Apocalípsis 6:9 - Tûpâ Ñandeyára 1913

⁹ Ja oipea ramo pe cincojá iñapytîjá, ajecha guaú pe oñemboejá renda guype umi omano vaecue ânga umi oyeyuca vaecue rejegua Tûpâ Ñandeyára Ñeê rejejápe ja umi ñeê jaecuera oicuaauca vaecue rejejápe.

Ñandejára Ñe’ẽ

⁹ Pe Ovecha ra'y ojokávo séllo 5ha, ahecha pe altar guýpe umi oñeñakã'o vaekue ohenduka haguére Tupã marandu ha ndojeíri haguére ha'e he'ívagui.

Ñandeyara Ñe'ẽ

⁹ Pe Ovecha Ra'y oipe'ávo pe cinco selloha, ahecha pe altarguýpe, umi ojejuka va'ekue ánga kuéra Tupã Ñandejára ñe'ẽ rehe, ha omoherakuã hague rehe pe ñe'ẽ.

Ñandejara Ñe’ẽ ✟

⁹ Pe Ovecha ra'y ojokávo séllo 5ha, ahecha pe altar guýpe umi oñeñakã'o vaekue ohenduka haguére Tupã marandu ha ndojeíri haguére ha'e he'ívagui.

Ñanderuete Ñe’ẽ Porã 2015

⁹ Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.

Apocalípsis 6:9 Referencias Cruzadas

Juan 16:2

Peñe mombóne tûpâo gui cuera, ja jiâguima pe ára yepe oimeraêva pende yucáva guive oimoâ jaguâ oicuameêjá jina ombueté jaguâ Tûpâ Ñandeyárape.

2 Corintoyguakuérape 5:8

Upevareje yayerovia ñande pyaguasu, ja jiâite ñandeve ipôrâve yayerová ñande retégui yaja jaguâ ñane rendâgua Ñandeyára ypype.

Filipoyguakuérape 1:23

Co mbae mocoîve gui che reco ñapitŷ: che pya yerurete ayepoí jaguâ aja jaguâ aime jaguâ Cristo ndive, upéva ipôrâitevé:

Filipoyguakuérape 2:17

Ja uperire che recové oñeñojê ramo yepe pe peê peicuameêva, ja peiporúcáva reje peyeroviágui, upeicharamo yepe, che che rory, ja abyá opavave pende pyri.

2 Timotéope 1:8

Upevareje ani retî moa reicuaáucá jaguâ Ñandeyára guivo, ja chejegui avei ñapytîmbyré Jesejápe. Chemoîrûnte cheve co ajasa asyjá rupi co Evangelio rejejape gua icatu jaicha Tûpâ Ñandeyára nembo puaca ndeve.

2 Timotéope 4:6

Che aimema mbae oñejê mbyrâicha, ja jiâguima pe ayepoí jaguâ ára co che rete gui.

hebreoyguakuerape 12:23

pe oñembyatŷpájápe jicuai umi oñejenoî vaecue umi oñemoña ypy vaecueicha voi pe Iglesia rejeguarâ, jéra cuera oimémbámava yvape, peyúma voi pe mburuvicha opavave Tûpâ Ñandeyárape, ja umi jeco pôrâ vaecue jiánga oñemo marangatúpáite vaecuepe,

Apocalípsis 1:2

Cova pe Juan pe omojerâcuâ vaecue Tûpâ Ñandeyára Ñeê gui ja Jesu Cristo remimboecue gui ja omombeupa opambae jae voi ojecha vaecue.

Apocalípsis 1:9

Che Juan pende reŷicuérava, ja pene îrû co yajasa asyjá rupi, ja co ñañembo tuvichajá rupi ja co yaropuaca yarokîrîrîjáme Jesu rejejápe, Che aime vaecue pe tetâ jérava Patmos pe ŷ guasu mbytepe oivape aime iñapityjápe Tûpâ Ñandeyára Ñeê rejejápe ja Jesu remimboecue rejejápe.

Apocalípsis 14:18

Ja ambue yvapegua osê pe ñemboeja rendagui, upéva ipuaca tata rejeve, ja jae jei osapucaijápe pe oguereco vaecuepe pe kyse carapâ jaimbéva: Emoingue nde kyse carapâ jaimbéva, ja eikytî pe paralá apesâ ybyarigua, jia jiayúpáma voi jina.

Apocalípsis 16:7

Upegui ajendu ambuepe jei ramo pe oñemboéjá renda guive: Upeicha vaerâ Nde ore Yára Tûpâ Ñandeyára Nde puacaiteva opambae rejeve, Añetétegua ja jecoite pegua Ne rembiapoucapŷre.

Apocalípsis 19:10

Upei catu che añesû ipy renondepe ambuete jaguâ ichupe, ja jae jei cheve: Anikena! Che tembiguainte neîrû voi nde reŷicuera rejegua umi omojerâcuâjaré rejegua Jesúspe. Pembueténte Tûpâ Ñandeyárape: umi oporomojerâcuâjára Jesúspe umi oñemoñeêjára jeco rejeguante.

Apocalípsis 2:13

Che aicuaa ye mamópa nde reico oijape voi pe mburuvicha guasu guapyjá pe mbaepochŷ rendá voi, upeicharamo yepe, nerâcâteŷeté Che rera reje ja nereroŷrôi reyeroviajápe Chereje umi ára pe che mojerâcuâjaré yeroviajáva Antipas oyeyuca jague pende apytepe oicojápe pe mbaepochy.

Apocalípsis 20:4

Ja ajecha guaú mburuvicha guapyjá ja umi oguapŷva jiari cuera ja oñemeê ichupecuera iya jaguâ ichupecuera oporomojenda jaguâ. Upei catu ajecha guaú umi anga umi oñeñâcâó vaecue rejeguare oporomojerâcuâ jague reje Jesú gui ja Tûpâ Ñandeyára Ñeê rejejápe, ja ajecha avei umi anga umi ombuete-ŷ-vaecue pe maymba vaípe rejegua ja ombuete-ŷ-vaecue jaângápe avei ja oguereco-ŷ-vaecue isyvá reje, ja ipo reje oyejechacuaauca jaguâ jeseguajá. Umiva oicove yeby ja oico mburuvicha ramo Cristo ndive mil años peve.

Apocalípsis 8:3

Ja ou ambue yvapegua ja oñemboŷ pe ñemboejá renondepe, oguerecova ipope peteî mbae jyâcuâ ryrú oroguiguáva ja oñemeê ichupe jeta mbae jyâcuâ omboyopará jaguâ umi Tûpâ Ñandeyára marangatu cuera ñemboe reje pe oñemboejá oroguiguava ári oiva Tûpâ Ñandeyára guapyjá renondepe.

Apocalípsis 9:13

Upei catu pe seisjá yvapegua ombopu ituru, ja ajendu guau peteî oñeêva pe oñemboejá renda órova ratî paû gui oiva Tûpâ Ñandeyára renondepe,