoyguakuérape 1:13

Ja peê perovia vaecue avei Ichupe pejendu pype rae pe ñeê añetegua pe Evangeliope pe penembo jecomarangatu jára, ja peyerovia rire avei Jese peñemoi jâtâ pe Espiritu Santo oñecuameêmbyré rupi.

Efesoyguakuérape 4:30

Ja ani pembopyambyasy Tûpâ Ñandeyára Espiritu Santo pe ñane jaângámoî jague upe ñande yayejepypá jaguâ ára ramo guârâ.

1 Tesalonicayguakuérape 1:9

Umi ambuecue voi oñeê ramo orejegui, omombeu mbaeichapa ore rerojory peê oreve, ja mbaeichapa peê peyere rae Tûpâ Ñandeyárape umi taângá reí gui, peyeyocuáiucá jaguâ Tûpâ Ñandeyáraetéva oicovévape,

2 Timotéope 2:19

Upeicharamo yepe pe Tûpâ Ñandeyára ombojapo vaecue opyta jâtâ omyi ŷ reje oi pype pe japo reje coa ñeê: Ñandeyára oicuaa voi umi añetejápe jesegua cuéravape, ja co ñeê avei: Toyepea opaichagua teco vaí gui opa ojenôiva Ñandeyára rera.

hebreoyguakuerape 12:22

Peêcuera voi ndapeyui chenerae coaichagua mbaepe. Upea rangue peêcuera peyuma nerae pe itá atŷra Zionpeguape pe Tûpâ Ñandeyára oicovéva retâme, pe Jerusalem yvapeguape, ja umi yvapegua yaipapapácuaa ŷ va rendape,

Apocalípsis 1:3

Jeco oryete vaerâ umi omoñeêva ja upeicha avei umi iñeêrendúva coa ñeê co che ñemoñeê rejegua, ja jeco oryete umi ombuayeva jecope pe oyeéva co cuatiapegua. Jiára voi jiânguíma jina oico jaguâ jecope umimbae.

Apocalípsis 10:1

Uperamo ajecha guaú ambue yvapegua ipuacáva ogueyŷ ramo ouvo yvagui oñemondevaicha peteî araipe ja oi peteî arco iris iñâcâ ári rupi, ja jová cuarajŷicha ja ipŷ tata rendŷ opuâ vaicha.

Apocalípsis 10:4

Ja oñeê rire umi siete osunúva, che aimema voi amoî jaguâicha umimbae co cuatiápe, ajendu ramo peteî osapucaiva ŷva guive jeivo: Ereconte ye iñongatujápente âmbae oñeê vaecue umi siete osunúva ja ani remoî cuatiápe.

Apocalípsis 16:12

Ja pe seisjá yvapegua oñojê imbayru guasu gui pe ŷ guasu Eufrates jérava reje ja jŷpá jiŷ oñembosacoí jaguâ japérâ umi mburuvicha guasu ou vaerâme cuarajy osêja guivo.

Apocalípsis 5:2

Ja ajecha guau peteî yvapegua ipuacaitévape osapucaiva jiconi jâtâ: ¿Avápepa iya oipea jaguâ co cuatia ñeê apacuapy ja oyora iyocuajá?

Apocalípsis 8:3

Ja ou ambue yvapegua ja oñemboŷ pe ñemboejá renondepe, oguerecova ipope peteî mbae jyâcuâ ryrú oroguiguáva ja oñemeê ichupe jeta mbae jyâcuâ omboyopará jaguâ umi Tûpâ Ñandeyára marangatu cuera ñemboe reje pe oñemboejá oroguiguava ári oiva Tûpâ Ñandeyára guapyjá renondepe.

Apocalípsis 9:14

jeiva pe yvapegua seisjape upe oguerecovape pe turu: Epoínte umi irundy yvapegua gui, oiva iñapytîjápe pe ŷ guasu Eufrates ypype.

Apocalípsis 9:4

Ja oyee ichupecuera anichene jaguâ ombuai caavó ybyarigua, ja mbaeveichagua jia kyva, ja mbaeveichagua ybyra râcâ, tombuainte umi ybypóra oguerecoŷva isyvá reje Tûpâ Ñandeyára rejeguajá.